ମୁକ୍ତିଲାଭ କଲା ଚଳଚ୍ଚିତ୍ର ‘ଟି’-ର ପ୍ରଥମ ଗୀତ ଜଲସା, ୨୫ ମେ’ ରେ ମୁକ୍ତିଲାଭ ହେବ ଫିଲ୍ମି

0

ଓଡ଼ିଆ ନ୍ୟୁଜ୍(ବ୍ୟୁରୋ):  ଚଳଚ୍ଚିତ୍ର “ଟି” ର ଟ୍ରେଲର ରିଲିଜ ପରେ ଭୁବନେଶ୍ୱର ସ୍ଥିତ ଉତ୍କଳ ଗ୍ୟାଲେରିଆ ଠାରେ ଏକ ବର୍ଣ୍ଣାଢ୍ୟ ପରିବେଶ ମଧ୍ୟରେ ଟି ଫିଲ୍ମର ପ୍ରଥମ ଗୀତ ଜଲସା ରିଲିଜ ହୋଇଯାଇଛି l ଏହି ଜଲସା ଗୀତ ସାରା ପୃଥିବୀରେ ନିଆରା l କିନ୍ନର ମାନଙ୍କର ଲିଙ୍ଗ ପରିବର୍ତ୍ତନ ପରେ ଏକ ରୀତି ପାଳନ କରାଯାଇଥାଏ ଯାହା ସର୍ବସାଧାରଣ ଦେଖିବା ପାଇଁ ସୁଯୋଗ ମିଳି ନଥାଏ l ତେବେ ଏହି ରୀତି ବା ପ୍ରଥା କୁ ନିର୍ଦ୍ଦେଶକ ଜିତେଶ କୁମାର ପରିଡା ଗୁରୁତ୍ୱ ମନେକରି କିନ୍ନରଙ୍କ ପ୍ରଥାକୁ ଲୋକଲୋଚନକୁ ଆଣିବା ପାଇଁ ପ୍ରୟାସ କରିଛନ୍ତି l

ଜଲସା ଗୀତଟି ରଚନା କରିଛନ୍ତି ବର୍ତ୍ତମାନର ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ, ସ୍ୱରରେ ସଜାଇଛନ୍ତି ମୁମ୍ବାଇ ର ସଙ୍ଗୀତ ନିର୍ଦ୍ଦେଶକ ତୁହିନ କେ. ବିଶ୍ୱାସ ଏବଂ କଣ୍ଠଦାନ କରିଛନ୍ତି ଗୌରବ ଆନନ୍ଦ l ଫିଲ୍ମ ର ଡିଓପି ସର୍ବେଶ୍ୱର ଦାଶ, ସମ୍ପାଦକ ଅମରଜିତ ଓଝା ଏବଂ ଡିଆଇ ଦାୟିତ୍ୱ ରେ ଅଧିକାରୀ ସାହୁ ରହିଛନ୍ତି l ସାବିତ୍ରୀ ଅବସରରେ ଜଲସା ଗୀତ ଟି ରିଲିଜ କରିବା ପାଇଁ ଠିକ ଦିନ ମନେ କରି ସର୍ବସାଧାରଣ ଙ୍କ ସମ୍ମୁଖରେ ଗୀତ ରିଲିଜ କାର୍ଯ୍ୟକ୍ରମ ହୋଇଥିଲା l “ଆକାଶେ ନୂଆ ରଙ୍ଗ ଭରିଛି “…. ଜଲସା ଗୀତ ଟି ବେଶ ମନଛୁଆଁ ହୋଇଥିବାରୁ ଉପସ୍ଥିତ ଥିବା ଅତିଥି, କିନ୍ନର ତଥା ଦର୍ଶକମାନେ ବାରମ୍ବାର ଦେଖିବାକୁ ଅନୁରୋଧ କରିଥିଲେ l ଅଭିନେତା ଦେବ୍ ମଧ୍ୟ କିନ୍ନର ଚରିତ୍ର ରେ ଖୁବ ସୁନ୍ଦର ଅଭିନୟ କରିଛନ୍ତି lଓଡ଼ିଆ ଚଳଚ୍ଚିତ୍ର ‘ଟି’ କୁ ୟୁ/ଏ ସାର୍ଟିଫିକେଟ ମିଳିଛି ତେଣୁ ସପରିବାର ଚଳଚ୍ଚିତ୍ର ଟିକୁ ଦେଖିପାରିବେ ବୋଲି ପ୍ରଯୋଜକ ତଥା ନିର୍ଦ୍ଦେଶକ ଘୋଷଣା କରିଥିଲେ l

ସୂଚନାଯୋଗ୍ୟ ଯେ ; ପାନୋରମା ମ୍ୟୁଜିକ ଏବଂ ସ୍ଟୁଡ଼ିଓ ପ୍ରଥମ ଥର ପାଇଁ ଓଡ଼ିଆ ଚଳଚ୍ଚିତ୍ର “ଟି” ସହିତ ମିଳିତ ଭାବରେ ପ୍ରଚାର ପ୍ରସାର କରୁଛନ୍ତି l ଯେଉଁଥିରେ କି ଟିଜର, ଟ୍ରେଲର ଏବଂ ଫିଲ୍ମ ର ଗୀତ ଗୁଡିକ ଦେଖିବାକୁ ପାଇବେ l ଜଲସା ଗୀତ ରିଲିଜ ଉତ୍ସବରେ କିନ୍ନର ମେଘନା ସାହୁ, କିନ୍ନର ସମୀକ୍ଷା, କିନ୍ନର ଆୟେଶା, ମୁଖ୍ୟ ଅଭିନେତା ଦେବାଶିଷ ସାହୁ (ଦେବ୍), ଉଷସୀ ମିଶ୍ର, ରଣବୀର କଲସୀ, ସହପ୍ରଯୋଜକ ମନବୀର ସିଂ କଲସୀ, ସହପ୍ରଯୋଜକ ହିମାଦ୍ରି ତନୟ ଦାସ, ନିର୍ଦ୍ଦେଶକ ଜିତେଶ କୁମାର ପରିଡା, କଣ୍ଠଶିଳ୍ପୀ ଗୌରବ ଆନନ୍ଦ ଓ ପ୍ରଣୟ ଜେଠୀ ପ୍ରମୁଖ ଉପସ୍ଥିତ ଥିଲେ l

ବିଭିନ୍ନ ଚଳଚ୍ଚିତ୍ର ମହୋତ୍ସବରେ ଉଚ୍ଚ ପ୍ରଶଂସା ସହିତ ଅନେକ ସାର୍ଟିଫିକେଟ ହାତେଇଥିବା ଚଳଚ୍ଚିତ୍ର ‘ଟି’ l ଟ୍ରାନ୍ସଜେଣ୍ଡର ଙ୍କୁ ନେଇ ଚଳଚ୍ଚିତ୍ର ନିର୍ମାଣ କରିବାର ପରିକଳ୍ପନା ସତରେ ବେଶ ସ୍ବାଗତଯୋଗ୍ୟ l ପୂର୍ବରୁ ଓଲିଉଡ଼ର ବିଭିନ୍ନ ଖଳନାୟକ ଭୂମିକାରେ ଅଭିନୟ କରୁଥିବା ଅଭିନେତା ଦେବାଶିଷ ସାହୁ (ଦେବ୍) ମେଘନା ସାହୁ ଚରିତ୍ରରେ ନଜର ଆସୁଛନ୍ତି l ତାଙ୍କ ବ୍ୟତୀତ ଉଷସୀ ମିଶ୍ର, ହର ରଥ, ରଣବୀର କଲସି ଓ ପ୍ରସନ୍ନଜିତ ମହାପାତ୍ର ପ୍ରମୁଖ ଅଭିନୟ କରିଛନ୍ତି l ଚଳଚ୍ଚିତ୍ର ‘ଟି’ ଆସନ୍ତା ମେ ୨୫ ତାରିଖରେ ସମଗ୍ର ରାଜ୍ୟର ତିରିଶ ଟି ପ୍ରେକ୍ଷାଳୟ ରେ ମୁକ୍ତିଲାଭ କରିବ l ସମାଜ ପାଇଁ ଅନେକ ଶିକ୍ଷଣୀୟ ବାର୍ତ୍ତା ବହନ କରୁଛି ଚଳଚ୍ଚିତ୍ର “ଟି” l ତେଣୁ ସମସ୍ତ ସିନେପ୍ରେମୀ ଚଳଚ୍ଚିତ୍ର ‘ଟି’ କୁ ଦେଖିବା ଉଚିତ ବୋଲି ଚଳଚ୍ଚିତ୍ରର ପ୍ରଚାର ପ୍ରସାର ଦାୟିତ୍ୱ ରେ ଥିବା ମିଡ଼ିଆ ପ୍ଲାନର କ୍ରି୍ଏଟିଭ ହେଡ଼ ପ୍ରଣୟ ଜେଠୀ କହିଛନ୍ତି l
ଜିତେଶ କୁମାର ଫିଲ୍ମଜ ଓ ଆର ଆର ମୋସନ ପିକ୍ଚର୍ସ ର ପ୍ରଯୋଜନା ତଥା ବିଘ୍ନହର୍ତ୍ତା ମୁଭିଜ, ମୋହିତ କୁମାର ପୁରୀ, ହିମାଦ୍ରି ତନୟ ଦାସ ସହ ପ୍ରଯୋଜନା ଏବଂ ଥମ୍ରିତା ମୋହନ ଶମ୍ଭୁତି, ସୋମା କିରଣ ଜେନା, ରାଜଶ୍ରୀ ମହାପାତ୍ରଙ୍କ ମିଳିତ ପ୍ରଯୋଜନାରେ ନିର୍ମିତ ହୋଇଛି ଚଳଚ୍ଚିତ୍ର ‘ଟି’ l
ଆଜି ଗୀତ ରିଲିଜ ଅବସରରେ ଚଳଚ୍ଚିତ୍ର ରିଲିଜ ପୂର୍ବରୁ ପୁଣିଥରେ ମିଡ଼ିଆ ବନ୍ଧୁମାନଙ୍କ ନିମନ୍ତେ ପ୍ରଥମଥର ପାଇଁ ପ୍ରେକ୍ଷାଳୟରେ ସ୍ୱତନ୍ତ୍ର ପ୍ରଦର୍ଶନ ହେବ ବୋଲି ପ୍ରଯୋଜକ ତଥା ନିର୍ଦ୍ଦେଶକ ଜିତେଶ କୁମାର ପରିଡା ପୁଣି ଥରେ ସୁନିଶ୍ଚିତ କରିଛନ୍ତି l

Leave A Reply

Your email address will not be published.