ଆମେରିକା ଗସ୍ତ ପୂର୍ବରୁ କାହିଁକି କଂଗ୍ରେସକୁ ଧନ୍ୟବାଦ୍ ଜଣାଇଲେ ପ୍ରଧାନମନ୍ତ୍ରୀ ମୋଦୀ?

ଓଡ଼ିଆ ନ୍ୟୁଜ୍ (ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚାରି ଦିନିଆ ଆମେରିକା ଗସ୍ତ ପାଇଁ ଯାଇଛନ୍ତି। ସେ ଆମେରିକାର ରାଷ୍ଟ୍ରପତି ଜୋ ବିଡେନ ଏବଂ ତାଙ୍କ ପତ୍ନୀ ଜିଲ ବିଡେନଙ୍କ ନିମନ୍ତ୍ରଣ କ୍ରମେ ଆମେରିକା ଯାଉଛନ୍ତି। ତାଙ୍କର ଆମେରିକୀୟ ଯାତ୍ରା ଆରମ୍ଭ କରିବା ପୂର୍ବରୁ ସେ ଟୁଇଟ୍ କରି ସ୍ୱାଗତ କରିଥିବାରୁ ଆମେରିକା କଂଗ୍ରେସ ସଦସ୍ୟମାନଙ୍କୁ ଧନ୍ୟବାଦ ଜଣାଇଛନ୍ତି।

ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି କହିଛନ୍ତି ଯେ ମୋର ଆଗାମୀ ଆମେରିକା ଗସ୍ତକୁ ନେଇ ସେମାନଙ୍କ ଉତ୍ସାହ ବାଣ୍ଟିଥିବାରୁ ମୁଁ କଂଗ୍ରେସ ସଦସ୍ୟ, ଥିଙ୍କ ଟ୍ୟାଙ୍କ ଏବଂ ଅନ୍ୟମାନଙ୍କୁ ଧନ୍ୟବାଦ ଦେଉଛି ଏବଂ ଏହି ଉତ୍ସାହ ଭାରତ-ଆମେରିକା ସମ୍ପର୍କର ଗଭୀରତାକୁ ପ୍ରତିଫଳିତ କରୁଛି ବୋଲି ସେ କହିଛନ୍ତି।

ପ୍ରଧାନମନ୍ତ୍ରୀ ମୋଦୀ କ’ଣ କହିଛନ୍ତି?
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର (ଜୁନ୍ ୨୦) କହିଛନ୍ତି ଯେ ଆମେରିକାର କଂଗ୍ରେସ ସଦସ୍ୟଙ୍କ ସମେତ ବିଭିନ୍ନ ବର୍ଗର ଲୋକମାନେ ତାଙ୍କର ଆଗାମୀ ଆମେରିକା ଗସ୍ତ ପାଇଁ ଉତ୍ସାହ ଦେଖାଉଛନ୍ତି ଏବଂ ଏହି ସମର୍ଥନ ଭାରତ-ଆମେରିକା ସମ୍ପର୍କର ଗଭୀରତାକୁ ଦର୍ଶାଉଛି। ମୋଦି ଆମେରିକାରେ ଥିବା ଭାରତୀୟ ଦୂତାବାସର ଟ୍ୱିଟର ଆକାଉଣ୍ଟକୁ ଟ୍ୟାଗ୍ କରିଛନ୍ତି, ଯେଉଁଥିରେ ଆମେରିକାର କଂଗ୍ରେସର ସଦସ୍ୟ, ବ୍ୟବସାୟ ନେତା, ଭାରତୀୟ-ଆମେରିକୀୟ ଏବଂ ଅନ୍ୟାନ୍ୟ ଭିଡିଓ ରହିଛି। ଏଥିରେ ସେମାନେ ପ୍ରଧାନମନ୍ତ୍ରୀଙ୍କୁ ତାଙ୍କ ଗସ୍ତରେ ସ୍ୱାଗତ କରିବାକୁ ପ୍ରସ୍ତୁତ ହେଉଛନ୍ତି। ପ୍ରଧାନମନ୍ତ୍ରୀ ମୋଦୀ ଜୁନ୍ ୨୧ ରୁ ଆମେରିକା ଗସ୍ତ ସମୟରେ ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ସହ ଅନେକ ପ୍ରସଙ୍ଗରେ ଆଲୋଚନା କରିବେ ଏବଂ ନ୍ୟୁୟର୍କରେ ଯୋଗ ଦିବସ କାର୍ୟ୍ୟକ୍ରମରେ ଅଂଶଗ୍ରହଣ କରିବେ। ପ୍ରଧାନମନ୍ତ୍ରୀ ଏହା ପୂର୍ବରୁ ୨୦୧୬ ରେ ଆମେରିକା କଂଗ୍ରେସକୁ ସମ୍ବୋଧିତ କରିଥିଲେ।