ଜଳିଗଲା ବସ୍; ୧୧ ଜୀବନ୍ତ ଦଗ୍ଧ
ଓଡ଼ିଆ ନ୍ୟୁଜ୍: ବସ୍ରେ ଭୟାବହ ଅଗ୍ନିକାଣ୍ଡ; ୧୧ରୁ ଊର୍ଦ୍ଧ୍ବ ଯାତ୍ରୀଙ୍କ ମୃତ୍ୟୁ।ହାଇଦ୍ରାବାଦ-ବେଙ୍ଗାଲୁରୁ ଏନ୍ଏଚ୍ରେ ବସ୍ରେ ଲାଗିଲା ନିଆଁ। ଆନ୍ଧ୍ରର କୁର୍ଣ୍ଣୁଲ ଜିଲ୍ଲା ଚିନ୍ନା ଟେକୁରୁ ଗାଁ ନିକଟରେ ଅଘଟଣ।ବାଇକ୍ ସହ ଧକ୍କା ହେବାରୁ ବସ୍ରେ ହଠାତ୍ ଲାଗିଲା ନିଆଁ।ବସ୍ରେ ୪୨ ଜଣ ଯାତ୍ରୀ ଥିଲେ, ଅନେକଙ୍କ ଅବସ୍ଥା ସଙ୍କଟାପନ୍ନ।ହାଇଦ୍ରାବାଦରୁ ବେଙ୍ଗାଲୁରୁ ଅଭିମୁଖେ ଯାଉଥିଲା ବସ୍। ଆଜି ସକାଳେ କର୍ଣ୍ଣୁଲ ଜିଲ୍ଲାର କଲ୍ଲୁର ମଣ୍ଡଳର ଚିନ୍ନାଟେକୁର ଅଞ୍ଚଳରେ ଘଟିଥିଲା ମର୍ମନ୍ତୁଦ ସଡ଼କ ଦୁର୍ଘଟଣା । ହାଇଦ୍ରାବାଦରୁ ବେଙ୍ଗାଲୁରୁ ଯାଉଥିବା ଏକ କାବେରୀ ଟ୍ରାଭେଲ୍ସ ବସ୍ରେ ହଠାତ୍ ଲାଗିଥିଲା ନିଆଁ । ଦୁର୍ଘଟଣା ଏତେ ଭୟଙ୍କର ଥିଲା ଯେ ସମ୍ପୂର୍ଣ୍ଣ ବସ୍ ଟି କିଛି ମିନିଟ୍ ମଧ୍ୟରେ ପାଉଁଶ ହୋଇଗଲା। ଖବର ମିଳିବା ସୁଦ୍ଧା ଏଗାର ଜଣଙ୍କର ମୃତ୍ୟୁ ହୋଇଛି । ଅନେକ ଯାତ୍ରୀ ଗୁରୁତର ହୋଇଛନ୍ତି ।
ପ୍ରାଥମିକ ସୂଚନା ଅନୁଯାୟୀ, ହାଇୱେରେ ବସ୍ ଟି ଦୁଇ ଚକିଆ ଗାଡ଼ି ସହିତ ଧକ୍କା ହୋଇଥିଲା । ଯାହା ଫଳରେ ନିଆଁ ଲାଗିଥିଲା। ଦୁର୍ଘଟଣା ସମୟରେ ଡଜନେ ଡଜନେ ଯାତ୍ରୀ ବସ୍ ରେ ଥିଲେ। ସରକାରୀ ସୂତ୍ର ଅନୁଯାୟୀ, ଦୁର୍ଘଟଣାରେ ଅନେକ ଲୋକଙ୍କର ମୃତ୍ୟୁ ହୋଇଛି । ଅନେକ ଯାତ୍ରୀ ଏମରଜେନ୍ସି ଏକ୍ସିଟ୍ ଦେଇ ଖସି ପଳାଇବାରେ ସଫଳ ହୋଇଥିଲେ। ସମସ୍ତ ଆହତଙ୍କୁ ଚିକିତ୍ସା ପାଇଁ କର୍ଣ୍ଣୁଲ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି।