ଜୁନ ୧୬ରୁ ଶିମିଳିପାଳ ବନ୍ଦ

ଓଡ଼ିଆ ନ୍ୟୁଜ୍ (ବ୍ୟୁରୋ): ବିଶ୍ବ ଅନ୍ୟତମ ବୃହତ ବ୍ୟାଘ୍ର ଅଭୟାରଣ୍ୟ ଶିମିଳିପାଳ ଜାତୀୟ ଉଦ୍ୟାନକୁ ୨୦୨୩ ଜୁନ୍ ୧୬ରୁ ସେପ୍ଟେମ୍ବର ୧୫ ଯାଏ ତିନି ମାସ ପାଇଁ ପର୍ଯ୍ୟଟକଙ୍କ ପାଇଁ ବନ୍ଦ ରଖାଯିବ। ମୟୂରଭଞ୍ଜ ଜିଲ୍ଲାରେ ଥିବା ଏହି ପାର୍କକୁ ମୌସୁମୀ ଋତୁ ପୂର୍ବରୁ ବନ୍ଦ କରିଦିଆଯିବ। ବର୍ଷା ଋତୁର ବିପଦରୁ ଉଦ୍ୟାନରେ ଥିବା ବନ୍ୟପ୍ରାଣୀଙ୍କୁ ସୁରକ୍ଷା ଦେବା ପାଇଁ ଏହି ବନ୍ଦ କରାଯାଉଛି। ବର୍ଷାଦିନେ ଏହି ଅଭୟାରଣ୍ୟରେ ବନ୍ୟା, ଭୂସ୍ଖଳନ ଓ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟର ଆଶଙ୍କା ରହିଛି। ଏହିସବୁ ବିପର୍ଯ୍ୟୟ ଉଭୟ ମଣିଷ ଓ ପଶୁପକ୍ଷୀଙ୍କ ଜୀବନ ପ୍ରତି ବିପଦ ସୃଷ୍ଟି କରିପାରେ।  ୨୦୨୩ ସେପ୍ଟେମ୍ବର ୧୬ରେ ଏହି ପାର୍କ ପୁଣି ଖୋଲିବ।

ପର୍ଯ୍ୟଟକମାନେ ପୁଣି ଥରେ ପାର୍କର ପ୍ରାକୃତିକ ସୌନ୍ଦର୍ଯ୍ୟ ଓ ବନ୍ୟପ୍ରାଣୀକୁ ଉପଭୋଗ କରିପାରିବେ। ବନ୍ଦ ବ୍ୟତୀତ ପାର୍କ ପ୍ରଶାସନ ପକ୍ଷରୁ ପର୍ଯ୍ୟଟକଙ୍କ ପାଇଁ ଅନେକ କଟକଣା ଜାରି କରାଯାଇଛି। ଯେପରିକି- ପାର୍କରେ କ୍ୟାମ୍ପ କରିବା ପାଇଁ ଅନୁମତି ନାହିଁ । ପର୍ଯ୍ୟଟକମାନେ ନିର୍ଦ୍ଧାରିତ ମାର୍ଗରେ ରହିବା ଆବଶ୍ୟକ । ପର୍ଯ୍ୟଟକମାନେ ପଶୁପକ୍ଷୀଙ୍କୁ ଖାଇବାକୁ ଦିଅନ୍ତୁ ନାହିଁ । ପର୍ଯ୍ୟଟକମାନେ ଅଳିଆ ପକାଇବା ଅନୁଚିତ । ବନ୍ୟଜନ୍ତୁ ଓ ପାର୍କର ପରିବେଶର ସୁରକ୍ଷା ପାଇଁ ଏହି କଟକଣାକୁ ସହଯୋଗ କରିବାକୁ ପର୍ଯ୍ୟଟକମାନଙ୍କୁ ପାର୍କ ପ୍ରଶାସନ ପକ୍ଷରୁ ଅନୁରୋଧ କରାଯାଇଛି।