ଓଡ଼ିଆ ନ୍ୟୁଜ୍ (ବ୍ୟୁରୋ): ଏସିଆ କପ୍ ୨୦୨୩ ଅଗଷ୍ଟ ୩୦ ରୁ ପାକିସ୍ତାନର ଆୟୋଜନରେ ଆରମ୍ଭ ହେବାକୁ ଯାଉଛି। ଦୀର୍ଘ ଦିନ ଧରି ଚାଲିଥିବା ବିବାଦ ଏବଂ ଆଲୋଚନା ପରେ ହାଇବ୍ରିଡ ମଡେଲରେ ଏହି ଟୁର୍ନାମେଣ୍ଟ ଆୟୋଜନ କରାଯିବ ବୋଲି ନିଷ୍ପତ୍ତି ନିଆଗଲା। ଏହାର ପ୍ରଥମ ମ୍ୟାଚ୍ ୩୦ ଅଗଷ୍ଟରେ ମୁଲତାନରେ ପାକିସ୍ତାନ ଏବଂ ନେପାଳ ମଧ୍ୟରେ ଅନୁଷ୍ଠିତ ହେବ । ଏହା ବ୍ୟତୀତ ପାକିସ୍ତାନ ମାଟିରେ ମୋଟ ତିନୋଟି ମ୍ୟାଚ୍ ଅନୁଷ୍ଠିତ ହେବ। ଅବଶିଷ୍ଟ ମ୍ୟାଚ୍ ଶ୍ରୀଲଙ୍କାରେ ଅନୁଷ୍ଠିତ ହେବ। ଭାରତୀୟ ଦଳ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ୨ ସେପ୍ଟେମ୍ବରରେ କାଣ୍ଡିରେ ଖେଳିବ। ସୂଚନା ମୁତାବକ ପାକିସ୍ତାନ କ୍ରିକେଟ୍ ବୋର୍ଡ ବିସିସିଆଇ ସଚିବ ଜୟ ଶାହାଙ୍କୁ ଏହି ଟୁର୍ନାମେଣ୍ଟର ଉଦଘାଟନ ପାଇଁ ପାକିସ୍ତାନ ଗସ୍ତ କରିବାକୁ ଆମନ୍ତ୍ରଣ କରିଛି।
ଏହି ନିମନ୍ତ୍ରଣକୁ ପାକିସ୍ତାନ କ୍ରିକେଟ୍ ବୋର୍ଡ ପଠାଇଛି କିନ୍ତୁ ବର୍ତ୍ତମାନ ସବୁଠାରୁ ବଡ ପ୍ରଶ୍ନ ହେଉଛି ଜୟ ଶାହା ପାକିସ୍ତାନ ଯିବେ କି? ପାକିସ୍ତାନୀ ଗଣମାଧ୍ୟମ ଅନୁଯାୟୀ ଶାହା ପିସିବିଙ୍କ ନିମନ୍ତ୍ରଣ ଗ୍ରହଣ କରିଛନ୍ତି, କିନ୍ତୁ ଏହି ଦାବିକୁ ବିସିସିଆଇ ସଚିବ ଖଣ୍ଡନ କରିଛନ୍ତି। ଏହା ବ୍ୟତୀତ ଭାରତ ଏବଂ ପାକିସ୍ଥାନ ମଧ୍ୟରେ ବର୍ତ୍ତମାନର ସମ୍ପର୍କ ସହ ପରିଚିତ ଏକ ସୂତ୍ର ମଧ୍ୟ କହିଛି ଯେ ଶାହାଙ୍କୁ ଆମନ୍ତ୍ରଣ କରି ପିସିବି ଦର୍ଶାଇବାକୁ ଚାହୁଁଛି ଯେ ଏହା କ୍ରୀଡାକୁ ରାଜନୀତିରେ ମିଶ୍ରଣ କରୁନାହିଁ।