୧୦୦ କୋଟି ଡୋଜ୍ ଟିକାକରଣ ଏକ ଅଙ୍କ ନୁହେଁ, ଏକ ଅଧ୍ୟାୟର ଶୁଭାରମ୍ଭ: ମୋଦି

ସମଗ୍ର ଭାରତ ବର୍ଷରେ କୋଭିଡ୍ ଟିକାକରଣ ୧୦୦ କୋଟି ସମ୍ପୂର୍ଣ୍ଣ ହୋଇଛି । ୧୦୦ କୋଟି ଡୋଜ୍ ଟିକାକରଣ ଭାରତର ସାମର୍ଥ୍ୟକୁ ପ୍ରମାଣିତ କରିଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଅଭିନନ୍ଦନ ଜଣାଇଛନ୍ତି । ଏହି ଶ୍ରେୟ ଜଣଙ୍କର ନୁହେଁ, ସମସ୍ତ ଦେଶବାସୀଙ୍କ କଠୋର ପରିଶ୍ରମ ଯୋଗୁଁ ଆଜି ଏହା ସମ୍ଭବ ହୋଇପାରିଛି । ‘ସବ କା ସାଥ୍, ସବ୍ କା ବିଶ୍ୱାସ, ସବ୍ କା ପ୍ରୟାସର ଏହା ହେଉଛି ବଡ଼ ଉପଲବ୍ଧି ବୋଲି କହିଛନ୍ତି ମୋଦି ।

India scripts history.

We are witnessing the triumph of Indian science, enterprise and collective spirit of 130 crore Indians.

Congrats India on crossing 100 crore vaccinations. Gratitude to our doctors, nurses and all those who worked to achieve this feat. #VaccineCentury

— Narendra Modi (@narendramodi) October 21, 2021

ମୋଦି କହିଛନ୍ତି ଯେ, ଭାରତ ଏବେ ସମଗ୍ର ବିଶ୍ୱରେ ଏକ କରୋନା ସୁରକ୍ଷିତ ଭାବେ ନିଜକୁ ପ୍ରମାଣିତ କରିପାରିଛି । ଦେଶର ସମସ୍ତ ଜନସାଧାରଣଙ୍କ ପାଇଁ ଭ୍ୟାକ୍ସିନ ନିର୍ମାଣ କରିବା ଏକ କଷ୍ଟକର ବ୍ୟାପାର ହୋଇଥିଲେ ହେଁ ଡାକ୍ତର, ଔଷଧ କମ୍ପାନୀ, ବିଶେଷଜ୍ଞଙ୍କ ପ୍ରୟାସ ପାଇଁ ଆଜି ଏହା ସମ୍ଭବ ହୋଇପାରିଛି । ମେଡ୍ ଇନ୍ ଇଣ୍ଡିଆର ଶକ୍ତି ବୃଦ୍ଧି ପାଇବା ସହ ଦେଶ ପ୍ରଗତି ପଥରେ ଆଗେଇ ଚାଲିଛି । ୧୦୦ କୋଟି ଡୋଜ୍ ଟିକାକରଣ ଏକ ଅଙ୍କ ନୁହେଁ, ବରଂ ଏହା ଏକ ଅଧ୍ୟାୟର ଶୁଭାରମ୍ଭ । ପାର୍ବଣ ଋତୁରେ କରୋନାକୁ ନେଇ ସତର୍କ ରହିବାକୁ ମୋଦି ଜନସାଧାରଣଙ୍କୁ ପରାମର୍ଶ ଦେଇଛନ୍ତି । ଭ୍ୟାକ୍ସିନ ଯେତେ ଆଧୁନିକ, ଉନ୍ନତମାନ ହେଉ ନା କାହିଁକି, ଯୁଦ୍ଧ ସମୟରେ ହତିଆର ପକାଇବା ଅନୁଚିତ । ସେହିପରି ଭାରତର ଅର୍ଥବ୍ୟବସ୍ଥାକୁ ନେଇ ବିଶେଷଜ୍ଞ ଓ ବିଦେଶୀ ସଂସ୍ଥାମାନେ ସକାରାତ୍ମକ ମନୋଭାବ ପ୍ରଦର୍ଶନ କରିଛନ୍ତି । ଦେଶରେ ନିର୍ମିତ ସାମଗ୍ରୀ କିଣିବା, ଭୋକାଲ ଫର୍ ଲୋକାଲ ହେବାକୁ ସେ ଗୁରୁତ୍ୱ ଦେଇଥିଲେ । ୧୦୦ ବର୍ଷ ପରେ ଆସିଥିବା ଭୟଙ୍କର ମହାମାରୀକୁ ନେଇ ଅନେକ ପ୍ରଶ୍ନ ଉଠିଥିଲା, ମାତ୍ର ଭାରତ ଆତ୍ମବିଶ୍ୱାସର ସହ ଲଢ଼ି ତା’କୁ ମାତ୍ ଦେବାରେ ସକ୍ଷମ ହୋଇଛି । ଦେଶର ବୈଜ୍ଞାନିକଙ୍କ ଜ୍ଞାନ କୌଶଳ ଆଜି ସମଗ୍ର ବିଶ୍ୱ ପାଇଁ ଉଦାହରଣ ପାଲଟି ଯାଇଛି । ସମଗ୍ର ଟିକାକରଣ ଅଭିଯାନ ସାଇନ୍ସ ବର୍ଣ୍ଣ, ସାଇନ୍ସ ଡ୍ରାଇଭେନ ଓ ସାଇନ୍ସ ବେସଡ୍ ବୋଲି ପ୍ରଧାନମନ୍ତ୍ରୀ ନିଜ ଅଭିଭାଷଣରେ କହିଥିଲେ ।