ସ୍କୁଲ୍ ଯିବା ବେଳେ ବାଇକକୁ ଚାପିଦେଲା ଟ୍ରକ୍

ଓଡ଼ିଆ ନ୍ୟୁଜ,(ବ୍ୟୁରୋ): କେନ୍ଦୁଝର ଯୋଡାରେ ହିଟ୍ ଆଣ୍ଡ ରନ୍ । ସ୍କୁଲ ଯିବା ବେଳେ ୩ ଜଣଙ୍କୁ ଚାପି ଦେଇ ପଳାଇଲା ଟ୍ରକ। କେନ୍ଦୁଝର ଯୋଡା ଥାନା DAV ସ୍କୁଲ ନିକଟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ଟ୍ରକ୍ ଧକ୍କାରେ ଡିଏଭି ସ୍କୁଲର ୨ ଛାତ୍ରଙ୍କ ସମେତ ଜଣେ ଅଭିଭାବକଙ୍କ ମୃତ୍ୟୁ ହୋଇଛି |

ସୂଚନା ଅନୁଯାୟୀ, ସକାଳ ପ୍ରାୟ ୭ଟା ବେଳେ ସନ୍ତୋଷ ଶର୍ମା ନିଜ ପୁଅ ଗଣେଶ ଓ ପଡ଼ୋଶୀଙ୍କ ପୁଅ ନିକିତ ଘୋଷାଲଙ୍କୁ ଡିଏଭି ସ୍କୁଲକୁ ନେଇ ଆସୁଥିଲେ। ହେଲେ ଯୋଡ଼ା ଫ୍ଲାଏଓଭର ନିକଟରେ ସେମାନଙ୍କୁ ଟ୍ରକ୍ ଚାପିଦେଇଥିଲା। ଏହାଫଳରେ ତିନିଜଣଙ୍କର ଶୋଚନୀୟ ମୃତ୍ୟୁ ଘଟିଥିଲା। ଏମାନେ ସମସ୍ତେ ଆଜାଦ ବସ୍ତିର ବାସିନ୍ଦା ବୋଲି ଜଣାଯାଇଛି।

ଏଣେ ଦୁଇ ନାବାଳକ ପ୍ରଥମ ଶ୍ରେଣୀର ଛାତ୍ର। ଦୁର୍ଘଟଣା ପରେ ଘଟଣାସ୍ଥଳରେ ପ୍ରବଳ ଉତ୍ତେଜନା ଦେଖିବାକୁ ମିଳିଛି। ସ୍ଥାନୀୟ ଲୋକେ ରାସ୍ତା ଅବରୋଧ କରିଛନ୍ତି। ଫଳରେ ଉଭୟ ପାର୍ଶ୍ୱରେ ଗାଡ଼ିମଟର ଅଟକି ରହିଛି। ପୁଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଛି।