ବାଂଲାଦେଶର ସ୍ଥିତିକୁ ନେଇ ସର୍ବଦଳୀୟ ବୈଠକ
ଓଡ଼ିଆ ନ୍ୟୁଜ,(ବ୍ୟୁରୋ): ବାଂଲାଦେଶରେ ଜାରି ରହିଥିବା ସ୍ଥିତି ଉପରେ ଭାରତ ସରକାରଙ୍କ ରହିଛି ତୀଖ୍ଣ ନଜର। ପରିସ୍ଥିତି ଯାହା ବି ହେବ ସେ ସମ୍ପର୍କରେ ସୂଚିତ କରାଯିବ। ହିଂସା ପ୍ରଭାବିତ ରାଷ୍ଟ୍ରର ସୁରକ୍ଷା, ଅର୍ଥନୈତି ଏବଂ କୂଟନୈତିକ ପରିସ୍ଥିତିର ମୁକାବିଲା ପାଇଁ ଭାରତ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ବିଷୟରେ ଜୟଶଙ୍କର ସମସ୍ତ ଦଳର ନେତାମାନଙ୍କୁ ସୂଚନା ଦେଇଛନ୍ତି।
ବୈଦେଶିକ ମନ୍ତ୍ରୀ କହିଛନ୍ତି ଯେ ବାଂଲାଦେଶରେ ପ୍ରାୟ ୧୨ରୁ ୧୩୦୦୦ ଭାରତୀୟ ଅଛନ୍ତି। ପରିସ୍ଥିତି ଏତେ ଚିନ୍ତାଜନକ ନୁହେଁ ଯେ ସେମାନଙ୍କୁ ଏୟାରଲିଫ୍ଟ କରିବାର ଆବଶ୍ୟକତା ଅଛି। ଶେଖ ହସିନା ଭାରତରେ ରହିବେ ନା ଅନ୍ୟ କୌଣସି ଦେଶରେ ଆଶ୍ରୟ ନେବେ ସେନେଇ କୌଣସି ନିଷ୍ପତ୍ତି ନିଆଯାଇ ନାହିଁ। ସରକାର ହସିନାଙ୍କ ସହ ସଂକ୍ଷିପ୍ତ ଆଲୋଚନା କରିଛନ୍ତି ଏବଂ ସେ ଭବିଷ୍ୟତ ଯୋଜନା ଉପରେ ଏପର୍ଯ୍ୟନ୍ତ କିଛି ନିଷ୍ପତ୍ତି ନେଇ ନାହାଁନ୍ତି ବୋଲି କହିଛନ୍ତି ଏସ୍ ଜୟଶଙ୍କର। ବାଂଲାଦେଶରେ ସ୍ଥିତି ବିଗିଡ଼ିବା ପରେ ଭାରତୀୟ ସୀମାରେ ଲାଗିଛି ହାଇ ଆଲର୍ଟ।
ଭାରତ-ବାଂଲାଦେଶ ସୀମାରେ କଡ଼ା ସୁରକ୍ଷା ବ୍ୟବସ୍ଥା ହେବା ସହ BSF ଫୋର୍ସ ସଂଖ୍ୟାକୁ ବଢ଼ାଇଛି। ଆଉ ଏହାରି ଭିତରେ ସରିଛି ସର୍ବଦଳୀୟ ବୈଠକ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗୁରୁତ୍ୱପୂର୍ଣ୍ଣ ସର୍ବଦଳୀୟ ବୈଠକ ବସିଥିଲା। ଏଥିରେ ବୈଦେଶିକ ବ୍ୟାପାର ମନ୍ତ୍ରୀ ଏସ୍.ଜୟଶଙ୍କର, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ୍ ଶାହ, ବିରୋଧୀ ଦଳ ନେତା ରାହୁଲ ଗାନ୍ଧି ପ୍ରମୁଖ ଉପସ୍ଥିତ ଥିଲେ।