ଆଉ ଚୀନରେ ରହିପାରିବେନି ଭାରତୀୟ ସାମ୍ବାଦିକ, ଜାଣନ୍ତୁ କାହିଁକି
ଓଡ଼ିଆ ନ୍ୟୁଜ (ବ୍ୟୁ୍ରୋ) : ଚୀନ୍ରେ କାର୍ଯ୍ୟ କରୁଥିବା ଶେଷ ଭାରତୀୟ ସାମ୍ବାଦିକଙ୍କୁ ଜୁନ୍ ମାସ ଶେଷ ପୂର୍ବରୁ ଦେଶ ଛାଡିବାକୁ କୁହାଯାଇଛି । ଜୁନ୍ ମାସ ଶେଷ ସୁଦ୍ଧା ଚୀନ୍ରେ ରହିବେନି ଜଣେ ବି ଭାରତୀୟ ସାମ୍ବାଦିକ । ଚୀନ୍ ସୋମବାର ଏହାର ସାମ୍ବାଦିକମାନଙ୍କୁ ଭାରତରେ ଭେଦଭାବ ଏବଂ ଅନୁଚିତ୍ ବ୍ୟବହାର ହୋଇଥିବା ଅଭିଯୋଗ ଆଣିଛି ।ରଏଟର୍ସ ରିପୋର୍ଟରେ ସୂତ୍ରକୁ ଉଦ୍ଧୃତ କରି କୁହାଯାଇଛି, ଚୀନ୍ରେ କେବଳ ଭାରତୀୟ ନ୍ୟୁଜ୍ ଏଜେନ୍ସି ପିଟିଆଇର ସାମ୍ବାଦିକ ରହିଛନ୍ତି ।ଭିସା ସମାପ୍ତ ହେବା ପରେ ସେ ମଧ୍ୟ ଭାରତ ଆସିବେ । ରିପୋର୍ଟ ଅନୁଯାୟୀ, ୨୦୨୩ ଆରମ୍ଭରେ ଭାରତର ଚାରିଜଣ ସାମ୍ବାଦିକ ଚୀନରେ ଥିଲେ । ଏମାନଙ୍କ ମଧ୍ୟରୁ ଦୁଇଜଣଙ୍କ ଭିସା ଫ୍ରିଜ୍ ହେତୁ ଏପ୍ରିଲରେ ଫେରିବାକୁ ପଡିଥିଲା ।
ଏଥି ସହିତ, ଅବଶିଷ୍ଟ ଦୁଇ ସାମ୍ବାଦିକଙ୍କ ମଧ୍ୟରୁ ଜଣେ ଜୁନ୍ ୧୧ ରେ ଭିସା ସମାପ୍ତ ହେବା ପରେ ଦେଶକୁ ଫେରି ଆସିଥିଲେ । ଆଉ ଶେଷ ସାମ୍ବାଦିକ ଜଣକ ମଧ୍ୟ ଜୁନ୍ ଶେଷ ସୁଦ୍ଧା ଭାରତ ଫେରିବେ । ଯାହା ପରେ ଚୀନ୍ରେ ଜଣେ ହେଲେ ବି ଭାରତୀୟ ସାମ୍ବାଦିକ ରହିବେ ନାହିଁ । ରଏଟର୍ସ ଅନୁଯାୟୀ, ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ୱାଙ୍ଗ ୱେନବିନ ଗତକାଲି ଅଭିଯୋଗ କରିଛନ୍ତି ଯେ, ନିକଟ ଅତୀତରେ ଚୀନ୍ ସାମ୍ବାଦିକ ମାନଙ୍କୁ ଭାରତରେ ଭେଦଭାବ କରାଯାଇ ଅନ୍ୟାୟ କରାଯାଇଛି । ସେ ଦାବି କରିଛନ୍ତି ଯେ୨୦୨୦ ରୁ ଭାରତରେ ଚୀନ୍ ସାମ୍ବାଦିକଙ୍କ ଭିସା ଗ୍ରହଣ କରାଯାଇ ନାହିଁ । ଯେଉଁଥି ପାଇଁ ଭାରତରେ ଚୀନ୍ରେ ୧୪ ଜଣ ସାମ୍ବାଦିକ ଭିତରୁ କେବଳ ଜଣେ ସାମ୍ବାଦିକ ରହିଛନ୍ତି।
ବ୍ଲୁମବର୍ଗ ରିପୋର୍ଟ ଅନୁଯାୟୀ ଚୀନ୍ର ଦାବି ଉପରେ ଭାରତ ସରକାର କହିଛନ୍ତି ଯେ ଚୀନ୍ ସାମ୍ବାଦିକମାନେ କୌଣସି ଅସୁବିଧା ନକରି ଦେଶରେ କାର୍ଯ୍ୟ କରୁଛନ୍ତି, କିନ୍ତୁ ଚୀନ୍ରେ ଭାରତୀୟ ସାମ୍ବାଦିକଙ୍କ କ୍ଷେତ୍ରରେ ତାହା ହୋଇ ନାହିଁ ।