ଚିନି ରପ୍ତାନି ଉପରେ ପ୍ରତିବନ୍ଧକ ଲଗାଇ ପାରନ୍ତି ଭାରତ ସରକାର

ଓଡ଼ିଆ ନ୍ୟୁଜ୍ (ବ୍ୟୁରୋ): ଗହମ ରପ୍ତାନି ଉପରେ ପ୍ରତିବନ୍ଧକ ଲଗାଇବା ପରେ ଏବେ ଭାରତ ସରକାର ମଧ୍ୟ ଚିନି ରପ୍ତାନି ନିୟନ୍ତ୍ରଣ କରିପାରନ୍ତି । ଭାରତୀୟ ସରକାରୀ କର୍ମଚାରୀଙ୍କ ଅନୁଯାୟୀ, ଘରୋଇ ମୂଲ୍ୟରେ ବୃଦ୍ଧି ନହେବା ପାଇଁ ଗତ ବର୍ଷ ମଧ୍ୟରେ ପ୍ରଥମ ଥର ପାଇଁ ଚିନି ରପ୍ତାନି ଉପରେ ପ୍ରତିବନ୍ଧକ ଲଗାଇବାକୁ ଭାରତ ସରକାର ଯୋଜନା କରୁଛନ୍ତି ।

ନ୍ୟୁଜ୍ ଏଜେନ୍ସି ରଏଟର୍ସ ରିପୋର୍ଟ ଅନୁଯାୟୀ, ଏହି ଋତୁରେ ଭାରତ ସରକାର ଚିନି ରପ୍ତାନି ଉପରେ ନିୟନ୍ତ୍ରଣ କରିପାରନ୍ତି ଏବଂ କେବଳ ୧୦ ମିଲିୟନ୍ ଟନ୍ ଚିନି ରପ୍ତାନିକୁ ଅନୁମୋଦନ କରିପାରନ୍ତି । ସେପ୍ଟେମ୍ବରରେ ଶେଷ ହେବାକୁ ଥିବା ଚଳିତ ଆର୍ଥିକ ବର୍ଷରେ ମେ ୧୮ ତାରିଖ ପର୍ୟ୍ୟନ୍ତ ଭାରତ ମୋଟ ୭୫ ଲକ୍ଷ ଟନ ଚିନି ରପ୍ତାନି କରିଛି ।

ଆମେ ଆପଣଙ୍କୁ କହିରଖୁଛୁ ଯେ, ବ୍ରାଜିଲ ପରେ ଭାରତ ହେଉଛି ବିଶ୍ୱର ସର୍ବବୃହତ ଚିନି ଉତ୍ପାଦନକାରୀ ଏବଂ ଦ୍ୱିତୀୟ ବୃହତ୍ତମ ରପ୍ତାନିକାରୀ, ତେଣୁ ଯଦି ଭାରତ ଚିନି ରପ୍ତାନି ଉପରେ ପ୍ରତିବନ୍ଧକ ଲଗାଏ, ତେବେ ଏହା ସମଗ୍ର ବିଶ୍ୱ ଉପରେ ବହୁତ ପ୍ରଭାବ ପକାଇବ ।

ଭାରତ ନିକଟରୁ ସବୁଠୁ ଅଧିକ ଚିନି କିଣୁଥିବା ଦେଶମାନଙ୍କ ମଧ୍ୟରେଇଣ୍ଡୋନେସିଆ, ଆଫଗାନିସ୍ତାନ, ଶ୍ରୀଲଙ୍କା, ବାଂଲାଦେଶ ସମେତ ସଂଯୁକ୍ତ ଆରବ ଅମୀରାତ, ମାଲେସିଆ ଇତ୍ୟାଦି ସାମିଲ ରହିଛନ୍ତି । ତେବେ ଯଦି ଭାରତରେ ଏହାର ଉତ୍ପାଦନ କଥା କୁହାଯାଏ, ମୁଖ୍ୟତଃ ଉତ୍ତରପ୍ରଦେଶ, ମହାରାଷ୍ଟ୍ର ଏବଂ କର୍ଣ୍ଣାଟକ ରାଜ୍ୟମାନଙ୍କରେ ଦେଶର ପ୍ରାୟ ୮୦ ପ୍ରତିଶତ ଚିନି ଉତ୍ପାଦନ କରାଯାଏ ।