ଋଷ-ୟୁକ୍ରେନ୍ ଯୁଦ୍ଧରେ ପ୍ରଭାବିତ ହୋଇଥିବା ଦେଶ ଗୁଡ଼ିକୁ ପାଣ୍ଠି ଯୋଗାଇବ IMF

ଓଡ଼ିଆ ନ୍ୟୁଜ୍ (ବ୍ୟୁରୋ): ଚାଲିଥିବା ୟୁକ୍ରେନ ଯୁଦ୍ଧ ହେତୁ ସାରା ବିଶ୍ୱରେ ଖାଦ୍ୟ ମୂଲ୍ୟ ବୃଦ୍ଧି ହେତୁ ଚାପର ସମ୍ମୁଖୀନ ହେଉଥିବା ଦେଶମାନଙ୍କୁ ଜରୁରୀକାଳୀନ ପାଣ୍ଠି ଯୋଗାଇବା ପାଇଁ ଆନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ) ର କାର୍ୟ୍ୟନିର୍ବାହୀ ବୋର୍ଡ ସୋମବାର ଏକ ଯୋଜନା ବିବେଚନା କରିଛି। ଆଇଏମ୍ଏଫ୍ ର ଏହି ଯୋଜନା ରୁଷ ଦ୍ୱାରା ଆକ୍ରମଣ ହୋଇଥିବା ୟୁକ୍ରେନକୁ ଏବଂ ଏହାଦ୍ୱାରା ପୀଡ଼ିତ ଅନ୍ୟ ଦେଶମାନଙ୍କୁ ଖାଦ୍ୟ ମୂଲ୍ୟର ମୁଦ୍ରାସ୍ଫୀତିର ମୁକାବିଲା କରିବାରେ ସାହାଯ୍ୟ କରିବ ।

ନ୍ୟୁଜ୍ ଏଜେନ୍ସି ରଏଟର୍ସର ଏକ ଖବର ଅନୁଯାୟୀ, ଗତ କିଛି ମାସ ମଧ୍ୟରେ ଆଇଏମ୍ଏଫ୍ ଏହି ଯୋଜନା ପ୍ରସ୍ତୁତ କରିଛି। ଯେଉଁ କାରଣରୁ ଯୁଦ୍ଧ ହେତୁ ବଜେଟ୍ ସମସ୍ୟା ସହ ସଂଘର୍ଷ କରୁଥିବା ଦେଶଗୁଡିକ ନିୟମିତ ପାଣ୍ଠି କାର୍ୟ୍ୟକ୍ରମର ଆବଶ୍ୟକୀୟ ସର୍ତ୍ତ କାର୍ୟ୍ୟକାରୀ ନକରି ଆଇଏମଏଫ ସହାୟତା ପାଇବେ । ତେବେ ଏହି ଯୋଜନା ଏପର୍ୟ୍ୟନ୍ତ ଆନୁଷ୍ଠାନିକ ଭାବେ ଅନୁମୋଦନ ହୋଇନାହିଁ ବୋଲି ସୂତ୍ରରୁ ପ୍ରକାଶ। ବର୍ତ୍ତମାନ ବୋର୍ଡର ଅଧିକାଂଶ ସଦସ୍ୟ ସାଧାରଣତଃ ଏହି ଡ୍ରାଫ୍ଟକୁ ବୈଠକରେ ସମର୍ଥନ କରୁଥିଲେ। ଅକ୍ଟୋବରରେ ଆଇଏମଏଫ ର ବାର୍ଷିକ ବୈଠକ ପୂର୍ବରୁ ଏହି ଯୋଜନା ପାଇଁ ଏକ ଆନୁଷ୍ଠାନିକ ଭୋଟ୍ ଆଶା କରାଯାଏ ।

ଯଦି ଏହି ଯୋଜନା ଅନୁମୋଦିତ ହୁଏ, ତେବେ ଏହା ସାମୟିକ ଭାବରେ ବିଦ୍ୟମାନ ଜରୁରୀକାଳୀନ ପାଣ୍ଠି ସହାୟତାର ସୀମା ବୃଦ୍ଧି କରିବ । ଏହା ସମସ୍ତ ସଦସ୍ୟ ଦେଶମାନଙ୍କୁ ଆଇଏମଏଫ ର ରାପିଡ୍ ଫାଇନାନ୍ସ ଇନଷ୍ଟ୍ରୁମେଣ୍ଟ ଅଧୀନରେ ସେମାନଙ୍କର ଆଇଏମଏଫ କୋଟାର ଅତିରିକ୍ତ ୫୦% ପର୍ୟ୍ୟନ୍ତ ଋଣ କରିବାକୁ ଅନୁମତି ଦେବ । ଯେଉଁଠାରେ ସ୍ୱଳ୍ପ ଆୟକାରୀ ଦେଶଗୁଡିକ ଦ୍ରୁତ ଋଣ ସୁବିଧାର ଲାଭ ଉଠାଇ ପାରିବେ । ଆଇଏମ୍ଏଫ୍ ର ଏହି ଯୋଜନା ସରଳ ଏବଂ ଏହା ଅନେକ ଦେଶକୁ ସାହାଯ୍ୟ କରିପାରିବ ।