ଇଡିର ନିର୍ଦ୍ଦେଶ ପରେ କୋଲକାତା ପୋଲିସ ବିରୋଧରେ ମାମଲା ରୁଜୁ କଲା ଦିଲ୍ଲୀ ପୋଲିସ କ୍ରାଇମ ବ୍ରାଞ୍ଚ ! ଜାଣନ୍ତୁ କାହିଁକି
ଏନଫୋର୍ସମେଣ୍ଟ ନିର୍ଦ୍ଦେଶାଳୟର ଅଭିଯୋଗ ଉପରେ ଦିଲ୍ଲୀ ପୋଲିସ କ୍ରାଇମ ବ୍ରାଞ୍ଚ କୋଲକାତା ପୋଲିସ ବିରୋଧରେ ଏଫଆଇଆର ପଞ୍ଜିକରଣ କରିଛି। ସୂଚନାନୁସାରେ, ଅଭିଷେକ ବାନାର୍ଜୀଙ୍କ କିଛି ଦଲିଲ କିଛି ଗଡ଼ବଡ ଦେଖିବାକୁ ମିଳିଥିଲା, ଯେଉଁଥିରେ କୋଲକାତା ପୋଲିସର ନିର୍ଦ୍ଦେଶ ଥିଲା, ତେଣୁ ଇଡି ଦିଲ୍ଲୀ ପୋଲିସ ନିକଟରେ ଅଭିଯୋଗ କରିଥିଲା, ଏହା ପରେ କ୍ରାଇମ ବ୍ରାଞ୍ଚ ଏଫଆଇଆର ପଞ୍ଜୀକୃତ କରିଥିଲା।
ସୂଚନା ଅନୁଯାୟୀ ଅଭିଷେକ ବାନାର୍ଜୀଙ୍କ ବିରୋଧରେ ଇଡି ଏକ ମାମଲା ରୁଜୁ କରିବାକୁ ଯାଉଛି। ତେବେ କହିରଖୁଛୁ ଯେ ପଶ୍ଚିମବଙ୍ଗରେ କୋଇଲା ଘୋଟାଲା ସହ ଜଡିତ ମନି ଲଣ୍ଡରିଂ ମାମଲାରେ ପଚରାଉଚରା ପାଇଁ ଇଡି ଟିଏମସି ସାଂସଦ ଅଭିଷେକ ବାନାର୍ଜୀଙ୍କୁ ଡାକିଥିଲା। ତାଙ୍କ ପତ୍ନୀ ରୁଜିରା ବାନାର୍ଜୀ ମଧ୍ୟ ଇଡିର ଟାର୍ଗେଟରେ ଅଛନ୍ତି।
ସିବିଆଇ ଦ୍ବାରା ପଞ୍ଜୀକୃତ ହୋଇଥିବା ନଭେମ୍ବର ୨୦୨୦ ର FIR ଆଧାରରେ ମନି ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ, ୨୦୦୨ ର ବ୍ୟବସ୍ଥା ଅନୁଯାୟୀ ଇଡି ଏକ ମାମଲା ରୁଜୁ କରିଛି ଯେଉଁଥିରେ ଆସାନସୋଲ ଏବଂ ଏହାର ଆଖପାଖ କୁନୁଷ୍ଟୋରିଆ ଏବଂ କାଜୋରା ଅଞ୍ଚଳଗୁଡିକରେ ଇଷ୍ଟର୍ଣ୍ଣ କୋଇଲଫିଲ୍ଡ ଲିମିଟେଡର ଖଣି ସହ ଜଡ଼ିତ କୋଟି କୋଟି ଟଙ୍କାର କୋଇଲା ଘୋଟାଲାର ଅଭିଯୋଗ ହୋଇଛି। ଏହି ବେଆଇନ ବ୍ୟବସାୟରୁ ମିଳିଥିବା ଅର୍ଥର ଟିଏମସି ସାଂସଦମାନେ ହିତାଧିକାରୀ ବୋଲି ଇଡି ଦାବି କରିଛି। ସେପଟେ ସମସ୍ତ ଅଭିଯୋଗକୁ ବାନାର୍ଜୀ ଅସ୍ୱୀକାର କରିଛନ୍ତି।