ସିନ୍ଧିଆର ଉଚ୍ଚତା ସ୍ୱଳ୍ପ କିନ୍ତୁ ଅହଂକାରରେ ଉଚ୍ଚ; ପ୍ରିୟଙ୍କା ଗାନ୍ଧୀ

ଓଡ଼ିଆ ନ୍ୟୁଜ,(ବ୍ୟୁରୋ):  ଆସନ୍ତା ୧୭ ତାରିଖରେ ମଧ୍ୟପ୍ରଦେଶରେ ବିଧାନସଭା ନିର୍ବାଚନ ପାଇଁ ମତଦାନ ହେବାକୁ ଯାଉଛି | ମଧ୍ୟପ୍ରଦେଶରେ ପ୍ରଚାରର ଶେଷ ଦିନ କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଭଦ୍ରା ପୂର୍ବତନ ସହକର୍ମୀ ତଥା ବର୍ତ୍ତମାନ ବିଜେପି ନେତା ଜ୍ୟୋତିରାଦିତ୍ୟ ସିନ୍ଧିଆଙ୍କ ବିରୋଧରେ ବ୍ୟକ୍ତିଗତ ମନ୍ତବ୍ୟ ଦେବା ପରେ କଡ଼ା ଆଭିମୁଖ୍ୟ ଗ୍ରହଣ କରିଥିଲେ।

ମଧ୍ୟପ୍ରଦେଶର ଏକ ଜନ ସମାବେଶକୁ ସମ୍ବୋଧିତ କରି ଭଦ୍ରା କହିଛନ୍ତି ଯେ ସିନ୍ଧିଆର ଉଚ୍ଚତା ସ୍ୱଳ୍ପ କିନ୍ତୁ ଅହଂକାରରେ ଉଚ୍ଚ। ସେ କେନ୍ଦ୍ର ମନ୍ତ୍ରୀଙ୍କୁ ଦେଶଦ୍ରୋହୀ ବୋଲି ମଧ୍ୟ କହିଛନ୍ତି। ତେବେ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଏବଂ କେନ୍ଦ୍ର ମନ୍ତ୍ରୀ ତଥା ବିଜେପି ନେତା ଜ୍ୟୋତିରାଦିତ୍ୟ ସିନ୍ଧିଆଙ୍କ ମଧ୍ୟରେ ବୟାନ ଯୁଦ୍ଧ ଆରମ୍ଭ ହୋଇଛି। ଉଭୟ ନେତା ପରସ୍ପର ଉପରେ ଆରୋପ-ପ୍ରତ୍ୟାରୋପ ଜାରି ରଖିଛନ୍ତି | ବାସ୍ତବରେ ପ୍ରିୟଙ୍କା ଏକ ରାଲିରେ ସିନ୍ଧିଆଙ୍କୁ କଟାକ୍ଷ କରି କହିଥିଲେ ଯେ ବିଜେପିର ନେତାମାନେ ଅଜବ ପ୍ରକାରର | ସିନ୍ଧିଆ ସେମାନଙ୍କ ମଧ୍ୟରୁ ଜଣେ | ମୁଁ ତାଙ୍କ ସହିତ ଉତ୍ତରପ୍ରଦେଶରେ କାମ କରିଥିଲି | ବାସ୍ତବରେ ତାଙ୍କର ଉଚ୍ଚତା କମ ସିନା ତାଙ୍କର ଅହଂକାର ବହୁତ ଅଧିକ |

ତାଙ୍କ ପାଖକୁ ଯାଉଥିବା କର୍ମୀମାନେ କୁହନ୍ତି ଯେ ଆମେ ତାଙ୍କୁ ମହାରାଜ ବୋଲି କହିଥାଉ ଏବଂ ଯଦି ଆମେ ମହାରାଜ ନ କହୁ, ତେବେ ଆମର ସମସ୍ୟାର ସମାଧାନ ହୁଏନାହିଁ। ଅନେକ ଲୋକ ବିଶ୍ୱାସଘାତକତା କରିଥିଲେ, କିନ୍ତୁ ସେ ଗ୍ୱାଲିଅର ଏବଂ ଚାମ୍ବା ଲୋକଙ୍କ ପ୍ରତି ବିଶ୍ୱାସଘାତକତା କରି ସରକାରକୁ ଭାଙ୍ଗିଦେଇଥିଲେ’ । ପ୍ରିୟଙ୍କାଙ୍କ ଏହି ବୟାନ ପରେ ସିନ୍ଧିଆ ମଧ୍ୟ ଛାଡିନାହାନ୍ତି | ସେ କହିଛନ୍ତି ଯେ ମୋର ଅଂହକାର ବିଷୟରେ ଶିକ୍ଷା ଦେବା ପୂର୍ବରୁ ତାଙ୍କୁ ନିଜକୁ ଥରେ ଦର୍ପଣରେ ଦେଖିବା ଆବଶ୍ୟକ। ପ୍ରିୟଙ୍କା ଗାନ୍ଧୀ ଜଣେ ପାର୍ଟ ଟାଇମ ନେତ୍ରୀ |