ଭାଇରାଲ ହେବାରେ ଲାଗିଛି ପ୍ରଧାନମନ୍ତ୍ରୀ ଏକ ନୂଆ ଭିଡିଓ
ଓଡ଼ିଆ ନ୍ୟୁଜ,(ବ୍ୟୁରୋ): ଭାଇରାଲ ହେବାରେ ଲାଗିଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏକ ନୂଆ ଭିଡିଓ । ଯେଉଁଥିରେ ସେ ୨ଜଣ କୁନି ପିଲାଙ୍କ ସହିତ ଖେଳୁଥିବା ନଜର ଆସିଛନ୍ତି । କୁନି ପିଲାଙ୍କୁ କଏନ ଟ୍ରିକ ଶିଖାଉଛନ୍ତି । ଯାହାକୁ ଖୁବ ପସନ୍ଦ କରାଯାଉଛି । ବାସ୍ତବରେ ଭିଡିଓରେ ପ୍ରଧାନମନ୍ତ୍ରୀ ପିଲାମାନଙ୍କ ସହ ଖେଳୁଥିବାର ଦେଖିବାକୁ ମିଳିଛି। ତେବେ ସମସ୍ତେ ଜାଣନ୍ତି ଯେ ମୋଦିଙ୍କର ପିଲାମାନଙ୍କ ପ୍ରତି ଏକ ଭିନ୍ନ ଆକର୍ଷଣ ରହିଛି । ପ୍ରତିଦିନ ସେ ପିଲାମାନଙ୍କ ସହ ମସ୍ତି କରିବା କିମ୍ବା ସେମାନଙ୍କୁ ପ୍ରୋତ୍ସାହନ ଦେଉଥିବାର ଦେଖିବାକୁ ମିଳୁଛି।
ଏହି ଭିଡିଓରେ ପ୍ରଧାନମନ୍ତ୍ରୀ କପାଳରେ ଏକ ମୁଦ୍ରା ଲଗାଇ ଏହାକୁ ପଛପଟ ମୁଣ୍ଡ ବାଡଉଛନ୍ତି । ଫଳରେ ମୁଦ୍ରାଟି ହାତରେ ଖସି ପଡୁଛି । ଦୁଇ କୁନି ପିଲାଙ୍କୁ ମଧ୍ୟ ଏପରି କରିବା ଲାଗି ସେ କହୁଛନ୍ତି । ସେମାନଙ୍କ ମୁଣ୍ଡରେ ମୁ୍ଦ୍ରା ଲଗାଇ ପଛ ପଟ ମୁଣ୍ଡକୁ ବାଡ଼େଇବାକୁ କହୁଛନ୍ତି । ହେଲେ ହାତରେ ମୁଦ୍ରା ପଡୁନଥିବା ବେଳେ ଏହା ଏକ ମ୍ୟାଜିକ୍ ବୋଲି କହୁଛନ୍ତି । କିନ୍ତୁ ବାସ୍ତବରେ ଅନ୍ୟ ହାତରେ ମୁଦ୍ରାଟିକୁ ମୋଦି ଲୁଚାଇଛନ୍ତି । ଏଭଳି ଢଙ୍ଗରେ ସେ ପିଲାଙ୍କ ସହିତ ଖେଳୁଥିବା ନଜର ଆସିଛନ୍ତି । ଯାହାକୁ ବିଭିନ୍ନ ମହଲରେ ପସନ୍ଦ କରାଯାଇଛି । ତେବେ ସୂଚନା ମୁତାବକ, ପ୍ରଧାନମନ୍ତ୍ରୀ ମୋଦୀ ପ୍ରଧାନମନ୍ତ୍ରୀଙ୍କ ବାସଭବନରେ ଏକ ପରିବାରକୁ ଭେଟିଥିଲେ। ପରିବାରର ଦୁଇ ପିଲା ମଧ୍ୟ ପ୍ରଧାନମନ୍ତ୍ରୀଙ୍କୁ ଭେଟିବାକୁ ଆସିଥିଲେ। ପିଲାମାନଙ୍କ ସହ ପ୍ରଧାନମନ୍ତ୍ରୀ ବହୁତ ମଜା କରିଥିଲେ।
ଏଠାରେ ସେ ପ୍ରଥମେ ଦୁଇ ପିଲାଙ୍କ କାନ ଧରି ହଲାଇଥିଲେ। ଏହାପରେ ମୁଣ୍ଡରେ ମୁଦ୍ରା ଲଗାଇ ପିଲାମାନେ ଏକ କୌଶଳ ଦେଖାଇଥିଲେ, ଯାହାକୁ ପିଲାମାନେ ଯାଦୁ ବୋଲି ଭାବୁଥିଲେ। ଏହାପରେ ପ୍ରଧାନମନ୍ତ୍ରୀ ପିଲାମାନଙ୍କୁ ମଧ୍ୟ ଏହି ସଫଳତା କରାଇଥିଲେ। ସୋସିଆଲ ମିଡିଆରେ ପିଏମ ମୋଦିଙ୍କ ଏହି ଭିଡିଓକୁ ଲୋକେ ଖୁବ ପସନ୍ଦ କରୁଛନ୍ତି । ଏହି ଖବର ଲେଖାଯିବା ବେଳକୁ ଏହି ଭିଡିଓକୁ ଲକ୍ଷ ଲକ୍ଷ ଲୋକ ଦେଖି ସାରିଲେଣି ଏବଂ ହଜାର ହଜାର ଲାଇକ୍ ମିଳିସାରିଛି।