ଆସନ୍ତାକାଲି ଠାରୁ ଦିଆଯିବ ବୁଷ୍ଟର୍ ଡୋଜ୍; ଜାଣନ୍ତୁ କ’ଣ ରହିଛି କୋଭିଶିଲ୍ଡ ଏବଂ କୋଭାକ୍ସିନ୍ ର ମୂଲ୍ୟ

କରୋନା ମହାମାରୀର ଚତୁର୍ଥ ତରଙ୍ଗର ଭୟ ମଧ୍ୟରେ, ୧୦ ଏପ୍ରିଲ ଅର୍ଥାତ୍ ରବିବାର ଠାରୁ, ସମସ୍ତ ବୟସ୍କମାନଙ୍କୁ ଘରୋଇ ଟୀକାକରଣ କେନ୍ଦ୍ରରେ ଆଣ୍ଟି-କରୋନା ଟିକା ପାଇଁ ବୁଷ୍ଟର୍ ଡୋଜ୍ ଦିଆଯିବ। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର କହିବାନୁସାରେ, ୧୮ ବର୍ଷରୁ ଅଧିକ ବୟସର ସମସ୍ତ ଲୋକ, ଯେଉଁମାନେ ସେମାନଙ୍କର ଦ୍ୱିତୀୟ ଡୋଜର ନଅ ମାସ ପୂରଣ ହୋଇଯାଇଛି ସେମାନେ ବୁଷ୍ଟର ଡୋଜ୍ ପାଇଁ ଯୋଗ୍ୟ ହେବେ। ତଥାପି, ଏହି ଶ୍ରେଣୀର ଲୋକଙ୍କୁ ଟୀକାକରଣର ମୂଲ୍ୟ ଦେବାକୁ ପଡ଼ିବ। କୋଭିଶିଲ୍ଡ ଟିକା ୨୨୫ ଟଙ୍କା ଥିବାବେଳେ କୋଭାକ୍ସିନ୍ ୨୨୫ ଟଙ୍କା ଖର୍ଚ୍ଚ ହେବ।

ANI ର ରିପୋର୍ଟ ଅନୁଯାୟୀ, ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ସିଇଓ ଆଦର ପୁନାୱାଲା ଶନିବାର କହିଛନ୍ତି ଯେ ଘରୋଇ ଡାକ୍ତରଖାନାଗୁଡ଼ିକ ପାଇଁ କୋଭିଡଶିଲ୍ଡ ଟିକା ମୂଲ୍ୟ ୬୦୦ ରୁ ୨୨୫ ଟଙ୍କାକୁ ହ୍ରାସ କରିବାକୁ SII ନିଷ୍ପତ୍ତି ନେଇଛି। ସେ କହିଛନ୍ତି- ‘ଆମେ ଘୋଷଣା କରି ଖୁସି ଯେ କେନ୍ଦ୍ର ସରକାରଙ୍କ ସହ ଆଲୋଚନା ପରେ SII ଘରୋଇ ଡାକ୍ତରଖାନା ପାଇଁ COVISHIELD ଭ୍ୟାକ୍ସିନର ମୂଲ୍ୟ ୬୦୦ ରୁ ୨୨୫ ଟଙ୍କାକୁ ହ୍ରାସ କରିବାକୁ ନିଷ୍ପତ୍ତି ନେଇଛି।

ଆଦର ପୁନାୱାଲା ଏହା ମଧ୍ୟ କହିଛନ୍ତି ଯେ ସମସ୍ତ ବୟସ୍କଙ୍କ ପାଇଁ ସତର୍କତା ଡୋଜ ଦେବାନଇ ସରକାରଙ୍କ ନିଷ୍ପତ୍ତିକୁ ଆମେ ପ୍ରଶଂସା କରୁଛୁ। ଏଥିସହିତ ଭରତ ବାୟୋଟେକର ଯୁଗ୍ମ ପରିଚାଳନା ନିର୍ଦ୍ଦେଶକ ସୁଚିତ୍ରା ଏଲା କହିଛନ୍ତି ଯେ ଘରୋଇ ଡାକ୍ତରଖାନା ପାଇଁ କୋଭାକ୍ସିନ୍ର ମୂଲ୍ୟ ୧୨୦୦ ରୁ ୨୨୫ ଟଙ୍କାକୁ ବୃଦ୍ଧି କରିବାକୁ ସେମାନେ ନିଷ୍ପତ୍ତି ନେଇଛନ୍ତି। ସେ ଏହା ମଧ୍ୟ କହିଛନ୍ତି ଯେ ସରକାରଙ୍କ ସହ ପରାମର୍ଶ ପରେ ଘରୋଇ ଡାକ୍ତରଖାନା ପାଇଁ COVAXIN ର ମୂଲ୍ୟ ହ୍ରାସ କରାଯାଇଛି। ଏହା ଜଣା ଯେ ବର୍ତ୍ତମାନ ପର୍ଯ୍ୟନ୍ତ SII ଏବଂ ଭରତ ବାୟୋଟେକ୍ ସରକାରଙ୍କ ଆଣ୍ଟି-କୋଭିଡି-୧୮ ଟିକା ଯୋଗାଣକାରୀ ହୋଇଆସୁଛନ୍ତି।