କାନପୁର ଡ୍ୟାମ ନିକଟ ବୈତରଣୀ ନଦୀରେ ବୁଡି ଯୁବକ ନିଖୋଜ

ଓଡ଼ିଆ ନ୍ୟୁଜ,(ବ୍ୟୁରୋ): କାନପୁର ଡ୍ୟାମ ନିକଟ ବୈତରଣୀ ନଦୀରେ ବୁଡି ଯୁବକ ନିଖୋଜ | କେନ୍ଦୁଝର ଜିଲ୍ଲା ଯୋଡ଼ା ଥାନା ଅନ୍ତର୍ଗତ କାନପୁର ଡ୍ୟାମ ନିକଟ ବୈତରଣୀ ନଦୀରେ ଆଜି ଅପରାହ୍ନରେ ଜଣେ ଯୁବକ ବୁଡି ନିଖୋଜ ହୋଇଯାଇଛି |

ପ୍ରାୟ ୫ଟା ପର୍ଯ୍ୟନ୍ତ ପୋଲିସ୍ ଓ ଅଗ୍ନିଶମ ବାହିନୀ ନିଖୋଜ ଯୁବକଙ୍କ ସନ୍ଧାନରେ ଲାଗିଥିବା ଜଣା ପଡିଛି। ପ୍ରାପ୍ତ ସୂଚନା ମୁତାବକ କଣ୍ଡରା ଗ୍ରାମର ସଂଜିତ ନାୟକ ନିଜ ସାଙ୍ଗ ମାନଙ୍କ ସହିତ ବୈତରଣୀ ନଦୀକୁ ଗାଧୋଇବାକୁ ଯାଇଥିବା ବେଳେ ନଦୀ ସୁଅରେ ଭାସି ଯାଇଥିଲେ।

ଏହା ଦେଖି ତାଙ୍କ ସାଙ୍ଗମାନେ ସ୍ଥାନୀୟ ଲୋକଙ୍କୁ ଜଣାଇବାରୁ ଲୋକେ ପୋଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ସୂଚନା ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିବା ସୂଚନା ରହିଛି।