କରଞ୍ଜିଆ ରେ ଓଲଟିଲା ଗୋରୁ ବୋଝେଇ ଟ୍ରକ ୮ ଗୋରୁ ମୃତ

ଓଡ଼ିଆ ନ୍ୟୁଜ, (ବ୍ୟୁରୋ):  କରଞ୍ଜିଆ ରେ ଓଲଟିଲା ଗୋରୁ ବୋଝେଇ ଟ୍ରକ ୮ ଗୋରୁ ମୃତ | ମୟୂରଭଞ୍ଜ ଜିଲ୍ଲା ଯଶିପୁର ଥାନା ଅର୍ନ୍ତଗତ ୪୯ ନଂ ଜାତୀୟ ରାଜପଥ ଟଙ୍ଗାଵିଲା ଓଭରବ୍ରିଜ୍ ନିକଟରେ ଗତ କାଲି ବିଳମ୍ବିତ ରାତିରେ ଏକ ଗୋରୁ ବୋଝେଇ ମିନି ଟ୍ରକ (ଓଡି-୨୨ବି-୩୮୫୪) ଭାରସାମ୍ୟ ହରାଇ ଓଲଟି ପଡ଼ିଥିଲା।

ଫଳରେ ୮ଟି ଗୋରୁଙ୍କ ମୃତ୍ୟୁ ଘଟିଥିବା ବେଳେ କିଛି ଗୋରୁ ଆହତ ହୋଇଛନ୍ତି | ସୂଚନା ଅନୁଯାୟୀ ; ଚଢେଇଭଳ ଆଡୁ ଯଶିପୁର ପଟକୁ ଦ୍ରୁତ ଗତିରେ ଯାଉଥିବା ଏକ ଗୋରୁ ବାଝେଇ ମିନି ଟ୍ରକ ଟଙ୍ଗାଵିଲା ଓଭରବ୍ରିଜ୍ ନିକଟରେ ଭାରସାମ୍ୟ ହରେଇ ଓଲଟି ପଡ଼ିଥିଲା ଓଲଟି ଯିବା ଫଳରେ ଟ୍ରକ ରେ ଥିବା ଗୋରୁ ଗୁଡିକ ରାସ୍ତା ଉପରକୁ ଛିଟିକି ବଡ଼ିଥିଲେ । ଫଳରେ ଏଥିରେ ଚାଲାଣ ହେଉଥିବା ଅଧିକାଂଶ ଅଣନିଶ୍ୱାସୀ ହୋଇ ଗୋରୁଙ୍କ ମୃତ୍ୟୁ ଘଟିଥିବା ବେଳେ କିଛି ଗୋରୁଙ୍କୁ ଆହତ ଅବସ୍ଥାରେ ଉଦ୍ଧାର କରାଯାଇଛି। ସେହିପରି ଓଲଟିବା ପରେ ଅକ୍ଷତ ଅବସ୍ଥାରେ ସେଥିରୁ ଡେଇଁ ପଡ଼ିଥିବା କିଛି ଗୋରୁଙ୍କୁ ସ୍ଥାନୀୟ ଲୋକେ ଛାଡି ଦେଇଥିଲେ ତେଣୁ ଟ୍ରକରେ ମୋଟ୍ କେତେ ଗୋରୁ ଚାଲାଣ ହେଉଥିଲେ ତାହା ସ୍ପଷ୍ଟ ହୋଇନି।

ଘଟଣା ସ୍ଥଳରୁ ଗାଡ଼ିର ଡ଼୍ରାଇଭର ଓ ହେଲପର ଫେରାର ହୋଇଥିବା ଜଣାପଡିଛି। ଖବର ହେଲା ପର୍ଯ୍ୟନ୍ତ ବର୍ତମାନ ସୁଦ୍ଧା ଗୋ ମାଫିଆ ଓ ଗାଡ଼ି ମାଲିକ ର ସଠିକ୍ ପରିଚୟ ମିଳି ପାରି ନାହିଁ। ତେବେ ଘଟଣା ସ୍ଥଳରେ ଯଶିପୁର ପୋଲିସ ଏବଂ ଅଗ୍ନିଶମ ବିଭାଗ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ମୃତ ଗୋରୁ ଗୁଡ଼ିକୁ ଘଟଣା ସ୍ଥଳରୁ ଉଠାଇ ନେଇ ଏକ ନିର୍ଦ୍ଦିଷ୍ଟ ସ୍ଥାନରେ ପୋତି ଦେଇ ଅଧିକ ତଦନ୍ତ ଆରମ୍ଭ କରିଛି ।