ନୂତନ ସଂସଦର ଉଦଘାଟନ ବିରୋଧୀ ଆବେଦନ ସୁପ୍ରିମକୋର୍ଟରେ ଖାରଜ୍

ଓଡ଼ିଆ ନ୍ୟୁଜ୍ (ବ୍ୟୁରୋ): ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱାରା ନୂତନ ସଂସଦ ଗୃହର ଉଦଘାଟନ ବିରୋଧରେ ଆଜି (ମେ ୨୬) ସୁପ୍ରିମକୋର୍ଟରେ ଶୁଣାଣି ହୋଇଥିଲା। ନୂତନ ସଂସଦର ଉଦଘାଟନ ବିରୋଧରେ ଦାଖଲ ହୋଇଥିବା ଆବେଦନ ଶୁଣାଣି କରିବାକୁ ସୁପ୍ରିମକୋର୍ଟ ମନା କରି ଦେଇଛନ୍ତି। କୋର୍ଟ ଆବେଦନକାରୀଙ୍କ ଓକିଲଙ୍କୁ କହିଛନ୍ତି, ‘ଆମେ ଏପରି ଆବେଦନ କରିବା ପାଇଁ ତୁମ ଉପରେ ଜରିମାନା ଆଦାୟ କରୁନାହୁଁ।’ ଶୁଣାଣି ସମୟରେ ଆବେଦନକାରୀଙ୍କ ତରଫରୁ ଯୁକ୍ତିତର୍କ କରାଯାଇ କୁହାଯାଇଛି ଯେ ରାଷ୍ଟ୍ରପତିଙ୍କ ସାମ୍ବିଧାନିକ ମୁଖ୍ୟ ପଦ ରହିଛି।

ଆମେ ଏଥିରେ ହସ୍ତକ୍ଷେପ କରିବାକୁ ଚାହୁଁନାହୁଁ।
ଶୁଣାଣି ସମୟରେ ଆବେଦନକାରୀଙ୍କ ତରଫରୁ ଯୁକ୍ତିତର୍କ କରାଯାଇ କୁହାଯାଇଛି ଯେ ରାଷ୍ଟ୍ରପତିଙ୍କ ସାମ୍ବିଧାନିକ ମୁଖ୍ୟ ପଦ ରହିଛି। ଏହା ଉପରେ ସୁପ୍ରିମକୋର୍ଟ କହିଛନ୍ତି ଯେ ଏହା ଏକ ମାମଲା ନୁହେଁ ଯେଉଁଥିରେ କୋର୍ଟ ହସ୍ତକ୍ଷେପ କରିବା ଉଚିତ୍। କାର୍ୟ୍ୟନିର୍ବାହୀ ମୁଖ୍ୟ (ପ୍ରଧାନମନ୍ତ୍ରୀ) ସଂସଦର ଜଣେ ସଦସ୍ୟ। ସାମ୍ବିଧାନିକ ମୁଖ୍ୟ (ରାଷ୍ଟ୍ରପତି) ସଂସଦର ଏକ ଅଂଶ। ଆମେ ଏହି ଆବେଦନକୁ ଖାରଜ କରିବାକୁ ଯାଉଛୁ।

ଏହା ପରେ ଓକିଲ ଆବେଦନ ପ୍ରତ୍ୟାହାର କରିବାକୁ ଅନୁମତି ମାଗିଥିଲେ। ଏହା ଉପରେ ସଲିସିଟର ଜେନେରାଲ କହିଛନ୍ତି ଯେ ଯଦି ଆବେଦନ ପ୍ରତ୍ୟାହାର କରିବାକୁ ଅନୁମତି ଦିଆଯାଏ ତେବେ ଏହା ହାଇକୋର୍ଟକୁ ଯିବ। ଏହା ଉପରେ କୋର୍ଟ ଆବେଦନକାରୀଙ୍କୁ ପଚାରିଥିଲେ ଯେ ଆପଣ ହାଇକୋର୍ଟ ଯିବେ କି? ଓକିଲଙ୍କ ପକ୍ଷରୁ ଏହା କୁହାଯାଇଥିଲା, ନା। ଏହା ଉପରେ ବିଚାରପତି ଏହି ପିଟିସନ ପ୍ରତ୍ୟାହାର କରିବାକୁ ଅନୁମତି ଦେଇଥିଲେ।