ୟୁକ୍ରେନକୁ ତିନି ପାର୍ଶ୍ୱରୁ ଘେରିଛି ଋଷିଆ;ଯେ କୌଣସି ସମୟରେ ୟୁକ୍ରେନ ଉପରେ ଆକ୍ରମଣ କରିପାରେ ଋଷିଆ

ରୁଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ତିକ୍ତତା ମଧ୍ୟରେ ଏବେ ଯୁଦ୍ଧର ଭୟ ମଧ୍ୟ ବଢ଼ିବାରେ ଲାଗିଛି। ରିପୋର୍ଟରେ ଦର୍ଶାଯାଇଛି ଯେ ଋଷିଆ ୟୁକ୍ରେନକୁ ତିନି ପାର୍ଶ୍ୱରୁ ଘେରି ରହିଛି। ଏଥି ସହିତ, ଆମେରିକା ଏବଂ ବ୍ରିଟେନ ସମେତ ନାଟୋ ଦେଶଗୁଡ଼ିକ ମଧ୍ୟ ୟୁକ୍ରେନକୁ ସାହାଯ୍ୟ କରିବା ପାଇଁ ସାମରିକ ସାମଗ୍ରୀ ପଠାଇବା ଆରମ୍ଭ କରିଛନ୍ତି।

ଋଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧର ମେଘ ଆହୁରି ଗଭୀର ହୋଇଛି। ୟୁକ୍ରେନ ସୀମାରେ ୧ ଲକ୍ଷ ୩୦ ହଜାରରୁ ଅଧିକ ସୈନିକ ନିୟୋଜିତ ହୋଇଛନ୍ତି। ଏହା ସହିତ ଋଷିଆ ଟ୍ୟାଙ୍କର ,ଭାରୀ ଅସ୍ତ୍ରଶସ୍ତ୍ର ଏବଂ କ୍ଷେପଣାସ୍ତ୍ର ମଧ୍ୟ ନିୟୋଜିତ କରିଛି। ରିପୋର୍ଟ ଅନୁଯାୟୀ, ଋଷିଆ ୟୁକ୍ରେନକୁ ତିନି ପାର୍ଶ୍ୱରୁ ଘେରି ରହିଛି। ଏଥି ସହିତ, ଆମେରିକା କହିଛି ଯେ ଫେବୃଆରୀ ୧୬ ରେ ୟୁକ୍ରେନ ଉପରେ ଆକ୍ରମଣ ହୋଇପାରେ। ରୁଷ ଉପରେ ପ୍ରତିବନ୍ଧକ ଲଗାଇବାକୁ ଆମେରିକା ଏବଂ ୟୁରୋପୀୟ ଦେଶମାନଙ୍କଠାରୁ ଚେତାବନୀ ଦିଆଯାଇଛି। ତଥାପି, ଏହା ଋଷିଆକୁ ପ୍ରଭାବିତ କରୁନାହିଁ। ରବିବାର ଦିନ ଆମେରିକାର ରାଷ୍ଟ୍ରପତି ଜୋ ବାଇଡେନ ଋଷିଆର ରାଷ୍ଟ୍ରପତି ପୁତିନଙ୍କ ସହ କଥା ହୋଇଛନ୍ତି। ସେ ୟୁକ୍ରେନ ରାଷ୍ଟ୍ରପତି ଜେଲେନସ୍କିଙ୍କ ସହ ମଧ୍ୟ କଥା ହୋଇଥିଲେ।

ଗତ ସପ୍ତାହରେ ୟୁକ୍ରେନ ସୀମାରେ ୧ ଲକ୍ଷ ଋଷିଆର ନିୟୋଜନ ବିଷୟରେ ଆମେରିକାର ଅଧିକାରୀମାନେ ସୂଚନା ଦେଇଥିଲେ, କିନ୍ତୁ ବର୍ତ୍ତମାନ ଅଧିକାରୀମାନେ କହିଛନ୍ତି ଯେ ୟୁକ୍ରେନ ସୀମାରେ ୧ ଲକ୍ଷ ୩୦ ହଜାର ଋଷିଆ ସୈନିକ ଠିଆ ହୋଇଛନ୍ତି। ଏଥିମଧ୍ୟରୁ ୧.୧୨ ଲକ୍ଷ ସୈନିକ ସେନା ଏବଂ ୧୮ ହଜାର ନୌସେନା ଏବଂ ବାୟୁସେନାର ନିୟୋଜିତ ହୋଇଛନ୍ତି।

ଏନେଇ, ସିଏନ୍ଏନ୍ ରିପୋର୍ଟରେ କୁହାଯାଇଛି ଯେ, ଦକ୍ଷିଣରେ କ୍ରୀମୀୟା ଉତ୍ତରରେ ବେଲାରୁସ୍ ଦ୍ୱାରା ଘେରି ରହିଛି। ଏଥି ସହିତ ଋଷିଆ ମଧ୍ୟ ୟୁକ୍ରେନ ସୀମାରେ ସୈନ୍ୟ ମୁତୟନ କରିଛି। ଆମେରିକାର ରିପୋର୍ଟ ଅନୁଯାୟୀ ଋଷିଆ ଯେ କୌଣସି ସମୟରେ ୟୁକ୍ରେନ ଉପରେ ଆକ୍ରମଣ କରିପାରେ।

ୟୁକ୍ରେନ ସହିତ ଆମେରିକା, ବ୍ରିଟେନ ଏବଂ ନାଟୋ ସମେତ ୟୁରୋପୀୟ ଦେଶ ଅଛି। ୟୁକ୍ରେନର ପ୍ରତିରକ୍ଷା ମନ୍ତ୍ରୀ ଓଲେସ୍କି ରେଜନିକୋଭ ଟ୍ୱିଟ୍ କରି କହିଛନ୍ତି ଯେ ଏପର୍ଯ୍ୟନ୍ତ ୧୫୦୦ ଟନ୍ ସାମରିକ ସାମଗ୍ରୀ ମିଳିଛି। ଏଥିରେ ଅସ୍ତ୍ରଶସ୍ତ୍ର, ଗ୍ରେନେଡ ଏବଂ ଗୁଳି ଭଳି ସାମରିକ ସାମଗ୍ରୀ ଅନ୍ତର୍ଭୁକ୍ତ।