ଡିପଫେକ୍ ଭିଡିଓକୁ ନେଇ ଚିନ୍ତିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
ଓଡ଼ିଆ ନ୍ୟୁଜ, (ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘ଆର୍ଟିଫିସିଆଲ ଇଣ୍ଟେଲିଜେନ୍ସି ‘ ସୃଷ୍ଟି ପାଇଁ କୃତ୍ରିମ ବୁଦ୍ଧିମତାର ବ୍ୟବହାରକୁ ‘ସମସ୍ୟା’ ବୋଲି କହିଛନ୍ତି ଏବଂ ଗଣମାଧ୍ୟମକୁ ଲୋକଙ୍କୁ ଏହା ବିଷୟରେ ଶିକ୍ଷା ଦେବା ପାଇଁ ଆହ୍ୱାନ ଦେଇଛନ୍ତି। ଶୁକ୍ରବାର ଏଠାରେ ବିଜେପି ପାର୍ଟିର ଜାତୀୟ ମୁଖ୍ୟାଳୟରେ ବିଜେପିର ଦିୱାଲୀ ମିଲାନ କାର୍ଯ୍ୟକ୍ରମରେ ଗଣମାଧ୍ୟମକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ନୂତନ ଉଦୀୟମାନ ସଙ୍କଟ ବିଷୟରେ ଜନସାଧାରଣଙ୍କୁ ଚେତାବନୀ ଦେଇଛନ୍ତି ଯାହା ଏଇ ଦ୍ୱାରା ପରିଚାଳିତ ଗଭୀର ନକଲି ଭିଡିଓ।
କାର୍ଯ୍ୟକ୍ରମରେ ଦେଶବାସୀଙ୍କୁ ଉଦବୋଧନ ଦେଇ ପ୍ରଧାନମନ୍ତ୍ରୀ କହିଛନ୍ତି, ” ଆର୍ଟିଫିସିଆଲ ଇଣ୍ଟେଲିଜେନ୍ସିର ଉପଯୋଗ କରି ‘ଡିପଫେକ୍’ ଭିଡିଓ ବନାଇବା ନିହାତି ଚିନ୍ତାଜନକ ବିଷୟ ।” ସୂଚନା ଥାଉ କି ଗତ କିଛି ଦିନ ତଳେ ଦକ୍ଷିଣ ସିନେ ଜଗତର ଅଭିନେତ୍ରୀ ରଶ୍ମିକା ମନ୍ଦାନା ଓ ବଲିଉଡ ଅଭିନେତ୍ରୀ କାଜୋଲଙ୍କ ଫଟୋକୁ AIର ବ୍ୟବହାର କରି ଅଶ୍ଳୀଳ ଆକାରରେ ଦର୍ଶାଯାଇଥିଲା । ଯାହାକୁ ନେଇ ଖୋଦ ଅଭିନେତ୍ରୀ ଅସନ୍ତୋଷ ପ୍ରକାଶ କରିଥିବା ବେଳେ ବିଗ ବି ଅମିତାଭ ବଚ୍ଚନଙ୍କଠାରୁ ଆରମ୍ଭ କରି ଅନେକ ସେଲିବ୍ରିଟି ପ୍ରତିକ୍ରିୟା ରଖିଥିଲେ । ସାଇବର ପୋଲିସ ତଦନ୍ତ କରି ଏଭଳି ନିନ୍ଦନୀୟ କାଣ୍ଡ ଭିଆଇଥିବା ବ୍ୟକ୍ତିକୁ ଗିରଫ କରିବା ଲାଗି ମଧ୍ୟ ଦାବି କରିଥିଲେ ।
ଅନ୍ୟପଟେ ଉତ୍ତର ଭାରତର ଗଣ ପର୍ବ ‘ଛଟ୍ ପୂଜା’ ପାଳିତ ହେଉଛି । ଏହା ସମ୍ପର୍କରେ ମଧ୍ୟ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମତ ରଖିଥିଲେ । ଏନେଇ ପ୍ରଧାନମନ୍ତ୍ରୀ କହିଥିଲେ, ” ୪ ଦିନ ଧରି ପାଳନ ହେଉଥିବା ଛଟ୍ ପୂଜା ହେଉଛି ରାଷ୍ଟ୍ରୀୟ ପର୍ବ । ଏହାଦ୍ବାରା ଚତୁର୍ଦ୍ଦିଗରେ ଆନନ୍ଦ ଭରି ଯାଇଛି ।” ଏହାସହିତ ଏହି ପର୍ବ ଲାଗି ଉତ୍ତର ଭାରତବାସୀଙ୍କୁ ପ୍ରଧାନମନ୍ତ୍ରୀ ଶୁଭେଚ୍ଛା ଜଣାଇଥିଲେ । ବିଜେପି ସରକାର ଦ୍ବାରା ଆୟୋଜିତ ଏହି କାର୍ଯ୍ୟକ୍ରମରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଉପସ୍ଥିତ ରହିଥିଲେ ।