କାଠ ମାଫିଆଙ୍କ ଆକ୍ରମଣରେ ବନରକ୍ଷୀ ଆହତ

ଓଡ଼ିଆ ନ୍ୟୁଜ,(ବ୍ୟୁରୋ): ପେଟ୍ରୋଲିଂ କରିବା ବେଳେ କାଠ ମାଫିଆଙ୍କ ଆକ୍ରମଣର ଶିକାର ହୋଇ ବନରକ୍ଷୀ ଆହତ ହୋଇଛନ୍ତି। ଆହତ ବନରକ୍ଷୀ ଜଣକ ହେଲେ ବାରିପଦା ବନଖଣ୍ଡ ଅନ୍ତର୍ଗତ ବେତନଟି ରେଞ୍ଜର ରାଜଧନ ସିଂ। ବୁଧବାର ବିଳମ୍ବିତ ରାତିରେ ରାଜଧନ ସବୁଜ ବାହିନୀ ଓ ବନ ସୁରକ୍ଷା ସହାୟକ ମାନଙ୍କ ସହ ପେଟ୍ରୋଲିଂ କରୁଥିଲେ। ଏହି ସମୟରେ ଏକ ବେଆଇନ କାଠ ବୋଝେଇ ପିକଅପ୍ ଭ୍ୟାନକୁ ଧରିଥିଲେ।

ତାହାକୁ ବେତନଟି ରେଞ୍ଜ କାର୍ଯ୍ୟାଳୟକୁ ନେଇକି ଆସୁଥିବା ବେଳେ ପ୍ରାୟ ୧୦ରୁ ଉର୍ଦ୍ଧ୍ବ ଦୁର୍ବୃତ୍ତ ସେମାନଙ୍କୁ ବାଟରେ ଅଟକାଇ ଥିଲେ। ଜବତ କାଠ ଗାଡିକୁ ଛାଡି ଦେବା ଧମକ ଦେଇଥିଲେ। ଏଥିରେ ଅମଙ୍ଗ ହେବାରୁ ଦୁର୍ବୁତ୍ତ ମାନେ ଠେଙ୍ଗାରେ ଆକ୍ରମଣ କରିଥିଲେ। ଯାହା ଫଳରେ ଅନ୍ୟ ମାନେ ଆହତ ହୋଇଥିବା ବେଳେ ରାଜଧନ ଅଧିକ ଆହତ ହୋଇଥିଲେ।

ବେତନଟୀ ଡାକ୍ତରଖାନାରେ ପ୍ରଥମ ଭର୍ତ୍ତି କରିଥିବା ବେଳେ ପରେ ଗୁରୁତର ଅବସ୍ଥାରେ ବାରିପଦା ପିଆରଏମ ହସ୍ପିଟାଲକୁ ସ୍ଥାନାତ୍ୱର କରାଯାଇଥିଲା। ଦୁର୍ବୃତ୍ତ ମାନେ ଆକ୍ରମଣ କରିବା ପରେ ଫେରାର ହୋଇଯାଇଛନ୍ତି। ତାଙ୍କୁ ଧରିବା ପାଇଁ ପ୍ରଚେଷ୍ଟା ଜାରି ରହିଛି।