ଦିଲ୍ଲୀରେ ବିସ୍ଫୋରଣରୁ ଅଗ୍ନିକାଣ୍ଡ; ୯ ମୃତ

ଓଡ଼ିଆ ନ୍ୟୁଜ୍: ଦିଲ୍ଲୀ ବିବେକ ବିହାର ଅଞ୍ଚଳରେ ଭୟଙ୍କର ବିସ୍ଫୋରଣ ପରେ ଭୀଷଣ ଅଗ୍ନିକାଣ୍ଡ। ଘଟଣାରେ ୯ ଜଣଙ୍କର ପ୍ରାଣହାନି ଘଟିଥିବା ବେଳେ ୪ରୁ ଅଧିକ ଗୁରୁତର। ଏକ ୪ ମହଲା କୋଠାରେ ନିଆଁ ଲାଗିଥିବା ବେଳେ ୧୪ଟି ଦମକଳ ଗାଡ଼ି ନିୟୋଜିତ। ବର୍ତ୍ତମାନ ସୁଦ୍ଧା ଉଦ୍ଧାର କାର୍ଯ୍ୟ ଜାରି, ମୃତ୍ୟୁ ସଂଖ୍ୟା ବଢ଼ିବା ନେଇ ଆଶଙ୍କା। ଏସି ବିସ୍ଫୋରଣରୁ ଅଗ୍ନିକାଣ୍ଡ ଘଟିଥିବା ସନ୍ଦେହରେ ତଦନ୍ତ କରୁଛି ପୋଲିସ।

ଶାହଦରାର ଡିସିପିଙ୍କ ଅନୁଯାୟୀ, ସୂଚନା ପାଇବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ଏହା ସହ ନିଆଁକୁ ନିୟନ୍ତ୍ରଣ କରାଯାଇଛି। ଏପର୍ଯ୍ୟନ୍ତ ତିନିରୁ ଚାରିଟି ମୃତଦେହ ଉଦ୍ଧାର କରାଯାଇଛି ଏବଂ ଏକ ସନ୍ଧାନ ଅଭିଯାନ ଜାରି ରହିଛି। ଏକ ପୋଲିସ ଦଳ ବର୍ତ୍ତମାନ କୋଠାରେ ଅଛି।

ଏସି ବ୍ଲାଷ୍ଟ ଯୋଗୁଁ ଅଗ୍ନିକାଣ୍ଡ!

ଜଣେ ପ୍ରତ୍ୟକ୍ଷଦର୍ଶୀ ଏକ ଖବର ସଂସ୍ଥାକୁ କହିଛନ୍ତି ଯେ ପ୍ରାୟ ୩.୩୦ ମିନିଟରେ ଘର ଭିତରେ ଥିବା ଏକ ଏୟାର କଣ୍ଡିସନର ବିସ୍ଫୋରଣ ହୋଇଥିଲା। ଏହି ବିସ୍ଫୋରଣ ଅଗ୍ନିକାଣ୍ଡର କାରଣ ଥିଲା। ବିପଦପୂର୍ଣ୍ଣ କଲ୍ ପାଇବା ପରେ, ଅଗ୍ନିଶମ ବାହିନୀର ଗାଡ଼ି ଗୁଡ଼ିକ ମାତ୍ର କିଛି ମିନିଟ୍ ମଧ୍ୟରେ ଘଟଣାସ୍ଥଳରେ ପହଞ୍ଚିଥିଲା। ସେହି କୋଠାରୁ ୧୨ ରୁ ୧୪ ଜଣଙ୍କୁ ବାହାର କରାଯାଇଛି। ତଥାପି, ଚାରିରୁ ପାଞ୍ଚ ଜଣଙ୍କ ପତ୍ତା ଜଣାପଡି ନାହିଁ ଏବଂ ବର୍ତ୍ତମାନ ସେମାନଙ୍କୁ ଖୋଜା ଚାଲିଛି। ସିଢି ଦେଇ ଅନେକ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା।