ମୋଦୀଙ୍କୁ ଧନ୍ୟବାଦ୍ ଦେଲେ ଗୁଗଲ ସିଇଓ ସୁନ୍ଦର୍ ପିଚାଇ
ଓଡ଼ିଆ ନ୍ୟୁଜ, ହାଇଦ୍ରାବାଦ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଦେଲେ ଗୁଗଲ ସିଇଓ ସୁନ୍ଦର ପିଚାଇ । ଭାରତ ପ୍ରତି ଗୁଗଲର ପ୍ରତିବଦ୍ଧତା ନେଇ ଗତକାଲି(ସୋମବାର) ଉଭୟଙ୍କ ମଧ୍ୟରେ ବୈଠକ ହୋଇଥିବା ବେଳେ ଆଜି ଏକ୍ସରେ ଟ୍ବିଟ କରି ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ଗୁଗଲ ସିଇଓ । ଗୁଗଲ ସିଇଓ ଟ୍ବିଟ କରି କହିଛନ୍ତି, “ସଫଳ ବୈଠକ ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ । ପ୍ରଧାନମନ୍ତ୍ରୀ ଏବଂ ଆମ ଟିମ AI ଟୁଲ୍ ବ୍ୟବହାର କରି ଆମର କାର୍ଯ୍ୟକୁ ବିସ୍ତାର କରୁଛୁ । ସମୟ ଅନୁସାରେ ଆମର ସହଭାଗୀତା ବୃଦ୍ଧି ପାଉଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୁଗୁଲ ଉପରେ ଭାରତ ପ୍ରତି ଚାଲିଥିବା ପ୍ରତିବଦ୍ଧତା ଏବଂ ଆମେ କିପରି ଆମର କାର୍ଯ୍ୟକଳାପକୁ ବିସ୍ତାର କରୁଛୁ, ଏଆଇକୁ ବୃଦ୍ଧି କରୁଛୁ ଏବଂ ଆମର ସହଭାଗିତା ବୃଦ୍ଧି କରୁଛୁ ସେ ବିଷୟରେ ଆଲୋଚନା କରିବାକୁ ଆଜି ଧନ୍ୟବାଦ ଅର୍ପଣ କରିଥିବାରୁ ଧନ୍ୟବାଦ।ସୂଚନାଅନୁସାରେ, ସୋମବାର ଦିନ ଗୁଗଲ ସିଇଓ ଏବଂ ପ୍ରଧାନମନ୍ତ୍ରୀଙ୍କ ମଧ୍ୟରେ ଭର୍ଚୁଆଲ ବୈଠକ ହୋଇଥିଲା । ତେବେ ବୈଠକରେ ଉଭୟେ ଭାରତରେ ଇଲେକ୍ଟ୍ରୋନିକ୍ସ ମ୍ୟାନୁଫ୍ୟାକ୍ଚରିଂ ଇକୋସିଷ୍ଟମକୁ ବିସ୍ତାର କରିବା ପାଇଁ ଗୁଗଲର ଯୋଜନା ଉପରେ ଆଲୋଚନା କରିଥିଲେ । ଭାରତରେ କ୍ରୋମବୁକର ନିର୍ମାଣ ପାଇଁ HP ସହିତ ଗୁଗୁଲର ସହଭାଗିତାକୁ ପ୍ରଶଂସା କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।ଖବର ମୁତାବକ, ଗୁଗଲ ଗାନ୍ଧିନଗରରେ ଗୁଜୁରାଟ ଇଣ୍ଟରନ୍ୟାସନାଲ ଫାଇନାନ୍ସ ଟେକ୍-ସିଟି (GIFT)ରେ ଗ୍ଲୋବାଲ ଫିଣ୍ଟେକ୍ ଅପରେସନ୍ ସେଣ୍ଟର ଖୋଲିବାକୁ ଯୋଜନା କରିଥିବା ବେଳେ ଏହାକୁ ସ୍ବାଗତ କରିଛନ୍ତି ପ୍ରଧାନମନ୍ତ୍ରୀ ।
ପିଚାଇ ପ୍ରଧାନମନ୍ତ୍ରୀଙ୍କୁ GPay ଏବଂ UPIର ବ୍ୟବହାର ବୃଦ୍ଧି କରାଇ ଭାରତର ଭିତ୍ତିଭୂମିକୁ ସୁଦୃଢ଼ କରିବା ପାଇଁ ଗୁଗଲର ଯୋଜନା ବିଷୟରେ ମଧ୍ୟ ଅବଗତ କରାଇଛନ୍ତି । ଭାରତର ବିକାଶ ପଥରେ ସହଯୋଗ କରିବାକୁ ଗୁଗୁଲର ପ୍ରତିବଦ୍ଧତା ଉପରେ ମଧ୍ୟ ସେ ଗୁରୁତ୍ୱାରୋପ କରିଥିବା ନେଇ ବିଜ୍ଞପ୍ତିରେ କୁହାଯାଇଛି । ତେବେ ବିଜ୍ଞପ୍ତିରେ ଆହୁରି ମଧ୍ୟ କୁହାଯାଇଛି ଯେ, AI ଶିଖର ସମ୍ମିଳନୀରେ ଆଗାମୀ ବିଶ୍ୱ ଭାଗିଦାରୀରେ ସହଯୋଗ କରିବାକୁ ପ୍ରଧାନମନ୍ତ୍ରୀ ଗୁଗଲକୁ ଆମନ୍ତ୍ରଣ କରିଛନ୍ତି। କହିରଖୁଛୁ କି ଚଳିତବର୍ଷ ଡିସେମ୍ବର ମାସରେ ନୂଆଦିଲ୍ଲୀରେ ଏହି ସମ୍ମିଳନୀ ଭାରତ ଦ୍ବାରା ଅନୁଷ୍ଠିତ ହେବ ।