ପୂର୍ବତନ ସିଜେଆଇ ରଞ୍ଜନ ଗୋଗେଇଙ୍କ ନାଁରେ ଲାଗିଲା ୧ କୋଟି ଟଙ୍କାର ମାନହାନି ମକଦ୍ଦମା

ଓଡ଼ିଆ ନ୍ୟୁଜ୍ (ବ୍ୟୁରୋ): ଆସାମରେ ଅବସ୍ଥିତ ଏକ ଏନଜିଓର ଜଣେ ସାମାଜିକ କାର୍ୟ୍ୟକର୍ତ୍ତା ତଥା ଜଣେ ଅଫିସରଙ୍କ ଦ୍ୱାରା ଭାରତର ପୂର୍ବତନ ପ୍ରଧାନ ବିଚାରପତି ରଂଜନ ଗୋଗୋଇଙ୍କ ବିରୋଧରେ ମାନହାନି ମକଦ୍ଦମା ଦାୟର କରାଯାଇଛି। ନ୍ୟାସନାଲ ରେଜିଷ୍ଟର ଅଫ୍ ସିଟିଜେନ୍ସ (ଏନଆରସି) ପ୍ରସଙ୍ଗରେ ତାଙ୍କ ଆତ୍ମଜୀବନୀରେ କିଛି ଭୁଲ କଥା କୁହାଯାଇଛି ବୋଲି ଏହି ମାମଲାରେ ଦାବି କରାଯାଇଛି।

ଅଭିଜିତ୍ ଶର୍ମା ପୂର୍ବତନ ପ୍ରଧାନ ବିଚାରପତି ରଂଜନ ଗୋଗୋଇଙ୍କ ବିରୋଧରେ ମାମଲା ଦାୟର କରିଛନ୍ତି। ଆବେଦନକାରୀ ଅଭିଜିତ୍ ଶର୍ମା ଗୁଆହାଟୀର କାମ୍ରୁପ (ମେଟ୍ରୋ) ଜିଲ୍ଲା ତଥା ସିଭିଲ୍ ଜଜ୍ କୋର୍ଟରେ ଗୋଗୋଇଙ୍କ ବିରୋଧରେ ୧ କୋଟି ଟଙ୍କା ମାନହାନି ମକଦ୍ଦମା ଦାୟର କରିଛନ୍ତି। ଏହା ସହିତ ସେ ପୂର୍ବତନ ସିଜେଆଇ ର ଆତ୍ମଜୀବନୀ ‘ଜଷ୍ଟିସ୍ ଫର ଜଜ୍’ ଉପରେ ମଧ୍ୟ ପ୍ରତିବନ୍ଧକ ଲଗାଇବାକୁ ଦାବି କରିଛନ୍ତି। ଆସାମ ପବ୍ଲିକ୍ ୱାର୍କର ଏନଜିଓର ସଭାପତି ଶର୍ମା ରାଜ୍ୟରେ ଏନଆରସି ସହ ଜଡିତ ବିଭିନ୍ନ ପ୍ରସଙ୍ଗରେ ସ୍ୱର ଉତ୍ତୋଳନ କରିଛନ୍ତି।

ପରବର୍ତ୍ତୀ ଶୁଣାଣି ଜୁନ୍ ୩ ରେ ହେବ
ଅଭିଜିତ୍ ଶର୍ମା ଆସାମରେ ୧୯୫୧ ଏନଆରସି ଅଦ୍ୟତନ କରିବାକୁ ସୁପ୍ରିମକୋର୍ଟରେ ଏକ ରିଟ୍ ଆବେଦନ କରିଥିଲେ। ଏଥିସହ ମାମଲାର ପେଣ୍ଡେନ୍ସ ସମୟରେ ଆସାମରେ ଏନଆରସି ପ୍ରକ୍ରିୟା ହାଇକୋର୍ଟଙ୍କ ତତ୍ୱାବଧାନରେ ୨୦୧୫ ରେ ଆରମ୍ଭ ହୋଇଥିଲା। ଶର୍ମା ତାଙ୍କ ପିଟିସନରେ କୋର୍ଟଙ୍କୁ କହିଛନ୍ତି ଯେ ଅବସର ପରେ ପୂର୍ବତନ ସିଜେଆଇ ଏନଆରସି ସଂଯୋଜକ ପ୍ରତୀକ ହାଜେଲାଙ୍କୁ ହଟାଇବା ଏବଂ ମଧ୍ୟପ୍ରଦେଶକୁ ସ୍ଥାନାନ୍ତର ସମ୍ପର୍କରେ କିଛି ଭୁଲ ଲେଖିଥିଲେ। ଏହା ମଧ୍ୟ ବଦନାମ ପ୍ରକୃତିର ଜ୍ଝ ମାମଲାର ପରବର୍ତ୍ତୀ ଶୁଣାଣି ଜୁନ୍ ୩ରେ ହେବ।