ଇଂଲଣ୍ଡର ପୂର୍ବତନ ୱିକେଟ୍ କିପର ବ୍ୟାଟ୍ସମ୍ୟାନ୍ ଜିମ୍ ପାର୍କଙ୍କ ୯୦ ବର୍ଷ ବୟସରେ ଦେହାନ୍ତ

୧୯୫୪ ରୁ ୧୯୬୮ ମଧ୍ୟରେ ୪୬ ଟି ଟେଷ୍ଟ ଖେଳିଥିବା ପୂର୍ବତନ ଇଂଲଣ୍ଡ ୱିକେଟ୍ କିପର-ବ୍ୟାଟ୍ସମ୍ୟାନ୍ ଜିମ ପାର୍କଙ୍କର ୯୦ ବର୍ଷ ବୟସରେ ଦେହାନ୍ତ ହୋଇଛି। ଏନେଇ ମଙ୍ଗଳବାର ଦିନ ସୂଚନା ଦେଇଛି। ସସେକ୍ସ କ୍ରିକେଟ୍ ଦ୍ବାରା ଜାରି ଏକ ବିବୃତ୍ତିରେ କୁହାଯାଇଛି: “୯୦ ବର୍ଷ ବୟସରେ ଜିମ ପାର୍କଙ୍କ ଦେହାନ୍ତରେ ସସେକ୍ସ କ୍ରିକେଟ୍ ଦୁଃଖିତ। ଗତ ସପ୍ତାହରେ ଘରେ ପଡିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେ ଇଂଲଣ୍ଡର ସର୍ବ ପୁରାତନ ଜୀବିତ ଟେଷ୍ଟ କ୍ରିକେଟର ଥିଲେ।

ଜିମ୍ ୧୯୩୦ ରେ ହାୱାର୍ଡସ୍ ହିଥରେ ଜନ୍ମଗ୍ରହଣ କରିଥିଲେ | ସେ ୧୯୪୯ ମସିହାରେ ୧୮ ବର୍ଷ ବୟସରେ ସସେକ୍ସ ବିପକ୍ଷରେ ଡେବ୍ୟୁ ମ୍ୟାଚ୍ ଖେଳିଥିଲେ। ଘରୋଇ ମ୍ୟାଚଗୁଡିକରେ ତାଙ୍କର ଅଭିଜ୍ଞତା ଅତୁଳନୀୟ ଥିଲା ଏବଂ ସେ ୭୩୯ ପ୍ରଥମ ଶ୍ରେଣୀ କ୍ରିକେଟ୍ ମ୍ୟାଚ୍ ଏବଂ ୧୩୨ ଲିଷ୍ଟ ଏ ମ୍ୟାଚ୍ ଖେଳିଥିଲେ ଏବଂ ତାଙ୍କ କ୍ୟାରିୟରରେ ୩୬,୦୦୦ ଫାଷ୍ଟ କ୍ଲାସ ରନ୍ ସ୍କୋର କରିଥିଲେ।

ସେ ୱିକେଟ୍ କିପର ବ୍ୟାଟ୍ସମ୍ୟାନ୍ଙ୍କ ପୂର୍ବରୁ ଲେଗ ବ୍ରେକ୍ ବୋଲିଂ କରୁଥିଲେ। ସେ ଇଂଲଣ୍ଡ ପାଇଁ ୪୬ ଟି ଆନ୍ତର୍ଜାତୀୟ ଟେଷ୍ଟ ମ୍ୟାଚ୍ ଖେଳିଥିଲେ | ତାଙ୍କ ବ୍ୟାଟିଂ ଶୈଳୀ ବିଷୟରେ କହିବାକୁ ଗଲେ ସେ ଆକ୍ରମଣାତ୍ମକ ବ୍ୟାଟ୍ସମ୍ୟାନ୍ଙ୍କ ମଧ୍ୟରେ ଗଣତି ହୋଇଥିଲେ।