ଭୂମିକମ୍ପ ଝଟକାରେ ଥରିଲା ପାକିସ୍ତାନ
ଓଡ଼ିଆ ନ୍ୟୁଜ୍: ପାକିସ୍ତାନ ରେ ପୁଣି ଭୂମିକମ୍ପ ଝଟକା।ପାକିସ୍ତାନ ଭୂମିକମ୍ପ ଯୋଗୁ ଥରି ଉଠିଛି। ଭାରତ ଯେଉଁଠାରେ ବିମାନ ଆକ୍ରମଣ କରି ଆତଙ୍କବାଦୀ ଆଡ୍ଡାଗୁଡ଼ିକୁ ଧ୍ୱଂସ କରିଥିଲା, ତା’ଠାରୁ ମାତ୍ର କିଛି କିଲୋମିଟର ଦୂରରେ ଏହି ଭୂମିକମ୍ପ ହୋଇଥିଲା। ନ୍ୟାସନାଲ ସେଣ୍ଟର ଫର୍ ସିସମୋଲୋଜି ଅନୁଯାୟୀ, ମଙ୍ଗଳବାର ସଂଧ୍ୟା ୭:୨୦ ରେ ଘଟିଥିବା ଏହି ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୪.୨ ମାପ କରାଯାଇଥିଲା। ଏହାର କେନ୍ଦ୍ର ଝାଙ୍ଗ ସଦର ସହରରୁ ୧୯ କିଲୋମିଟର ପୂର୍ବରେ ଅବସ୍ଥିତ ଥିଲା। ଝାଙ୍ଗ ସଦର ପାକିସ୍ତାନର ପଞ୍ଜାବ ପ୍ରଦେଶର ଏକ ବଡ଼ ସହର, ଯାହା ଫୈସଲାବାଦ ଡିଭିଜନର ଚେନାବ ନଦୀ କୂଳରେ ଅବସ୍ଥିତ।