ଇଣ୍ଡିଗୋର ନୂଆ ସିଇଓ ପିଟର ଇଲବର୍ସ
ନୂଆଦିଲ୍ଲୀ(ଓଡ଼ିଆ ନ୍ୟୁଜ୍): ପିଟର ଇଲବର୍ସ ଘରୋଇ ବିମାନ ସେବା ପ୍ରଦାନକାରୀ ସଂସ୍ଥା ଇଣ୍ଡିଗୋର ନୂଆ ସିଇଓ । ଅକ୍ଟୋବର ୧ରୁ ଏନେଇ ସେ ବିଧିବଦ୍ଧ ଭାବେ ଦାୟିତ୍ୱ ନେବେ। ୨୦୧୪ରୁ ପିଟର କେଏଲଏମ ରୟାଲ ଡଚ ଏୟାରଲାଇନ୍ସର ସଭାପତି ଓ ସିଇଓ ଭାବେ କାର୍ୟ୍ୟ କରି ଆସୁଛନ୍ତି। ବିମାନ ସେବା ପ୍ରଦାନକାରୀ କମ୍ପାନୀ ଗୁଡ଼ିକ ସହ କାର୍ୟ୍ୟ କରିବାର ଅଭିଜ୍ଞତା ତାଙ୍କ ପାଖରେ ରହିଛି। ବର୍ତ୍ତମାନର ଇଣ୍ଡିଗୋର ସିଇଓ ରୋନଜୟ ଦତ୍ତଙ୍କର କାର୍ୟ୍ୟକାଳ ୨୦୨୨ ମସିହା ସେପ୍ଟେମ୍ବର ୩୦ରେ ଶେଷ ହେବାକୁ ଥିବାରୁ ତାଙ୍କୁ ଅଭିଜ୍ଞତାକୁ ଦୃଷ୍ଟିରେ ରଖି ଇଣ୍ଡିଗୋ ପିଟରଙ୍କ ଉପରେ ଦାୟିତ୍ୱ ନ୍ୟସ୍ତ କରିଛି ।
ଇଣ୍ଡିଗୋର ଏମଡି ରାହୁଲ ଭାଟିଆ କହିଛନ୍ତି, ରୋନ(ରୋନଜୟ ଦତ୍ତ) ଆମ ବ୍ୟବସାୟୀକୁ ଦୀର୍ଘ ୪ ବର୍ଷ ହେଲା ବେଶ ପ୍ରଭାବୀ ଢଙ୍ଗରେ ଆଗକୁ ନେଇଥିବାରୁ ତାଙ୍କୁ ବୋର୍ଡ ଅଫ ଡିରେକ୍ଟର୍ସ ଓ ମୋ ତରଫରୁ ଅଶେଷ ଧନ୍ୟବାଦ।