ଧର୍ଷଣ ଲଜ୍ୟା ସହି ନପାରି ଦିବ୍ୟାଙ୍ଗର ଆତ୍ମହତ୍ୟା; ପୋଲିସ ନୀରବ

ଓଡ଼ିଆ ନ୍ୟୁଜ,(ବ୍ୟୁରୋ): ବାଲେଶ୍ୱର ଜିଲ୍ଲା ସିମୁଳିଆ ଥାନା ଅଞ୍ଚଳର ଦିବ୍ୟାଙ୍ଗ ଯୁବତୀଙ୍କୁ ଜଣେ ଗୋ ମିତ୍ର ଦୁଷ୍କର୍ମ କରିବା ପରେ ମାନସିକ ଭାରସାମ୍ୟ ହରାଇ ତଥା ଲଜ୍ୟା ଯୋଗୁଁ ଯୁବତୀ ଜଣକ ବିଷ ପାନ କରି ଜୀବନ ହାରିଦେବା ଘଟଣାର ନୂଆ ମୋଡ ଦେଖିବାକୁ ମିଳିଛି । ଘଟଣାକୁ ନେଇ ରାଜ୍ୟ ଦିବ୍ୟାଙ୍ଗ ସଂଘ ଥାନାରେ ଅଭିଯୋଗ କରିଥିବା ଦେଖିବାକୁ ମିଳିଛି । ବାଲେଶ୍ବର ଜିଲା ସିମୁଳିଆ ଥାନା ଅଞ୍ଚଳରେ ଜଣେ ୩୯ ବର୍ଷୀୟ ମୁକ ବଧିର ଯୁବତୀଙ୍କ ପରିବାରରେ କେହି ନ ଥିବାର ସୁଯୋଗ ନେଇ ଜୈନିକ ଗୋମିତ୍ର ସଞ୍ଜୟ ସାହୁ ବିବାହର ପ୍ରତିଶ୍ରୁତି ଦେଇ ବଳ ପୂର୍ବକ ଶାରୀରିକ ସମ୍ପର୍କ ସ୍ଥାପନ କରିଥିଲେ ।

ଦିବ୍ୟାଙ୍ଗ ଯୁବତୀ ଲୋକ ଲଜ୍ୟାରେ ୨ତାରିଖ ରାତିରେ ବିଷ ପିଇ ମୃତ୍ୟୁବରଣ କରିଥିଲେ ।ସେହି ଘଟଣାରେ ପରିବାର ପକ୍ଷରୁ ସିମୁଳିଆ ଥାନାରେ ଅଭିଯୋଗ ହୋଇଥିଲା।ପରବର୍ତ୍ତି ସମୟରେ ଯୁବତୀ ଜୀବନ ହାରିଦେବା ଘଟଣାର ଭିନ୍ନ ମୋଡ ଦେଖିବାକୁ ମିଳିଛି । ରାଜ୍ୟ ଦିବ୍ୟାଙ୍ଗ ସଂଘ ସିମୁଳିଆ ଥାନାରେ ଅଭିଯୋଗ କରିଥିବା ଦେଖିବାକୁ ମିଳିଛି । ଦିବ୍ୟାଙ୍ଗ ଯୁବତୀ ଲୋକ ଲଜ୍ୟାରେ ଗତ ୨ତାରିଖ ରାତିରେ ବିଷ ପିଇ ମୃତ୍ୟୁବରଣ କରିଥିଲେ । ଏ ସମ୍ପର୍କରେ ଯୁବତୀଙ୍କ ବାପା ସିମୁଳିଆ ଥାନାରେ ଅଭିଯୋଗ କରିଥିଲେ ହେଁ ପୁଲିସ ପକ୍ଷରୁ କୌଣସି ତଦନ୍ତ କରାଯାଇନଥିବା ଅଭିଯୋଗ ହୋଇଛି। ପରେ ଗତ ୬ ତାରିଖ ଦିନ ଝିଅର ବାପା କୈ।ଣସି ପ୍ରଲୋଭନ ହେଉ କିମ୍ବା ଚାପର ବଶବର୍ତ୍ତି ହୋଇ ଅଭିଯୋଗ ଭିତ୍ତିହୀନ ଦର୍ଶାଇ ଥାନାରୁ ଅଭିଯୋଗ ଉଠାଇ ଆଣିଥିଲେ ।

ଏଭଳି ସମ୍ବେଦନଶୀଳ ଘଟଣାକୁ କାହିଁକି ପୋଲିସ ଏତେଦିନ ପର୍ଯ୍ୟନ୍ତ କାର୍ଯ୍ୟାନୁଷ୍ଠାନ କରିନଥିଲା ଦିବ୍ୟlଙ୍ଗ ସଂଘ ପ୍ରଶ୍ନ ଉଠାଇଛି l ଅଲ ଓଡ଼ିଶା ରାଜ୍ୟ ଦିବ୍ୟାଙ୍ଗ ଜନ କଲ୍ୟାଣ ସଂଘର ରାଜ୍ୟ ସଭାପତି ନାରାୟଣ ରାଉତ ଓ ସାଧାରଣ ସମ୍ପାଦିକା ଝୁନୁଲତା ଦାସ ପୀଡିତାଙ୍କ ପରିବାରକୁ ଭେଟିଛନ୍ତି । ଦିବ୍ୟlଙ୍ଗ ବାପାକୁ ଧମକ ଦେଇ ଅଭିଯୋଗ ଉଠାଇବା ପାଇଁ ବାଧ୍ୟ କରାଯାଇଥିବା ଅଭିଯୋଗ ପରେ ଦ୍ୱିତୀୟ ବାର ସିମୁଳିଆ ଥାନାରେ ଅଭିଯୋଗ ହୋଇଛି। ଅଭିଯୁକ୍ତକୁ ତୁରନ୍ତ ଗିରଫ କରି ତା ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ଦିବ୍ୟlଙ୍ଗ ସଂଘ ଦାବି କରିଛି। ନଚେତ ୭ଦିନ ଭିତରେ ଥାନା ସମ୍ମୁଖରେ ତୀବ୍ର ଆନ୍ଦୋଳନ କରିବାକୁ ସଂଘ ଚେତାବନୀ ଦେଇଛି।