କିଭର ଦ୍ବାର ଦେଶରେ ଋଷ ସେନା, କୌଣସି ସମୟରେ ବି କରିପାରେ ଅକ୍ତିଆର
ଓଡିଆ ନ୍ୟୁଜ୍(ବ୍ୟୁରୋ): କିଭର ଦ୍ବାର ଦେଶରେ ଋଷ ସେନା। ୟୁକ୍ରେନର ରାଜଧାନୀ କିଭର ନିକଟତର ହୋଇଛନ୍ତି ଋଷର ସୈନିକମାନେ। ଏହା ସହିତ ଅନ୍ୟାନ୍ୟ ସହରରେ ସାଧାରଣ ନାଗରିକଙ୍କୁ ମଧ୍ୟ ଟାର୍ଗେଟ କରୁଛନ୍ତି। ୟୁକ୍ରେନରେ ଋଷର ଏୟାର ଷ୍ଟ୍ରାଇକ୍ ତୀବ୍ର ହୋଇଛି । ଦେଶର ପାଶ୍ଚାତ୍ୟରେ ଋଷର ବିମାନ ଏବଂ ଆର୍ଟିଲିରି ୟୁକ୍ରେନ ଏୟାରଷ୍ଟ୍ରିପକୁ ଟାର୍ଗେଟ କରୁଥିବାବେଳେ ପୂର୍ବର ଏକ ପ୍ରମୁଖ ଶିଳ୍ପ କେନ୍ଦ୍ର ଉପରେ ବୋମା ପକାଇଥିଲେ । ୟୁକ୍ରେନ କହିଛି ଯେ, ଋଷ ବନ୍ଦର ମାରିଅପୋଲର ଏକ ମସଜିଦ ଉପରେ ଆକ୍ରମଣ କରିଛି । ଯେଉଁଥିରେ 80 ଜଣ ସାଧାରଣ ନାଗରିକ ରହିଥିଲେ।
ଅନ୍ୟପକ୍ଷରେ, ଋଷ ଦାବି କରିଛି ଯେ, ମସ୍କୋରୁ ପ୍ରତ୍ୟେକ ସହରରୁ ଗୋଟିଏ ସମେତ 10 ଟି କରିଡର ଖୋଲିଛି । ଯାହାକି ସାଧାରଣ ନାଗରିକ ତଥା ବିଦେଶୀ ନାଗରିକଙ୍କୁ କଭ୍, ଚେର୍ନିଭିଭ, ସୁମି, ଖାର୍କିଭ ଏବଂ ମାରିଅପୋଲ ସହରରୁ ବାହାର କରିଦିଆଯାଇଛି। ଏହା ସହିତ ଋଷ ମଧ୍ୟ ଅଭିଯୋଗ କରିଛି ଯେ, ୟୁକ୍ରେନ ବିଭିନ୍ନ ଦେଶରୁ ପ୍ରାୟ 7,000 ଲୋକଙ୍କୁ ବନ୍ଧକ ରଖିଥିବାବେଳେ 70 ଟି ଜାହାଜ ବନ୍ଦରରେ ଅଟକି ରହିଛି।
ପୂର୍ବରେ ଥିବା ଭୋଲନୁଭାଖାକୁ ସମ୍ପୂର୍ଣ୍ଣ ଦଖଲ କରିଛି ଋଷ ସେନା । ୟୁକ୍ରେନ୍ର ଅନେକ ସହରରେ ବୋମା ବର୍ଷା ଜାରି ରହିଛି । ବିସ୍ଫୋରଣରେ ଥରୁଛି ସହର । ୟୁକ୍ରେନର ବିଭିନ୍ନ ସହରରେ ଶୁଭୁଛି ଏୟାର ରେଡ ସାଇରନ । ଏୟାର ଷ୍ଟ୍ରାଇକ୍ରେ ଛାରଖାର ହୋଇଗଲାଣି ଅନେକ ସୁରମ୍ୟ ପ୍ରସାଦ । ନିଆଁ ଲିଭିବା ପୂର୍ବରୁ ପୁଣି ଏୟାର ଷ୍ଟ୍ରାଇକ୍ । ଯୁଦ୍ଧର ଘମାସାନ ମଧ୍ୟରେ ଏପର୍ଯ୍ୟନ୍ତ ୨୫ ଲକ୍ଷ ଲୋକ ୟୁକ୍ରେନ ଛାଡିଲେଣି । ଏଭିତରେ ମାରିୟୁପୋଲରୁ ଜାପୋରିଝଝିଆ ସମେତ କେତେକ ମାନବୀୟ କରିଡର ଖୋଲିଛି । ଏନେଇ ୟୁକ୍ରେନ ଉପ ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ।