୨୦୨୩ରେ ଆସିବ ଆର୍ଥିକ ମାନ୍ଦାବସ୍ଥା: ଚିନ୍ତା ପ୍ରକଟ କଲେ ଆଇଏମଏଫ୍ ମୁଖ୍ୟ କ୍ରିଷ୍ଟାଲିନା ଜର୍ଜିଆଭା

ଓଡ଼ିଆ ନ୍ୟୁଜ୍ (ବ୍ୟୁରୋ): ଆନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍ଏଫ୍) ମୁଖ୍ୟ କ୍ରିଷ୍ଟାଲିନା ଜର୍ଜିଆଭା ଭାରତର ଅଭିବୃଦ୍ଧି ହାରକୁ ନେଇ ଭଲ ଆଶା ପ୍ରକାଶ କରିଛନ୍ତି। ଆନ୍ତଃର୍ଜାତିୟ ଗଣମାଧ୍ୟମ ସହିତ ଏକ ସ୍ୱତନ୍ତ୍ର ସାକ୍ଷାତକାରରେ ସେ କହିଛନ୍ତି ଯେ ଭାରତ ସଠିକ୍ ମାର୍ଗରେ ଅଛି କିନ୍ତୁ ୨୦୨୩ ମସିହାରେ ବିଶ୍ୱ ଅର୍ଥନୀତି ଉପରେ ସନ୍ଦେହ ପୁଣି ରହିଛି। ଜର୍ଜିଏଭା ଆନ୍ତଃର୍ଜାତିୟ ଗଣମାଧ୍ୟମ କୁ କହିଛନ୍ତି ଯେ ସୁଧ ହାର ବୃଦ୍ଧି ସତ୍ତେ୍ୱ ୨୦୨୩ ରେ ଆମେ ଆରାମ ପାଇବୁ କି ନାହିଁ ତାହା ପୂର୍ବାନୁମାନ କରିବା ବହୁତ ଶୀଘ୍ର । କରୋନା ମହାମାରୀରୁ ବାହାରିବା ପରେ ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ସାରା ବିଶ୍ୱରେ ମୁଦ୍ରାସ୍ଫୀତି ବୃଦ୍ଧି ପାଇଛି।

ଆମେରିକାର ଫେଡେରାଲ ରିଜର୍ଭ ଚଳିତ ବର୍ଷ କ୍ରମାଗତ ଭାବରେ ସୁଧ ହାର ବୃଦ୍ଧି କରୁଛି ଏବଂ ମୁଦ୍ରାସ୍ଫୀତି ନିୟନ୍ତ୍ରଣ ପାଇଁ ଆସନ୍ତା ବର୍ଷ ଏହି ଧାରା ଜାରି ରହିବ ବୋଲି ଆଶା କରାଯାଉଛି। ବିଶ୍ୱର ସମସ୍ତ କେନ୍ଦ୍ରୀୟ ବ୍ୟାଙ୍କ ସୁଧ ହାର ବୃଦ୍ଧି ନେଇ ଆମେରିକାର ଫେଡେରାଲ ରିଜର୍ଭ ନୀତି ଅନୁସରଣ କରନ୍ତି। ଆଇଏମ୍ଏଫ୍ ମୁଖ୍ୟ କହିଛନ୍ତି ଯେ ୨୦୨୨ ତୁଳନାରେ ଅର୍ଥନୀତି ଦୃଷ୍ଟିରୁ ୨୦୨୩ ଖରାପ ହୋଇପାରେ। କିନ୍ତୁ ଏହା କେତେ ଖରାପ ହେବ ତାହା ଆମେ ଜାଣିନଥିବା କାରକ ଉପରେ ନିର୍ଭର କରେ । ଏହି ଆହ୍ୱାନ ପୂରଣ କରିବା ପାଇଁ ଆମକୁ ଏକାଠି କାମ କରିବାକୁ ପଡିବ ।

ଆଇଏମଏଫ୍ ମୁଖ୍ୟ କ୍ରିଷ୍ଟାଲିନା ଜର୍ଜିଆଭା ବିଶ୍ୱାସ କରନ୍ତି ଯେ କରୋନା ମହାମାରୀ ଏବଂ ରୁଷ-ୟୁକ୍ରେନ ଯୋଗୁଁ ମୁଦ୍ରାସ୍ଫୀତି ଆଶଙ୍କାଠାରୁ ଅଧିକ ବୃଦ୍ଧି ପାଇଛି ଜ୍ଝ ୟୁରୋପ ବିମୁଦ୍ରାକରଣ ଆଡକୁ ଗତି କରୁଛି ଏବଂ କିଛି ଅର୍ଥନୀତିଜ୍ଞ ବିଶ୍ୱାସ କରନ୍ତି ଯେ ଆମେରିକା ମଧ୍ୟ ଏହାର ସାମାନ୍ୟ ରୂପ ଦେଖିପାରେ। ତେବେ ଅର୍ଥନୈତିକ ମନ୍ଥରତା ସହ ଜଡିତ ଚିନ୍ତାଧାରା ଉପରେ ଜର୍ଜିଆ କହିଛନ୍ତି ଯେ ବ୍ୟାପକ ବିମୁଦ୍ରାକରଣ ହେବ କି ନାହିଁ ତାହା କହିବା ଏତେ ଶୀଘ୍ର। କିନ୍ତୁ ଆମେ ଏକ ପରିସ୍ଥିତିର ସାମ୍ନା କରିପାରିବା ଯାହା ବିମୁଦ୍ରାକରଣ ପରି ହେବ ।