ହିନ୍ଦୁ ଧର୍ମରେ ବିଜେପି ଆଧ୍ୟାତ୍ମିକତାକୁ ନଷ୍ଟ କରିଦେଇଛି : ମମତା ବାନାର୍ଜୀ
ଓଡିଆ ନ୍ୟୁଜ (ବ୍ୟୁରୋ): ପାଖେଇ ଆସୁଛି କର୍ଣ୍ଣାଟକ ବିଧାନସଭା ନିର୍ବାଚନ । ଏଥିପାଇଁ ବିଜେପି ଏବଂ କଂଗ୍ରେସ ସମେତ ଅନେକ ଦଳ ଜୋରଦାର ପ୍ରଚାର କରୁଛନ୍ତି । ଏହି ସମୟରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ପୁଣି ଥରେ ବିଜେପିକୁ ଟାର୍ଗେଟ କରିଛନ୍ତି । ତୃଣମୂଳ କଂଗ୍ରେସ (ଟିଏମସି) ସଭାପତି ମମତା ବାନାର୍ଜୀ କହିଛନ୍ତି ଯେ ଯଦି କର୍ଣ୍ଣାଟକ ବିଧାନସଭା ନିର୍ବାଚନ ବିଜେପିର ପତନ ଆରମ୍ଭ ହୁଏ ତେବେ ମୁଁ ଖୁସି ହେବି । ବାନାର୍ଜୀ କହିଛନ୍ତି ଯେ ବିଜେପି ଯେତେ ଶୀଘ୍ର କ୍ଷମତାରୁ ଦୂରେଇ ଯିବ, ଦେଶ ପାଇଁ ସେତେ ଭଲ ହେବ । କର୍ଣ୍ଣାଟକ ବିଧାନସଭା ନିର୍ବାଚନରେ ଲୋକମାନେ ବିଜେପିକୁ ଭୋଟ୍ ଦେବା ଉଚିତ୍ ନୁହେଁ ବୋଲି ମଧ୍ୟ କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ ହିନ୍ଦୁ ଧର୍ମରେ ବିଜେପି ଆଧ୍ୟାତ୍ମିକତାକୁ ନଷ୍ଟ କରିଦେଇଛି । ଏହା ସହିତ ଦିଲ୍ଲୀ ପୋଲିସ ଏବଂ ଜନ୍ତର ମନ୍ତ୍ରରେ ବିରୋଧ କରୁଥିବା କୁସ୍ତିଯୋଦ୍ଧାଙ୍କ ମଧ୍ୟରେ ବିବାଦକୁ ନେଇ କେନ୍ଦ୍ରକୁ ଟାର୍ଗେଟ କରୁଥିବାବେଳେ ବାନାର୍ଜୀ ପ୍ରଶ୍ନ କରିଛନ୍ତି “ବିରୋଧୀ କୁସ୍ତିଯୋଦ୍ଧାମାନଙ୍କୁ ଗତକାଲି ରାତିରେ ନୂଆଦିଲ୍ଲୀରେ ପୋଲିସ ଆକ୍ରମଣ କରିଥିଲା । ସେଠାରେ କେତେ କେନ୍ଦ୍ରୀୟ ଦଳ ପଠାଯାଇଛି? ବିଜେପି ଏହାର ଆଭିମୁଖ୍ୟ ସ୍ପଷ୍ଟ କରିବା ଉଚିତ୍ ।