ଏନଏସଏ ଅଜିତ୍ ଡୋଭାଲଙ୍କ ଆମେରିକା ଗସ୍ତ ପୂର୍ବରୁ ଆମେରିକାର ବଡ଼ ବୟାନ

ଓଡ଼ିଆ ନ୍ୟୁଜ୍ (ବ୍ୟୁରୋ): ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା (ଏନଏସଏ) ଅଜିତ ଡୋଭାଲ ଆମେରିକାର ପ୍ରତିପକ୍ଷ ଜେକେ ସଲିଭାନଙ୍କ ସମେତ ଆମେରିକାର ଶୀର୍ଷ ନେତୃତ୍ୱଙ୍କ ସହ ଆଲୋଚନା ପାଇଁ ୱାଶିଂଟନ୍ ଗସ୍ତରେ ଆସିଛନ୍ତି। ଡୋଭାଲ ଆମେରିକାରେ ପହଞ୍ଚିବା ପୂର୍ବରୁ ରାଷ୍ଟ୍ରପତି ଜୋ ବିଡେନଙ୍କ ପ୍ରଶାସନ କହିଛି ଯେ ଆମେରିକା ପାଇଁ ଭାରତ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର। ଆମେରିକାର ବୈଦେଶିକ ବିଭାଗର ଡେପୁଟି ମୁଖପାତ୍ର ବେଦାନ୍ତ ପଟେଲ ଗୁରୁବାର ଦିନ ଗଣମାଧ୍ୟମକୁ କହିଛନ୍ତି ଯେ ଭାରତ ଅନେକ କ୍ଷେତ୍ରରେ ଆମେରିକା ପାଇଁ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ଅଟେ। ଏଥିରେ ବାଣିଜ୍ୟ କ୍ଷେତ୍ର ମଧ୍ୟ ରହିଛି।

ଏକ ପ୍ରଶ୍ନର ଉତ୍ତରରେ ଆମେରିକାର ବୈଦେଶିକ ବିଭାଗର ଡେପୁଟି ମୁଖପାତ୍ର କହିଛନ୍ତି ଯେ “ଏବଂ ହଁ, ଏଥିରେ ସୁରକ୍ଷା ସହଯୋଗ ଅନ୍ତର୍ଭୁକ୍ତ। ବୈଷୟିକ ସହଯୋଗ ମଧ୍ୟ ଏହାର ଏକ ଅଂଶ।” ପଟେଲ କହିଛନ୍ତି ଯେ ଆଗାମୀ ବୈଠକକୁ ଦୃଷ୍ଟିରେ ରଖି ସେ ଏ ବିଷୟରେ ଅଧିକ ବିବରଣୀ ଦେବାକୁ ଚାହୁଁନାହାଁନ୍ତି। ସେ କହିଛନ୍ତି ଯେ ଏହା (ଭାରତ-ଆମେରିକା ସମ୍ପର୍କ) ଆମ ପାଇଁ ନିଶ୍ଚିତ ଭାବେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

ଭାରତର ପରିବର୍ତ୍ତନଶୀଳ ଯାତ୍ରାରେ ଆମେରିକା ଏକ ଗୁରୁତ୍ୱପୂର୍ଣ୍ଣ ସହଯୋଗୀ ଜ୍ଝ
ଏହାପୂର୍ବରୁ ଗତକାଲି ୱାଶିଂଟନରେ ଭାରତର ୭୪ ତମ ଗଣତନ୍ତ୍ର ଦିବସ ପାଳନ ଅବସରରେ ଆମେରିକାରେ ଭାରତର ରାଷ୍ଟ୍ରଦୂତ ତାରଞ୍ଜିତ ସିଂ ସାନ୍ଧୁ କହିଥିଲେ ଯେ ଭାରତର ପରିବର୍ତ୍ତନଶୀଳ ଯାତ୍ରାରେ ଆମେରିକା ଏକ ଗୁରୁତ୍ୱପୂର୍ଣ୍ଣ ସହଯୋଗୀ ହୋଇଛି। ସାନ୍ଧୁ, ଭାରତୀୟ-ଆମେରିକୀୟ କଂଗ୍ରେସ କର୍ମୀ ରୋ ଖାନ୍ନା ଏବଂ ସାଂସଦ ଥାନେଦରଙ୍କ ସହ ଏଠାରେ ଭାରତୀୟ ସମ୍ପ୍ରଦାୟର ସଦସ୍ୟଙ୍କ ସହ ଗଣତନ୍ତ୍ର ଦିବସ ପାଳନ କରିଥିଲେ। ରାଷ୍ଟ୍ରଦୂତ କହିଛନ୍ତି, “ଭାରତ ଏବଂ ଆମେରିକା ମଧ୍ୟରେ ଗ୍ଲୋବାଲ୍ କମ୍ପେରେଟିଭ୍ ଷ୍ଟ୍ରାଟେଜିକ୍ ପାର୍ଟନରସିପ୍ ମଜବୁତ ହେବାରେ ଲାଗିଛି। ସ୍ୱାସ୍ଥ୍ୟସେବା, ସ୍ୱଚ୍ଛ ଶକ୍ତି, ସୁରକ୍ଷା, ଶିକ୍ଷା, ପ୍ରଯୁକ୍ତିବିଦ୍ୟା ସମେତ ଉଭୟ କ୍ଷେତ୍ରରେ ପାରସ୍ପରିକ ବିନିମୟ ଦ୍ୱାରା ଉଭୟ ଦେଶ ଉପକୃତ ହେଉଛନ୍ତି।”