ଭର୍ତ୍ତା ଟଙ୍କା ବଣ୍ଟକୁ କେନ୍ଦ୍ର କରି ଉତ୍ତେଜନା ପିଇଓଙ୍କ ଅନୁପସ୍ଥିତିରେ ପିଅନ ବାଣ୍ଟିଲେ ଟଙ୍କା

ଓଡ଼ିଆ ନ୍ୟୁଜ,(ବ୍ୟୁରୋ):  ବାଲେଶ୍ଵର ଜିଲ୍ଲା ବସ୍ତା ବ୍ଲକ ମଥାନୀ ପଞ୍ଚାୟତରେ ପଞ୍ଚାୟତିରାଜ ବ୍ୟବସ୍ଥା ରେ ସରକାର ରାଜ୍ୟ ରେ ଥିବା ବୃଦ୍ଧବୃଦ୍ଧା ବିଧବା ମାନଙ୍କୁ ପ୍ରତିମାସ ନିର୍ଦିଷ୍ଟ ତାରିଖରେ ଭର୍ତ୍ତା ବଣ୍ଟନ କରିଥାନ୍ତି। ଚଳିତ ମାସ ୨୦ ତାରିଖ ରେ ସମସ୍ତ ସ୍ଥାନରେ ଭର୍ତ୍ତା ବଣ୍ଟନ କରାଯାଇଥିଲେ ମଧ୍ୟ ବସ୍ତା ବ୍ଲକ୍ ମଥାନୀ ପଞ୍ଚାୟତ ରେ ତାର ବ୍ୟତିକ୍ରମ ଦେଖିବାକୁ ମିଳିଛି। ପଞ୍ଚାୟତ ପିଇଓ ଦାୟିତ୍ୱରେ ଥିବା ହରିଶଙ୍କର ଧଳ ୨୦ ତାରିଖ ରେ ଭର୍ତ୍ତା ଟଙ୍କା ବଣ୍ଟନ କରାଯିବ ବୋଲି ପ୍ରଚାର କରିଥିଲେ । ସକାଳ ଠାରୁ ପଞ୍ଚାୟତର ବୃଦ୍ଧ ବୃଦ୍ଧା ମାନେ ପଞ୍ଚାୟତ ଅଫିସ୍ ରେ ଅପେକ୍ଷା କରିଥିଲେ ମଧ୍ୟ ପିଇଓ ମହୋଦୟ ନିଜର ବ୍ୟକ୍ତିଗତ କାର୍ଯ୍ୟ ଥିବାରୁ ଆସିନଥିଲେ।

ବୃଦ୍ଧ ବୃଦ୍ଧା ମାନେ ଉଦୁ ଉଦିଆ ଖରାରେ ନିରାଶ ହୋଇ ଫେରିଥିଲେ। ତେବେ ୨୧ ତାରିଖ ଦିନ ସକାଳ ଠାରୁ ଶ୍ରୀ ଧଳ ପଞ୍ଚାୟତ ରେ ଭର୍ତ୍ତା ବଣ୍ଟନ କରିଥିବା ବେଳେ ଦିନ ଗୋଟାଏ ସମୟରେ ନିଜର ଜରୁରୀ କାର୍ଯ୍ୟ ପାଇଁ ଭର୍ତ୍ତା ଦେବା ଅଧାରୁ ବନ୍ଦ କରି ପଳାଇ ଯାଇଥିଲେ। ପୁଣି ୨୨ ତାରିଖ ରେ ଲୋକେ ପଞ୍ଚାୟତ ସମ୍ମୁଖରେ ରୁଣ୍ଡ ହୋଇ ଥିଲେ ମଧ୍ୟ ବିଲରେ ସାର ପକାଯାଉଛି ମୁଁ ଯାଇ ପାରିବି ନାହିଁ ବୋଲି ଫୋନରେ କହିଥିଲେ । ପୁଣି ୨୩ତାରିଖ ଶନିବାର ପିଇଓ ଶ୍ରୀ ଧଳ ଅନ୍ୟତ୍ର ପଞ୍ଚାୟତ ରେ ମିଟିଂ ଅଛି କହି ପଞ୍ଚାୟତ ର ପିଅନକୁ ଏକ ଲକ୍ଷ ସତୁରୀ ହଜାର ଟଙ୍କା ଦେଇ ପଳାଇ ଯାଇଥିବା ବେଳେ ପିଅନ ଜଗବନ୍ଧୁ ବର୍ ଭର୍ତ୍ତା ବଣ୍ଟନ କାର୍ଯ୍ୟ ଆରମ୍ଭ କରିଥିଲେ। ତେବେ ପିଅନ ଜଣକ ଭର୍ତ୍ତା ଖାତାରେ ଥିବା ନାମକୁ ପଢିପାରୁ ନଥିବା ରୁ ଠିକ ଭାବେ ବଣ୍ଟନ କାର୍ଯ୍ୟ ହୋଇପାରି ନଥିଲା ବୋଲି ସରପଞ୍ଚମମତାରିଣୀ ସିଟଙ୍କ ସ୍ବାମୀ ଅଭିଯୋଗ କରି ଭତ୍ତାଦେବା ବନ୍ଦ କରିଦେଇଥିଲେ ।ତେବେ ପ୍ରଶ୍ନ ଉଠୁଛି ପଞ୍ଚାୟତର ସରପଞ୍ଚ ଉପରେ ପିଓ ବାବୁଙ୍କର ଭରସା ନଥିବାବେଳେ କାହା ନିର୍ଦ୍ଦେଶରେ ପିଅନଙ୍କୁ ଭର୍ତ୍ତା ବଣ୍ଟନ ପାଇ ନିର୍ଦ୍ଦେଶ ଦେଇଛନ୍ତି ଏନେଇ ମଥାନୀ ପଞ୍ଚାୟତ ବାସୀଙ୍କ ମଧ୍ଯରେ ପ୍ରଶ୍ନବାଚି ସୃଷ୍ଟି ହୋଇଛି । ତେବେଦୀର୍ଘ ସମୟ ଅପେକ୍ଷା କରିବା ପରେ ଲୋକ ମାନଙ୍କ ମଧ୍ୟରେ ଉତେଜନା ସୃଷ୍ଟି ହୋଇଥିଲା।

ଅପରାହ୍ନରେ ଫୋନ ଯୋଗେ ବସ୍ତା ବିଡ଼ିଓ ମୋହିନୀ ନାୟକ ଙ୍କୁ ଯୋଗାଯୋଗ କରିବାରୁ ଆସନ୍ତା କାଲି ଦିନ ନଅଟା ସମୟରେ ଭର୍ତ୍ତା ବଣ୍ଟନ କରାଯିବ ବୋଲି ପ୍ରତିଶ୍ରୁତି ଦେବା ପରେ ବୃଦ୍ଧ ବୃଦ୍ଧା ମାନେ ଫେରିଥିଲେ। ପ୍ରକାଶ ଥାଉକି ମଥାନୀ ପଞ୍ଚାୟତର ପୋଡାପୋଡା ଗ୍ରାମର ପ୍ରଫୁଲ୍ଳ ସାହୁ ଙ୍କକିଛି ଗତ ୨୦୨୩ ଅଗଷ୍ଟ ମାସରୁ ଭର୍ତ୍ତା ହୋଇଥିଲେ ମଧ୍ୟ ଏପର୍ଯ୍ୟନ୍ତ ଭର୍ତ୍ତା କାର୍ଡ କିମ୍ବା ଟଙ୍କା ପାଇପାରୁ ନାହାନ୍ତି। ସେମାନଙ୍କ ର ଭର୍ତ୍ତା ଟଙ୍କାକୁ ସରକାରୀ ଅଧିକାରୀମାନେ ଚଞ୍ଚକତା କରି ଟିପ ଦେଇ ଟଙ୍କା ଉଠାଇ ନେଇଥିବା ଅଭିଯୋଗ ହୋଇଛି। ଏଥିସହିତ ପିଇଓ ଶ୍ରୀ ଧଳ ନୂତନ ଭାବରେ ହୋଇଥିବା ସତୁରି ରୁ ଉର୍ଦ୍ଧ୍ବ କାର୍ଡ ନିଜ ପାଖରେ ରଖିଥିବା ବେଳେ ଲୋକ ମାନଙ୍କୁ ଭର୍ତ୍ତା ହୋଇନଥିବା କହିଆସୁଛନ୍ତି | ଯାହାକୁ ନେଇ ସନ୍ଦେହ ଘେରରେ ରହିଛି ବ୍ଲକ ପ୍ରଶାସନ। ତେବେ ପିଇଓ ଙ୍କ ର ମନମୁଖୀ କାର୍ଯ୍ୟ ସହିତ ବ୍ଲକ ପ୍ରଶାସନ ର ଦାୟିତ୍ବହୀନତା କୁ ନେଇ ଚର୍ଚ୍ଚା ଜୋର ଧରିଛି।ତେବେ ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ମଥାମୀ ପଞ୍ଚାୟତର ନାଏବ ସରପଞ୍ଚ ନଟବର ସିଂହ, ଅର୍ଜୁନକୁମାର ସିଂହ, ମଧୁସୁଦନ ଦାସ,  ଅଶ୍ଚୁତାନନ୍ଦ ଦ ସମେତ ପଞ୍ଚାୟତ ବାସୀ ଦାବିକରିଛନ୍ତି ।