ଧାମରା ରେଳ ପୋଲ ନିକଟରେ ଏକ ମର୍ମନ୍ତୁତ ସଡକ ଦୁର୍ଘଟଣା
ଓଡ଼ିଆ ନ୍ୟୁଜ,(ବ୍ୟୁରୋ): ଭଦ୍ରକ ୧୬ ନଂ ଜାତୀୟ ରାଜପଥ ଧାମରା ରେଳ ପୋଲ ନିକଟରେ ଏକ ମର୍ମନ୍ତୁତ ସଡକ ଦୁର୍ଘଟଣା ଘଟି ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଯାଇଥିଲା ବେଳେ ଜଣେ ଅତି ସଂକଟାପନ୍ନ ଅବସ୍ଥାରେ ଭଦ୍ରକ ମେଡିକାଲକୁ ପଠାଯାଇଥିବା ଜଣାଯାଇଛି।
ସୂଚନା ଅନୁସାରେ ଦୁଇଜଣ ଯୁବକ ଏକ ବାଇକରେ ଭଦ୍ରକ ଆଡକୁ ଯାଉଥିଲାବେଳେ ୧୬ ନଂ ଜାତୀୟ ରାଜପଥ ଅସୁରା ନିକଟ ଧାମରା ରେଳ ପୋଲ ନିକଟରେ ଏକ ଅଜଣା ଗାଡି ବାଇକକୁ ଧକା ଦେଇ ଫେରାର ହୋଇଯାଇଥିଲା।ଦୁର୍ଘଟଣା ଘଟାଇ ଫେରାର ହୋଇଯାଇଥିବା ଗାଡିର କିଛି ସନ୍ଧାନ ମିଳିପାରି ନ ଥିଲା ବେଳେ ଘଟଣାସ୍ଥଳରେ ଜଣେ ବାଇକ ଆରୋହୀଙ୍କର ମୃତ୍ୟୁ ହୋଇଯାଇଛି।
ଅନ୍ୟ ଜଣେ ବାଇକ ଆରୋହୀଙ୍କୁ ଅତି ସଂକଟାପନ୍ନ ଅବସ୍ଥାରେ ଭଦ୍ରକ ମେଡିକାଲକୁ ପଠାଯାଇଥିବା ସୂଚନା।ଘଟଣାସ୍ଥଳରେ କିଛିସମୟ ପାଇଁ ଉତ୍ତେଜନା ପ୍ରକାଶ ପାଇଥିଲେ ମଧ୍ୟ ସ୍ଥାନୀୟ ପୋଲିସ ପହଞ୍ଚି ପରିସ୍ଥିତିକୁ ଆୟତ୍ତ କରି ଜାତୀୟ ରାଜପଥରେ ଯାତାୟତ ସ୍ବାଭାବିକ କରିଥିଲା।ମୃତାହତଙ୍କ ପରିଚୟ ମିଳି ନ ଥିଲେ ମଧ୍ୟ ବାଇକ ନଂ ଆଧାରରେ ସେମାନଙ୍କୁ ଚିହ୍ନଟ କରିବାକୁ ଚେଷ୍ଟା କରୁଛି ପୋଲିସ।