ଆଜିର ମୁଖ୍ୟ ଖବର
୧. ଜୁଲାଇ ୩୧ ସୁଦ୍ଧା ଯୁକ୍ତ ୨ ପରୀକ୍ଷା ଫଳ ପ୍ରକାଶ ପାଇଁ ଚେଷ୍ଟା କରାଯାଉଥିବା ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
୨. ଜୁକି ୧୫ ପରେ ରାଜ୍ୟରେ ଗର୍ଭବତୀମାନଙ୍କୁ ଟୀକାକରଣ କରାଯିବ ବୋଲି ସ୍ୱାସ୍ଥ୍ୟ ବିଭାଗର ସୂଚନା ।
୩. କୋଭିଡ ଚିକିତ୍ସା ଅବ୍ୟବସ୍ଥା ପ୍ରସଙ୍ଗରେ ପିଆରଏମ ମେଡିକାଲ କଲେଜ ଅଧ୍ୟକ୍ଷଙ୍କୁ କାରଣ ଦର୍ଶାଅ ନୋଟିସ ଜାରି କଲେ ରାଜ୍ୟ ମାନବାଧିକାର ଆୟୋଗ ।
୪. ମନରେଗା ଶ୍ରମିକମାନଙ୍କୁ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସହାୟତା, ୩୨ ଲକ୍ଷ ଶ୍ରମିକଙ୍କୁ ଦିଆଗଲା ୩୫୨ କୋଟି, ପ୍ରତି ଶ୍ରମଦିବସ ପାଇଁ ନିର୍ମାଣ ଶ୍ରମିକ ପାଇବେ ଅତିରିକ୍ତ ୫୦ ଟଙ୍କା ।
୫. ଆଇଏଏସ ବିଷ୍ଣୁପଦ ସେଠୀଙ୍କ ବିରୋଧରେ ମାମଲା ଖାରଜ, ସଦିଚ୍ଛାକ୍ରମେ ଟଙ୍କା ଫେରାଇ ଥିବାରୁ ବିଷ୍ଣୁପଦଙ୍କୁ ପ୍ରଶଂସା କଲେ ଲୋକାୟୁକ୍ତ ।
୬. ଆଜି ରାଜ୍ୟରେ ୨୮୦୬ ନୂଆ ଆକ୍ରାନ୍ତ ଚିହ୍ନଟ, ୩୩୪୧ ସୁସ୍ଥ ଓ ୬୧ ମୃତ ।
୭. ଦେଶରେ ଆଜି ୪୩, ୩୯୩ ନୂଆ ଆକ୍ରାନ୍ତ ଚିହ୍ନଟ, ୪୪, ୪୫୯ ସୁସ୍ଥ ଓ ୯୧୧ ମୃତ ।
୮. ଅଯୋଧ୍ୟା ସରଜୁ ନଦୀରେ ସ୍ନାନ ବେଳେ ଗୋଟିଏ ପରିବାରର ୧୨ ଜଣ ନିଖୋଜ, ୩ ଉଦ୍ଧାର ।
୯. ଆଇପିଏସ ସ୍ତରରେ ଅଦଳବଦଳ: କେନ୍ଦ୍ରୀୟ ଡେପୁଟେସନରୁ ଆସିଥିବା ଆଇଜି ଏସ ଦେବଦତ୍ତ ସିଂହଙ୍କୁ ପୁଲିସ ମୁଖ୍ୟାଳୟରେ ଆଇଜି ଭାବେ ଅବସ୍ଥାପିତ କରାଯାଇଥିବା ବେଳେ ଅଖିଳେଶ୍ବର ସିଂହ ହେଲେ ଜଗତସିଂହପୁର ଏସ୍ପି ।
୧୦. ପ୍ରକାଶ ଆର ଭିଜିଲାନ୍ସ ଏସ୍ପି, ପିଏସ ପରଷୋତ୍ତମ ଦାସଙ୍କୁ ନବରଙ୍ଗପୁର ଏସ୍ପି, ରାହୁଲ ଜୈନଙ୍କୁ ବରଗଡ଼ ଏସପି, ପ୍ରତ୍ୟୁଷ ଦିବାକରଙ୍କୁ ନୂଆପଡ଼ା ଏସପି ଭାବେ ଦାୟିତ୍ବ ଦିଆଯାଇଛି ।
୧୧. ମାଲକାନଗିରି ଏସ୍ପି ଭାବେ ପିଏସ ମୀନା ଏବଂ ମୟୁରଭଞ୍ଜ ଏସପି ଭାବେ କେଆର ଦ୍ୟାନଦେଓଙ୍କୁ ନିଯୁକ୍ତି ।
୧୨. ବାଂଲାଦେଶ ନାରାୟଣଗଞ୍ଜ କାରଖାନା ଅଗ୍ନିକାଣ୍ଡରେ ମୃତ୍ୟୁ ସଂଖ୍ୟା ୫୨କୁ ବୃଦ୍ଧି ।
୧୩. କଣ୍ଠଶିଳ୍ପୀ ଅସୀମା ପଣ୍ଡା ଦୁର୍ଘଟଣାର ଶିକାର! କଟକ ନେତାଜୀ ସେତୁ ଉପରେ ଦୁର୍ଘଟଣା ।
୧୪. ସମାନ ନାଗରିକ ସଂହିତା ପ୍ରଣୟନର ସମୟ ଆସିଛି । ଦେଶରେ ସମାନ ନାଗରିକ ସଂହିତା (ୟୁନିଫର୍ମ ସିଭିଲ୍ କୋଡ୍) ପ୍ରଣୟନ ସପକ୍ଷରେ ମତ ଦେଇଛନ୍ତି ଦିଲ୍ଲୀ ଉଚ୍ଚ ନ୍ୟାୟାଳୟ ।
୧୫. ଶନିବାର ୧୦ତାରିଖ ଦିନ ପୁରୀ ସହରରେ ଲାଗୁ ହେବନାହିଁ ସପ୍ତାହାନ୍ତ କଟକଣା । ଜନସାଧାରଣଙ୍କ ବୃହତ୍ତର ସ୍ବାର୍ଥକୁ ଦୃଷ୍ଟିରେ ରଖି ଏଭଳି ଗୁରୁତ୍ବପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି ରାଜ୍ୟ ସରକାର। ସ୍ବତନ୍ତ୍ର ରିଲିଫ କମିସନରଙ୍କ କାର୍ଯ୍ୟାଳୟ ପକ୍ଷରୁ ନିର୍ଦେଶନାମା ପ୍ରକାଶ ପାଇଛି ।
୧୬. ବିଭିନ୍ନ କୃଷି ଯୋଜନାର ସଫଳ ରୂପାୟନ ଦିଗରେ ଯାଞ୍ଚ ଓ ତଦାରଖ ବ୍ୟବସ୍ଥାକୁ କଡ଼ାକଡ଼ି କରିବା ପାଇଁ କୃଷି ଓ କୃଷକ ସଶକ୍ତିକରଣ ବିଭାଗ ପକ୍ଷରୁ ଯୁଗ୍ମ ସ୍କ୍ୱାଡ୍ ଗଠନ କରାଯାଇଛି ।
୧୭. ଜୁନ୍ରେ ଏମ୍ବିପିଏସ୍ ଡାଉନଲୋଡ ସ୍ପିଡ୍ ସହିତ ୪ଜି ସ୍ପିଡ୍ ଚାର୍ଟ ଶୀର୍ଷରେ ରିଲାଏନ୍ସ ଜିଓ: ଟ୍ରାଇ ତଥ୍ୟ ।
୧୮. ଧୋନୀ ୨୦୨୨ ଆଇପିଏଲ୍ ନଖେଳିଲେ ମୁଁ ଖେଳିବି ନାହିଁ: ରୈନା ।
୧୯. ଚୀନର ଆଉ ଏକ ନୂଆ ଚାଲ୍, ତିବ୍ବତୀୟ ଯୁବକଙ୍କୁ ଦେଉଛି ସୈନ୍ୟ ପ୍ରଶିକ୍ଷଣ, ସେନାରେ ସାମିଲ ପାଇଁ କରୁଛି ଯୋଜନା ।
୨୦. ୧୩ରୁ ଆରମ୍ଭ ହେବ ନାହିଁ ଭାରତ-ଶ୍ରୀଲଙ୍କା ସିରିଜ୍ ।
୨୧. ନିଜ କ୍ୟାରିୟରର ପ୍ରଥମ ଗ୍ରାଣ୍ଡସ୍ଲାମ ଫାଇନାଲରେ ପହଞ୍ଚିବା ସହିତ ଇଟାଲୀର ମାଟ୍ଟେଓ ବେରେଟ୍ଟିନି ଇତିହାସ ସୃଷ୍ଟି କରିଛନ୍ତି ।
୨୨. ଡେଲାଟ, ଡେଲଟା ପ୍ଲସ ପରେ ଚିହ୍ନଟ ହେଲା କାପ୍ପା ଭାରିଆଣ୍ଟ ।
୨୩. ଟ୍ରେନିଂ ସରିବ, ଟୀକା ମିଳିବ । ଜୁଲାଇ ୧୫ ସୁଦ୍ଧା ସରିବ ଟୀକା ପାଇଁ ଟ୍ରେନିଂ । ଭ୍ୟାକ୍ସିନ ନେବାକୁ ଧାଡିରେ ଛିଡା ହେବେନି ଗର୍ଭବତୀ ।
୨୪. ଜାତୀୟସ୍ତରରେ ଲେଖକ-ସାମ୍ବାଦିକଙ୍କ ପ୍ରଥମ ମିଳିତ ମଞ୍ଚ ’ରାଇଟର୍ସ ଆଣ୍ଡ ଜର୍ଣ୍ଣାଲିଷ୍ଟ ଆସୋସିଏସନ୍(ଡବ୍ଲ୍ୟୁଏଜେଏ, ଇଣ୍ଡିଆ) ଓଡ଼ିଶା ପ୍ରଦେଶର ଅଧ୍ୟକ୍ଷାଭାବେ ବିଶିଷ୍ଟ ଲେଖିକା, ସାମ୍ବାଦିକା, ସମାଜସେବୀ, ଉଦ୍ୟୋଗୀ ତଥା ‘କାଦମ୍ବିନୀ’ ସମ୍ପାଦିକା ଡ. ଇତି ସାମନ୍ତ ମନୋନୀତ ହୋଇଛନ୍ତି ।
୨୫. ନୂଆ ଜାତୀୟ ଶିକ୍ଷା ନୀତିର ଅଗ୍ରଗତି ନେଇ ସମୀକ୍ଷା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
୨୬. ଆସନ୍ତାକାଲିଠୁ ଡ୍ରାଇଭିଂ ଟେଷ୍ଟ ପାଇଁ ବୁକିଂ ଆରମ୍ଭ ।
୨୭. ବିନା ଭକ୍ତରେ ଶ୍ରୀମନ୍ଦିରରେ ଚାଲିଛି ମହାପ୍ରଭୁଙ୍କ ନବଯୌବନ ଦର୍ଶନ । ୩ଦିନ ଧରି ହେବ ନେତ୍ର ଉତ୍ସବ । ସୋମବାର ଘୋଷଯାତ୍ରା ପାଇଁ ଚୂଡ଼ାନ୍ତ ପର୍ଯ୍ୟାୟରେ ପ୍ରସ୍ତୁତି ।