ଅବସର ନେବେ ବାଜୱା, ପାକ୍ ସେନା ନିଜେ ବାଛିବ ନୂଆ ମୁଖିଆ
ନୂଆଦିଲ୍ଲୀ(ଓଡ଼ିଆ ନ୍ୟୁଜ୍): ପାକିସ୍ତାନରେ ସେନା ରାଜନୈତିକ ଶକ୍ତି ଅପେକ୍ଷା ଅଧିକ ଶକ୍ତିଶାଳୀ ବୋଲି ବିବେଚନା କରାଯାଏ । ଯେଉଁଥିପାଇଁ ପ୍ରଧାନମନ୍ତ୍ରୀଙ୍କ ବଦଳରେ ସେନା ନିଜେ ନିଜର ନୂଆ ମୁଖ୍ୟ ବାଛନ୍ତି। ପାକିସ୍ତାନୀ ସେନା କେବଳ ନୂଆ ଜେନେରାଲ ଚୟନ କରିବ ନାହିଁ, ବରଂ ତାଙ୍କ ସହ ଜଡିତ ସମସ୍ତ ସରକାରୀ ନିଷ୍ପତ୍ତି ମଧ୍ୟ ଗ୍ରହଣ କରିବ। ପାକିସ୍ତାନରେ ଏକ ନୂତନ ସେନା ମୁଖ୍ୟଙ୍କ ସନ୍ଧାନ ଆରମ୍ଭ ହୋଇଛି। ଜେନେରାଲ କାମାର ଜାଭେଦ୍ ବାଜୱା ନଭେମ୍ବରରେ ଅବସର ନେବେ । କିନ୍ତୁ, ଜାଣି ଆଶ୍ଚର୍ୟ୍ୟ ହେବେ ଯେ ନୂତନ ସେନା ମୁଖ୍ୟ ଚୟନରେ ପ୍ରଧାନମନ୍ତ୍ରୀ ଶାହାବାଜ ସରିଫଙ୍କର କୌଣସି ଭୂମିକା ରହିବ ନାହିଁ, ଯାହାର ସାମ୍ବିଧାନିକ ମୁଖ୍ୟ ଭାବରେ ଏହି ନିଯୁକ୍ତି କରିବାର ଅଧିକାର ରହିଛି।
ଇମ୍ରାନ ଖାନଙ୍କୁ କ୍ଷମତାରୁ ବହିଷ୍କୃତ କରାଯିବାବେଳେ ନିରପେକ୍ଷ ଥିବା ପାକିସ୍ତାନୀ ସେନା ୟୁ-ଟର୍ନ ନେଇ ପୁରୁଣା ଖେଳକୁ ଫେରୁଥିବା ଜଣାପଡିଛି। ଦେଶର ଉଚ୍ଚ ମୁଦ୍ରାସ୍ଫୀତି ଯୋଗୁଁ ପାକିସ୍ତାନର ଅର୍ଥନୀତି ବିପର୍ୟ୍ୟସ୍ତ ହୋଇପଡିଛି। ସେନା ମଧ୍ୟ ତାଙ୍କ ବିଷୟରେ ଚିନ୍ତିତ ଜ୍ଝ ସେନା ଚିନ୍ତା କରିବାର ଏହା ଏକ ବଡ଼ କାରଣ, କାହିଁକି ନା ବିନା ଅର୍ଥରେ ବଞ୍ଚିିବା ମସ୍କିଲ୍ । ଏହି ସମୟରେ ପ୍ରଧାନମନ୍ତ୍ରୀ ଶାହବାଜ ସରିଫ ସେନାର ନିର୍ଦ୍ଦେଶ ଅନୁଯାୟୀ କାର୍ୟ୍ୟ କରିବେ ବୋଲି ମଧ୍ୟ ସ୍ପଷ୍ଟ ହୋଇଛି। ପ୍ରକୃତ ଚିନ୍ତା ହେଉଛି ପାକିସ୍ତାନୀ ଅର୍ଥନୀତିର ଅବସ୍ଥା। ପାକିସ୍ତାନୀ ଖବରକାଗଜ ଇସଲାମ ଖବର ଅନୁଯାୟୀ, ଅର୍ଥନୈତିକ ଶକ୍ତି ବିନା କୌଣସି ନେତା ସେନାକୁ ପାକିସ୍ତାନର ସର୍ବୋଚ୍ଚ ଶକ୍ତି ଭାବରେ ଅଟକାଇ ପାରିବେ ନାହିଁ।