ଧାନ ବିଲରୁ ୨ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର

ଓଡ଼ିଆ ନ୍ୟୁଜ,(ବ୍ୟୁରୋ): ପୁରୀ ଜିଲ୍ଲା ବ୍ରହ୍ମଗିରି ଥାନା ଅନ୍ତର୍ଗତ ବାଲିହରଚଣ୍ଡି  କଠୁଆରେଡି ରାସ୍ତାର  ମାଲାସହ  ଶଙ୍ଖ ନିକଟ ଧାନ ଜମିରୁ ଆଜି ସକାଳୁ ସକାଳୁ ଦୁଇ ଯୁବକଙ୍କ ରକ୍ତ।କ୍ତ ଶବ ଉଦ୍ଧାର ହୋଇଛି।  ପାଖରୁ  ଗୋଟିଏ ମୋଟର ସାଇକେଲ ମଧ୍ୟ ମିଳିଛି। ମୃତ ଯୁବକ ଦ୍ୱୟଙ୍କ ଘର ପୁରୀ ଖଡିପଦା ଅଞ୍ଚଳର ବୋଲି ଜଣାଯାଇଛି।

ଯୁବକଙ୍କ ମୃତଦେହ ନିକଟରେ ଏକ ବାଇକ୍ ପଡ଼ିଛି। ସୂଚନା ମୁତାବକ, ଆଜି ସକାଳେ କଠୁଆରେଡି ରାସ୍ତା ନିକଟରେ ଥିବା ଧାନ ବିଲରେ ଯୁବକ ଦ୍ୱୟଙ୍କ ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିଥିଲେ। ଏନେଇ ପୁଲିସକୁ ଖବର ଦେଇଥିଲେ। ପୁଲିସ ମୃତଦେହକୁ ଉଦ୍ଧାର କରି ଘଟଣାର ତଦନ୍ତ କରୁଛି। ଯୁବକ ଦ୍ୱୟଙ୍କର କିପରି ମୃତ୍ୟୁ ଘଟିଲା ତାହା ଜଣାପଡ଼ି ନାହିଁ।

କାଲି ରାତିରେ ବଡ଼ ହରଚଣ୍ଡିରୁ ଭୋଜି ସାରି ଫେରିବା ବେଳେ ଦୁର୍ଘଟଣାରେ ଯୁବକଙ୍କ ମୃତ୍ୟୁ ଘଟିଥିବା ସନ୍ଦେହ କରାଯାଉଛି। ଯୁବକଦ୍ୱୟଙ୍କ ମୃତ୍ୟୁ ପରେ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି। ମୃତ ଯୁବକ ଦୁଇ ଜଣ ପୁରୀ ଖଡିପଦା ଅଞ୍ଚଳର ବୋଲି ପରିଚୟ ମିଳିଛି। ଘଟଣା ସ୍ଥଳରେ ବ୍ରହ୍ମଗିରି ପୁଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି।