ଆଜିଠୁ ରିମାଣ୍ଡରେ ଯିବ ମଜନୁ ସତ୍ୟଜିତ

ଓଡ଼ିଆ ନ୍ୟୁଜ,(ବ୍ୟୁରୋ): ୫ ମହିଳାଙ୍କ ସ୍ଵାମୀ ସତ୍ୟଜିତ୍ ସାମଲଙ୍କର ଫିଟୁଛି ଗୋଟିଏ ପରେ ଗୋଟିଏ ଗୁମର। ଏହି ସଂଖ୍ୟା ୫ରେ ସୀମିତ ନା ଅଧିକ ତାକୁ ନେଇ ଖୋଳତାଡ କରିବାକୁ ରିମାଣ୍ଡରେ ନେବ କମିଶନରେଟ୍ ପୁଲିସ୍ ।  ୧୦ ଦିନିଆ ରିମାଣ୍ଡ ପାଇଁ ଆବେଦନ କରିଥିଲା କ୍ୟାପିଟାଲ୍ ଥାନା ପୁଲିସ୍। ତେବେ ଦୁଇ ଦିନିଆ ରିମାଣ୍ଡ ପାଇଁ ଅନୁମତି ମିଳିବା ପରେ ଆଜିଠୁ  ସତ୍ୟଜିତକୁ  ରିମାଣ୍ଡରେ ନିଆଯିବ।।

ମଜୁନ ସତ୍ୟଜିତ ୫ ମହିଳାଙ୍କୁ ବିବାହ କରିବା ସହ ୪୯ ମହିଳାଙ୍କ ସହ ସମ୍ପର୍କରେ ଥିଲା। ମହିଳାଙ୍କୁ ବାହା ହେବା ସହ ବିଭିନ୍ନ ଉପାୟରେ ତାଙ୍କ ଠାରୁ ଲକ୍ଷାଧିକ ଟଙ୍କା ଆଦାୟ କରୁଥିଲା। ସବୁ ଟଙ୍କା ଆତ୍ମସାତ କରି ଧରାପଡ଼ିବା ପୂର୍ବରୁ ବିଦେଶ ପଳାଉଥିଲା ସତ୍ୟଜିତ। ବିଶେଷ କରି ସେ ଦୁବାଇକୁ ପଳାଉଥିବା ଜଣାପଡିଛି । ତେବେ ଦୁଇ ଦିନିଆ ରିମାଣ୍ଡ ପାଇଁ ଅନୁମତି ମିଳିବା ପରେ ଆଜିଠୁ ତାଙ୍କୁ ରିମାଣ୍ଡ ରେ ନିଆଯିବ।

୫ ମହିଳାଙ୍କୁ ବିବାହ କରିବା ସହ ୪୯ ମହିଳାଙ୍କ ସହ ସମ୍ପର୍କରେ ଥିଲେ ସତ୍ୟଜିତ୍। ଭୁବନେଶ୍ଵର ଚନ୍ଦ୍ରଶେଖରପୁରରେ ରହୁଥିବା ସତ୍ୟଜିତ୍ ସାମଲଙ୍କ ବିରୋଧରେ ଏକାଧିକ ମହିଳାଙ୍କ ଏତଲା ଆଧାରରେ କମିଶନରେଟ୍ ପୁଲିସ୍ ଗିରଫ କରିଥିଲା। ସଂପୃକ୍ତ ୨ ମହିଳା  ଥାନାରେ ଅଭିଯୋଗ କରିବା ପରେ କମିଶନରେଟ୍ ପୁଲିସ ଖୋଳତାଡ଼ କରିଥିଲା। ଅଗଷ୍ଟ ୩ ତାରିଖ ଦିନ ସତ୍ୟଜିତକୁ ପୁଲିସ ଗିରଫ କରିଥିଲା।