ବନ୍ଧୁକଚାଳନା ବିଶ୍ବକପ୍: ଭାରତୀୟ ମହିଳାଙ୍କୁ ସ୍ୱର୍ଣ୍ଣ
ନୂଆଦିଲ୍ଲୀ(ଓଡ଼ିଆ ନ୍ୟୁଜ୍): ଭାରତ ପାଇଁ ଗୌରବ ଆଣିଲେ ମହିଳା ରାଇଫଲର । ବିଶ୍ବକପ୍ରେ ବନ୍ଧୁକଚାଳନାରେ ଏହି ଭାରତୀୟ ମହିଳାମାନେ ଭାରତ ପାଇଁ ପଦକ ଅଭିଯାନ ଆରମ୍ଭ କରିଛନ୍ତି। ବିଶ୍ବ ମାନ୍ୟତାର ପୂର୍ବତନ ଏକ ନମ୍ବର ଏଲାଭେନିଲ ଭାଲାରିଭାନ, ରମିତା ଓ ଶ୍ରେୟା ଅଗ୍ରୱାଲଙ୍କୁ ଗଠିତ ତିନି ଜଣିଆ ଭାରତୀୟ ମହିଳା ଦଳ ୧୦ ମିଟର ଏୟାର ରାଇଫଲ ବର୍ଗରେ ସ୍ବର୍ଣ୍ଣ ପଦକ ହାସଲ କରିଛନ୍ତି। ଏହି ଭାରତୀୟ ଦଳ ଆନ୍ନା ନିଲ୍ସେନ, ଈମ୍ମା କୋଚ ଓ ରିକି ମାଇଙ୍ଗ ଇବ୍ସେନଙ୍କୁ ନେଇ ଗଠିତ ଡେନ୍ମାର୍କ ଦଳକୁ ଫାଇନାଲ୍ରେ ୧୭-୫ରେ ପରାସ୍ତ କରି ସ୍ବର୍ଣ୍ଣିମ ସଫଳତା ହାସଲ କରିଛି। ଏହି ବର୍ଗରେ ପୋଲାଣ୍ଡ କାଂସ୍ୟ ପଦକରେ ସନ୍ତୁଷ୍ଟ ରହିଛି। ଅନ୍ୟପକ୍ଷରେ ଭାରତୀୟ ପୁରୁଷ ଏୟାର ରାଇଫଲ ଦଳ କାଂସ୍ୟ ପଦକ ମୁକାବିଲାରେ ହାରିଯାଇଥିଲା। ରୁଦ୍ରାଂଶ ପାଟିଲ, ପାର୍ଥ ମାଖିଜା ଓ ଧୁନଷ ଶ୍ରୀକାନ୍ତଙ୍କୁ ନେଇ ଗଠିତ ଦଳ ୧୦-୧୬ରେ କ୍ରୋଏସିଆ ନିକଟରୁ ହାରି ପଦକରୁ ବଞ୍ଚିତ ରହିଥିଲା। ତେବେ ୧୨ ଜଣିଆ ଭାରତୀୟ ରାଇଫଲ ଦଳ ପଦକ ତାଲିକାରେ ପଞ୍ଚମ ସ୍ଥାନରେ ରହିଛି।