ରାଜ୍ୟରେ ଆଗାମୀ ଦୁଇ ତିନି ଦିନ ଯାଏଁ ଘନ କୁହୁଡି

ଓଡ଼ିଆ ନ୍ୟୁଜ,(ବ୍ୟୁରୋ): ରାଜ୍ୟରେ ଆଗାମୀ ଦୁଇ ତିନି ଦିନ ଯାଏଁ ଦେଖାଯିବ ଘନ କୁହୁଡି । ଉପକୂଳ ଏବଂ ଆଭ୍ୟନ୍ତରୀଣ ଓଡିଶାର କିଛି ଜିଲ୍ଲାରେ ଘନ କୁହୁଡି ଦେଖାଯିବ । ପାଗରେ ବିଶେଷ ପରିବର୍ତ୍ତନ ହେବନି । ତେବେ ଦୁଇ ଦିନ ପରେ ବାୟୁ ଚଳାଚଳରେ ପରିବର୍ତ୍ତନ ହେତୁ ରାଜ୍ୟର ଅନେକ ସ୍ଥାନରେ ରାତ୍ରି ତାପମାତ୍ରାରେ ୨ ରୁ ୩ଡ଼ିଗ୍ରୀ ପର୍ଯ୍ୟନ୍ତ ହ୍ରାସ ଘଟିବାର ସମ୍ଭାବନା ରହିଛି । ଉତ୍ତର, କେନ୍ଦ୍ର ଓ ଉତ୍ତରପୂର୍ବ ଭାରତର କିଛି ଅଞ୍ଚଳରେ ପ୍ରବଳ ଶୀତ ସହିତ ଘନକୁହୁଡ଼ି ଜାରି ରହିଛି। ଭାରତୀୟ ପାଣିପାଗ ବିଭାଗର ସୂଚନା ଅନୁସାରେ, ଜାନୁୟାରି ୧୫ ପର୍ଯ୍ୟନ୍ତ ଏହିଭଳି  ଘନକୁହୁଡି ଲାଗି ରହିବ।