ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ରାଷ୍ଟ୍ରପତି ଶୁଭେଚ୍ଛା ଦେଲେ ପ୍ରଧାନମନ୍ତ୍ରୀ

ଓଡ଼ିଆ ନ୍ୟୁଜ,(ବ୍ୟୁରୋ):  ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ରାଷ୍ଟ୍ରପତି ଶୁଭେଚ୍ଛା ଦେଲେ ପ୍ରଧାନମନ୍ତ୍ରୀଙ୍କୁ । ରବିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଲେଖିଥିବା ଶୁଭେଚ୍ଛା ପତ୍ରରେ ରାଷ୍ଟ୍ରପତି ମୁର୍ମୁ ଲେଖଛନ୍ତି ଯେ, ପ୍ରଭୁ ରାମଙ୍କ ଶାସନ ଜନମଙ୍ଗଳ ଉପରେ ଆଧାରିତ ଥିଲା। ଆଜି ସେହି ନୀତି ଓ ଆଦର୍ଶ ଆମ ଦେଶ ଶାସନରେ ପ୍ରତିଫଳିତ ହେଉଛି।

ତେବେ ସୂଚନା ମୁତାବକ, ବର୍ତ୍ତମାନ ଭଗବାନ ଶ୍ରୀ ରାମଙ୍କ ସମର୍ପଣ କାର୍ଯ୍ୟକ୍ରମକୁ ପାଇଁ କେବଳ କିଛି ଘଣ୍ଟା ରହିଛି ବାକି । ଏହାପୂର୍ବରୁ ରାମ ମନ୍ଦିରରେ ସ୍ୱତନ୍ତ୍ର ରୀତିନୀତି ଚାଲିଛି । ଅନ୍ୟପଟେ ଏହି ସମୟରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପ୍ରଧାନମନ୍ତ୍ରୀ ମୋଦିଙ୍କୁ ଏକ ଚିଠି ଲେଖିଛନ୍ତି । ରାଷ୍ଟ୍ରପତି ଲେଖିଛନ୍ତି, ଅଯୋଧ୍ୟା ଧାମର ନୂତନ ମନ୍ଦିରରେ ଭଗବାନ ଶ୍ରୀ ରାମଙ୍କ ଜନ୍ମସ୍ଥାନରେ ସ୍ଥାପିତ ମୂର୍ତ୍ତିର ପବିତ୍ରତା ପାଇଁ ଆପଣ ଉପଯୁକ୍ତ ତପଶ୍ଚର୍ଯ୍ୟା କରୁଛନ୍ତି । ଏହି ଅବସରରେ, ମୋର ଧ୍ୟାନ ଏକ ଗୁରୁତ୍ୱପୂର୍ଣ୍ଣ ତଥ୍ୟ ଉପରେ ଅଛି ଯେ ସେହି ପବିତ୍ର କମ୍ପେ୍ଲକ୍ସରେ ଆପଣଙ୍କ ଦ୍ୱାରା ସମ୍ପନ୍ନ ହେବାକୁ ଥିବା ଅର୍ଚ୍ଚନା ଆମର ଅନନ୍ୟ ସଭ୍ୟତାର ଏକ ଐତିହାସିକ ପର୍ଯ୍ୟାୟ ସମାପ୍ତ କରିବ ।

ଗୁରୁତ୍ବ ଦେଇ ରାଷ୍ଟ୍ରପତି କହିଛନ୍ତି ଯେ, ପ୍ରଧାନମନ୍ତ୍ରୀ ୧୧ ଦିନ ଧରି ନିଷ୍ଠାର ସହିତ ପାଳନ କରିଥିବା ଅନୁଷ୍ଠାନ ଖାଲି ପବିତ୍ର ବ୍ରତ ନ ଥିଲା, ଥିଲା ପ୍ରଭୁ ଶ୍ରୀରାମଙ୍କ ନିକଟରେ ଆତ୍ମୋତ୍ସର୍ଗ ଓ ସମର୍ପିତ ହେବାର ଗଭୀର ଆଧ୍ୟାତ୍ମିକ କ୍ରିୟା।

ପ୍ରଭୁ ରାମଙ୍କ ଜୀବନ ଓ ଆଦର୍ଶ ଆମ ଦେଶ ଇତିହାସର ଅନେକ ଅଧ୍ୟାୟକୁ ପ୍ରଭାବିତ କରିଛି ଓ ଦେଶ ନିର୍ମାତାଙ୍କୁ ପ୍ରେରଣା ଦେଇଛି ବୋଲି କହି ରାଷ୍ଟ୍ରପତି କହିଛନ୍ତି। ମୃତ୍ୟୁ ପର୍ଯ୍ୟନ୍ତ ମହାତ୍ମା ଗାନ୍ଧୀ ‘ରାମ ନାମ’ରୁ ଶକ୍ତି ପାଉଥିଲେ ବୋଲି ଗାନ୍ଧୀଜୀଙ୍କ ବାଣୀ ଉଦ୍ଧୃତ କରି ରାଷ୍ଟ୍ରପତି ଉକ୍ତ ଚିଠିରେ ଲେଖିଛନ୍ତି।