ପଶ୍ଚିମବଙ୍ଗ ସୀମାରୁ ହଟିଲା ନାକା ପଏଣ୍ଟ

ଓଡ଼ିଆ ନ୍ୟୁଜ,(ବ୍ୟୁରୋ): ପଶ୍ଚିମବଙ୍ଗ ସୀମାରୁ ହଟିଲା ନାକା ପଏଣ୍ଟ ।ମଧ୍ୟ ରାତିରୁ ଓଡ଼ିଶାକୁ ପ୍ରବେଶ କରିଛି ଆଳୁ ଗାଡି।ଦୀର୍ଘ ଦିନ ପରେ ଓଡ଼ିଶାକୁ ଆଳୁ ରପ୍ତାନୀ ପାଇଁ ବାଟ ଫିଟିଛି। ପଶ୍ଚିମବଙ୍ଗ ପ୍ରଶାସନ ନିର୍ଦ୍ଦେଶରେ ଦାନ୍ତଣ ପୋଲିସ ସୀମାରେ ୬୦ନଂ ଜାତୀୟ ରାଜପଥ ସୋନାକାଣିଆ ଠାରେ ନାକା ପଏଣ୍ଟ କରି ଆଳୁ ଗାଡି ଅଟକୁ ଥିଲା  |

ଗତ ରବିବାର ମଧ୍ଯ ରାତିରୁ ପଶ୍ଚିମବଙ୍ଗ ଆଳୁ ବ୍ୟବସାୟୀ ଶୀତଳଭଣ୍ଡାରରୁ ଆଳୁ ବାହାର କରିବା ବନ୍ଦ କରିଥିଲେ । ଫଳରେ ଗତ ମଙ୍ଗଳବାର ପଶ୍ଚିମବଙ୍ଗ ଆଳୁ ବ୍ୟବସାୟୀ ଓ ପଶ୍ଚିମବଙ୍ଗ ପ୍ରଶାସନ ମଧ୍ୟରେ ଆଲୋଚନା ହୋଇ ଓଡ଼ିଶାକୁ ଆଳୁ ରପ୍ତାନୀର ବାଟ ଫିଟିଥିଲା । ପଶ୍ଚିମବଙ୍ଗ ପୋଲିସ ଗତ କାଲି ମଧ୍ୟ ରାତିରୁ ସୀମାରେ ଥିବା ନାକା ପଏଣ୍ଟ ହଟେଇ ଦେଇଥିବା ଦେଖି ବାକୁ ମିଳିଛି ।

ଏହି ରାସ୍ତା ଦେଇ ୩୦୦ରୁ ଅଧିକ ଆଳୁ ଗାଡି ଓଡିଶାକୁ ପ୍ରବେଶ କରିଛି। ଯାହା ଫଳରେ ଓଡ଼ିଶାରେ ଆଳୁ ଦର ହ୍ରାସ ପାଇବ ବୋଲି ସମ୍ଭାବନା ରହିଛି।