ପଶ୍ଚିମବଙ୍ଗର ୧୫ଟି ବୁଥରେ ରି-ପୋଲିଂ
ଓଡ଼ିଆ ନ୍ୟୁଜ୍: ଆଜି ପଶ୍ଚିମବଙ୍ଗର ୧୫ଟି ବୁଥରେ ରିପୋଲିଂ।ଦକ୍ଷିଣ ୨୪ ପ୍ରଗଣା ଓ ଡାଇମଣ୍ଡ ହାର୍ବରର ୧୫ଟି ବୁଥ୍ରେ ସାନି ଭୋଟ୍। ସକାଳ ୭ଟାରୁ ସଂଧ୍ୟା ୬ଟା ପର୍ଯ୍ୟନ୍ତ ଚାଲିବ ମତଦାନ।ଏହି ବୁଥଗୁଡ଼ିକରେ ମତଦାନ ଅନିୟମିତତାର ଅଭିଯୋଗ ଆସିଥିଲା। ସ୍ୱତନ୍ତ୍ର ନିର୍ବାଚନ ପର୍ଯ୍ୟବେକ୍ଷକଙ୍କ ସୁପାରିଶ ପରେ ନିର୍ବାଚନ କମିଶନ ଏହି ନିର୍ଦ୍ଦେଶ ଦେଇଛନ୍ତି। ତଥାପି, ଫାଲ୍ଟାରେ ଇଭିଏମ ଡକ୍ଟ ଟେପ୍ ଲଗାଯାଇଥିବା ଅଭିଯୋଗ ସମ୍ପର୍କରେ କମିଶନ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନେଇନାହାଁନ୍ତି।
କମିଶନର ଜଣେ ଅଧିକାରୀ କହିଛନ୍ତି ଯେ ଫାଲ୍ଟା ନିର୍ବାଚନମଣ୍ଡଳୀରେ ପୁନଃ ମତଦାନ ସମ୍ପର୍କରେ ନିଷ୍ପତ୍ତି ଶନିବାର ନିଆଯିବ, କାରଣ ନିର୍ବାଚନମଣ୍ଡଳୀରୁ ରିପୋର୍ଟ ଅପେକ୍ଷା କରାଯାଇଛି। ନିର୍ବାଚନ କମିଶନଙ୍କ ଅନୁଯାୟୀ, ଡାଇମଣ୍ଡ ହାର୍ବରର ଚାରୋଟି ବୁଥରେ ଶନିବାର ପୁନଃମତଦାନ ହେବ। ମଗ୍ରାହାଟ ପଶ୍ଚିମରେ ୧୧ ବୁଥରେ ଭୋଟ୍ ହେବ।
ନିର୍ବାଚନ କମିଶନଙ୍କ ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ନିର୍ବାଚନ କମିଶନ ଦକ୍ଷିଣ ୨୪ ପରଗନାର ମଗ୍ରାହାଟ ପଶ୍ଚିମ ବିଧାନସଭା ନିର୍ବାଚନ ମଣ୍ଡଳୀର ୧୧ଟି ମତଦାନ କେନ୍ଦ୍ର ଏବଂ ଡାଇମଣ୍ଡ ହାର୍ବର ବିଧାନସଭା ନିର୍ବାଚନ ମଣ୍ଡଳୀର ୪ଟି ମତଦାନ କେନ୍ଦ୍ରରେ ପୁନଃ ମତଦାନ ପାଇଁ ନିର୍ଦ୍ଦେଶ ଦେଇଛନ୍ତି।