ମା, ମଙ୍ଗକା ଭାଗବତ ଟୁଙ୍ଗି ଗୃହ ପ୍ରତିଷ୍ଠା ଉତ୍ସବରେ ଯୋଗ ଦେଲେ ବାବା ବଳିଆ

ଓଡ଼ିଆ ନ୍ୟୁଜ,(ବ୍ୟୁରୋ): ଆଧୁନିକ ଯୁଗରେ ବି ଆଧ୍ୟାତ୍ମିକଚେତନା ଉପରେ ଲୋକେ ଭରଷା ରଖିଛନ୍ତି l ଈଶ୍ୱର ଙ୍କ ଅନୁସୃତ ବାଣୀ ଆଜି ସାଧାରଣ ଜନତା ଙ୍କ ପାଇଁ ବେଶ ଶ୍ରବଣୀୟ ହୋଇଛି l ଯେପରି ଶିଶୁ ଅନନ୍ତ ଆଶ୍ରମ ର ବାବା ବଳିଆ ମହାକାଳପଡ଼ା ବ୍ଲକ ବଡକୁଳ ଠାରେ ନବ ନିର୍ମିତ ମା ମଙ୍ଗଳା ଭାଗବତ ଟୁଙ୍ଗି ଗୃହ ପ୍ରତିଷ୍ଠା ପର୍ବରେ ଯୋଗ ଦେଇ ସର୍ବ ସମ୍ମୁଖରେ ଦିବ୍ୟ ପ୍ରବଚନ ରଖିଛନ୍ତି l

ଗୁରୁବାର ବଡକୁଳ ଠାରେ ଅନୁଷ୍ଠିତ ଭାଗବତ ଟୁଙ୍ଗି ପ୍ରତିଷ୍ଠା ଉତ୍ସବ ରେ ମୁଖ୍ୟ ଆକର୍ଷଣ ବାବା ବଳିଆ ଉପସ୍ଥିତ ହୋଇଥିଲେ l ସାଧୁ ଙ୍କ ମନ୍ତ୍ରମୁଗ୍ଧ ପ୍ରବଚନ ଶୁଣିବା ପାଇଁ ଆଖ ପାଖ ଗ୍ରାମର ଆବାଳବୃଦ୍ଧ ବନିତା ଏକତ୍ରିତ ହୋଇଥିଲେ l ଶୀତ ର ପହିଲି ପରସ କୁ ଖାତିର ନକରି ,ରାତିରେ ଲୋକେ ପ୍ରଵକ୍ତା ଙ୍କ ଶେଷ ମନ୍ତବ୍ୟ ପର୍ଯ୍ୟନ୍ତ ଅପେକ୍ଷା ରେ ଥିଲେ l

ଆଉ ପ୍ରତିଷ୍ଠା ଦିବସ ରେ ଗ୍ରାମବାସୀ ସଭିଏଁ ନିଜ ନିଜ ଘରେ କଳସ ବସାଇ ଦିନ ତମାମ ପୂଜା ଵିଧି ରେ ମନ ନିବେଶ କରି ଭଗବତ ପ୍ରେମରେ ଲୀନ ହୋଇଥିଲେ l ଆଉ ସନ୍ଧ୍ୟାରେ ପ୍ରବଚନ ସଭାକୁ ଆସିଥିବା ସମସ୍ତ ଭଗବତ ପ୍ରେମୀ ଙ୍କ ପ୍ରସାଦ ସେବନ ବ୍ୟବସ୍ଥା ହୋଇଥିବାର ଭlଗବତ କମିଟି ର ସଭାପତି ରାଜେନ୍ଦ୍ର ରାଉତ ଓ ସମ୍ପାଦିକା ଭଗବତୀ ଦାସ କହିଛନ୍ତି l