କାଠଯୋଠି ନଦୀ ପଠାରୁ ମିଳିଲା ସାଇଲିର ମୃତ୍ୟୁ ଦେହ

ଓଡ଼ିଆ ନ୍ୟୁଜ,(ବ୍ୟୁରୋ):  କାଠଯୋଠି ନଦୀ ପଠାରୁ ମିଳିଲା ସାଇଲିର ମୃତ୍ୟୁ ଦେହ | ଆଜକୁ ତିନି ଦିନ ନିଖୋଜ ଥିବା କଲ୍ୟାଣିନଗର ଉତ୍କଳ ଆପାଟମେଣ୍ଟରେ ରହୁଥିବା ପିତା ସଂଗ୍ରାମ ଜେନା ମାଆ ସସ୍ମିତା ଜେନାଙ୍କ ଦୁଇ ନମ୍ବର ପୁଅ ଥିଲା ସାଇଲି।ସେ ସ୍ଥାନୀୟ ଦରଘାପଟଣ ସଂତସଙ୍ଘ ସ୍କୁଲର ଦଶମ ଶ୍ରେଣୀର ଛାତ୍ର ।ପ୍ରତିଦିନ ଭଳି ସେ ଦିନ ସ୍କୁଲ ଆସି ଆଉ ଘରକୁ ଫେରି ନ ଥିଲା ।ସ୍ଥାନୀୟ ବନ୍ଧୁ ବାନ୍ଧବ ଏବଂ ପିତା ମାତା ସାଙ୍ଗସାଥି ଅନେକ ସ୍ଥାନରେ ଖୋଜାଖୋଜି କରି ଶେଷରେ ନିରାଶ ହୋଇଥିଲେ।

ସାଙ୍ଗରେ ନେଇଥିବା ସ୍କୁଲ ବ୍ୟାଗ ଏବଂ ସାଇକଲ କଟକ ଗୋପାଳ ପୁର କାଠଯୋଡି ବ୍ରିଜ ଉପରେ ଥୁଆ ହୋଇଥିବାର ଦେଖି ନିକଟସ୍ଥ ପୋଲିସ୍ କୁ ଜଣାଇ ଥିଲେ ।ପୋଲିସ୍ ପହଞ୍ଚି ସାଇକଲ ଓ ବ୍ୟାଗକୁ ଜବତ କରି ଅନୁସନ୍ଧାନ ଚଳାଇ ଥିଲା ।ଆଜି ସକାଳ ସାତଟା ସମୟରେ ସ୍ଥାନୀୟ ଅଞ୍ଚଳର ଲୋକେ ଗାଧୋଉ ଥିବା ବେଳେ କାଠଯୋଡି ବ୍ରିଜର ସାତ ନମ୍ବର ପିଲର ତଳେ ଏକ ଅଚିହ୍ନା ମୃତ ଦେହ ଦେଖି ନିକଟସ୍ଥ ପୋଲିସ୍ କୁ ଜଣାଇ ଥିଲେ।

ନିଖୋଜ ଥିବା ସାଇଲି ର ମୃତ ଦେହ ବୋଲି ତାର ଅଭିଭାବକ ଚିହ୍ନଟ କରିଥିଲେ ।ସେଠାରେ ଏକ ଶୋକାକୁଳ ପରିବେଶ ସୃଷ୍ଟି ହୋଇଥିଲା ।ମଧୁପାଟଣା ପୋଲିସ୍ ଶବ ଜବତ କରି କଟକ ଶ୍ରରାମ ଭଞ୍ଜ ମେଡ଼ିକାଲକୁ ପଠାଇ ଥିଲା ।କିଭଳି ଭାବରେ ମୃତ୍ୟୁ ଘଟିଛି ତାର ତଦନ୍ତ ପୋଲିସ୍ କରୁଛି ।ବ୍ୟବଛେଦ ପରେ ମୃତ ଦେହକୁ ପରିବାରକୁ ହସ୍ତାନ୍ତର କରାଯାଇଛି ।