ତେଲେଙ୍ଗାନାରେ ବର୍ଷା ବିତ୍ପାତ: ଉଦ୍ଧାରକାର୍ଯ୍ୟ ଜାରି
ଓଡ଼ିଆ ନ୍ୟୁଜ୍ (ବ୍ୟୁରୋ): ପ୍ରବଳ ବର୍ଷାରେ ବେହାଲ ସାରା ଦେଶ । ପୂର୍ବରୁ ପଶ୍ଚିମ ଆଉ ଉତ୍ତରରୁ ଦକ୍ଷିଣ, ସବୁଠି ସ୍ଥିତି ସଙ୍ଗୀନ । ଏହାରି ଭିତରେ ତେଲେଙ୍ଗାନାରେ ମଧ୍ୟ ପ୍ରବଳ ବର୍ଷା ଯୋଗୁଁ ବନ୍ୟା ସ୍ଥିତି ସୃଷ୍ଟି କରିଛି। କିଛି ସ୍ଥାନରେ ପରିସ୍ଥିତି ଏମିତି ହୋଇଛି ଯେ ସେନା ହେଲିକପ୍ଟର ଏବଂ ଏନ୍ଡିଆରଏଫ୍ ଦ୍ବାରା ଉଦ୍ଧାର କାର୍ୟ୍ୟ କରାଯାଇଛି। ତେଲେଙ୍ଗାନାର ଭୁପାଲପାଲ୍ଲି ଜିଲ୍ଲା ଅଧୀନସ୍ଥ ମୋରଞ୍ଚପାଲ୍ଲି ଗ୍ରାମରେ ସ୍ଥିତି ନିୟନ୍ତ୍ରଣ ବାହାରକୁ ପଳାଇଛି। ସମଗ୍ର ଗାଁ ବନ୍ୟା ଜଳରେ ବୁଡ଼ି ଯାଇଛି।
ଗାଁ ଲୋକ ପ୍ରାଣ ବିକଳରେ ଛାତ ଉପରେ ଏବଂ ଗଛ ଉପରେ ଚଢ଼ି ଯାଇଛନ୍ତି। ଭିଡିଓ କରି ସେମାନେ ସେମାନଙ୍କୁ ଉଦ୍ଧାର କରିବାପାଇଁ ଅନୁରୋଧ କରିବାପରେ ପ୍ରଶାସନର ତତ୍ପରତା ପ୍ରକାଶ କରିଛି। ସେନା ଏବଂ ଏନ୍ଡିଆରଏଫ୍ ଦ୍ବାରା ଉକ୍ତ ଗ୍ରାମରୁ ଉଦ୍ଧାର କାର୍ୟ୍ୟ ଜାରି ରହିଛି।