ପିଲା ଚୋରି ସନ୍ଦେହରେ ଦୁଇ ଅଟକ

ଓଡ଼ିଆ ନ୍ୟୁଜ,(ବ୍ୟୁରୋ): ପଟ୍ଟାମୁଣ୍ଡାଇ ବ୍ଳକ ନିମପୁର ଶାସନ ଗାଁ ରେ ପିଲା ଚୋରି ଅଭିଯୋଗ ରେ ବୁଲା ବେପାରୀ କୁ କାବୁ କଲେ ଗ୍ରାମବାସୀ | କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଳକ ନିମପୁର ଶାସନ ଗାଁ ରେ ପିଲା ଚୋରି ଅଭିଯୋଗ ରେ ବୁଲା ବେପାରୀ କୁ କାବୁ କଲେ ଗ୍ରାମବାସୀ | ଏକ ପ୍ଲାଷ୍ଟିକ ଡବା ରେ ଛୋଟ ଶିଶୁକୁ ପୁରାଇ ନେଉଥିବା ବେଳେ ଗ୍ରାମବାସୀ ଙ୍କ ଦ୍ୱାରା ଅଟକ ଅଛି ବୁଲା ବେପାରୀ |

ପଟ୍ଟାମୁଣ୍ଡାଇ ବ୍ଳକ ରାଜନଗର ରୋଡ଼ ଶାସନ ଛକରେ ଜଣେ ମହିଳା ଓ ଜଣେ ପୁରୁଷ ଏକ ମୋଟରସାଇକେଲ ରେ ଗାଁ କୁ ପ୍ଲାଷ୍ଟିକ ଡବା ବିକ୍ରି କରିବାକୁ ଆସି ନିମପୁର ଶାସନ ଗ୍ରାମର ଅରୁଣ ମଳିକ ଙ୍କ 7 ବର୍ଷ ର ପୁଅ ସାଇଙ୍କୁ ଡବା ରେ ପୁରାଇ ନେଉଥିବାର ଅନ୍ୟ ଏକ ପିଲା ଦେଖି ପାଟିକରିବାରୁ ଗ୍ରାମବାସୀ ମାନେ ଦୁଇଜଣ ଙ୍କୁ ଅଟକାଇ ନିର୍ଧୁମ ପିଟି ପଂଚାୟତ ଗୃହରେ ଅଟକ ରଖିଥିଲେ | ଘଟଣା ସ୍ଥଳରୁ କ୍ଷତାକ୍ତ ଅବସ୍ଥାରେ ସ୍ଥାନୀୟ ଲୋକେ ଶିଶୁଟିକୁ ଉଦ୍ଧାର କରିଥିଲେ |

ଖବର ପାଇ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ପୋଲିସ ପହଂଚି ଦୋଷୀକୁ ପୋଲିସ ଗାଡ଼ିରେ ନେବାବେଳେ ଗ୍ରାମବାସୀ ମାନେ ପୋଲିସ ଗାଡିକୁ ବଡ଼ାବାଡି କରି ଗାଡିକୁ ଯିବାକୁ ବିରୋଧ କରିଥିଲେ ଓ ଅଭିଯୁକ୍ତ କୁ ଆକ୍ରମଣ କରିଥିଲେ | ପୋଲିସ ଅଭିଯୁକ୍ତ ଙ୍କୁ ନିଜ ହେପାଜତ ରେ ରଖି ତଦନ୍ତ ଜାରି ରଖିଛି |