ବାଣ ଫୁଟାଇବାକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ମାରପିଟ୍
ଓଡ଼ିଆ ନ୍ୟୁଜ,(ବ୍ୟୁରୋ): ବାଣ ଫୁଟାଇବାକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ମାରପିଟ୍। ଘଟଣାରେ ୫ ଜଣ ବିଜେପି କର୍ମୀ ଆହତ ହୋଇଛନ୍ତି। ସୂଚନା ଅନୁସାରେ କେନ୍ଦୁଝର ବିଧାୟକ ମୋହନ ଚରଣ ମାଝୀ ମୁଖ୍ୟମନ୍ତ୍ରୀ ଭାବେ ଶପଥ ନେଉଥିବା ବେଳେ ହାଟଡିହି ବ୍ଲକ୍ ଧନୁର୍ଜୟପୁରରେ ବାଣ ଫୁଟାଇ ଖୁସି ମନାଉଥିଲେ ବିଜେପି ସମର୍ଥକ। ଏହି ସମୟରେ ଦୁଇ ଗୋଷ୍ଠୀ ମଧ୍ୟରେ ମାରପିଟ୍ ହୋଇଥିଲା।
ରାଜ୍ୟରେ ବିଜେପି ସରକାର ଗଠନ ହୋଇଥିବା ବେଳେ ଆଜି ମନ୍ତ୍ରିମଣ୍ଡଳର ଶପଥ ଗ୍ରହଣ ଉତ୍ସବ ହୋଇଥିଲା। ସନ୍ଧ୍ୟାରେ ଧନୁର୍ଜୟପୁର ଗ୍ରାମରେ ବିଜେପି କର୍ମୀମାନେ ବାଣ ଫୁଟାଇ ଖୁସି ମନାଉଥିଲେ। ଗ୍ରାମର ସିଲାଇ ବିରୁଆ ଓ ତାଙ୍କ ପୁଅ ଏହାକୁ ବାରଣ କରିଥିଲେ। ବାଣ ନ ଫୁଟାଇବାକୁ କହିଥିଲେ। ଏହାକୁ ନେଇ ଉଭୟ ପକ୍ଷଙ୍କ ବଚସା ହୋଇଥିଲା। ପରେ ବାପପୁଅ ରକ୍ତମୁଖା ହୋଇ ଉଠିଥିଲେ। ବାଣ ଫୁଟାଉଥିବା ବିଜେପି କର୍ମୀମାନଙ୍କୁ କତାରେ ଆକ୍ରମଣ କରିବା ସହ ତୀରମାଡ଼ କରିଥିଲେ। ଏଥିରେ ବିଶ୍ୱଜିତ ରାଉତ, ନାରାୟଣ ସାମଲ, ଅଶୋକ ଜେନା, ଗାଙ୍ଗୁଲି ବିରୁଆ ଗୁରୁତର ଆହତ ହୋଇଛନ୍ତି।
ବିଶ୍ୱଜିତଙ୍କ ହାତ, ମୁଣ୍ଡ, ପିଠିରେ ଗଭୀର କ୍ଷତ ହୋଇଥିବା ବେଳେ ଗାଙ୍ଗୁଲିଙ୍କ ମୁଣ୍ଡ ଓ ପିଠି, ଅଶୋକ ଜେନାଙ୍କ ମୁଣ୍ଡରେ ଗଭୀର ଆଘାତ ଲାଗିଛି। ସେମାନଙ୍କୁ ଆଗରପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ନାରାୟଣ ସାମଲଙ୍କ ହାତରେ ତୀର ପଶିଯାଇଛି। ତାଙ୍କୁ କଟକ ସ୍ଥାନାନ୍ତର କରାଯାଇଛି। ଏନେଇ ବିଶ୍ୱଜିତ ସୋସୋ ଥାନାରେ ଅଭିଯୋଗ କରିବା ପରେ ପୁଲିସ ତଦନ୍ତ ଆରମ୍ଭ କ