ସରସ୍ଵତୀଙ୍କୁ କେଉଁ ଦିଗରେ ପୂଜା କରାଯାଏ ?
ଓଡ଼ିଆ ନ୍ୟୁଜ,(ବ୍ୟୁରୋ): ସରସ୍ୱତୀଙ୍କୁ ଜ୍ଞାନର ଦେବୀ ବୋଲି ପରିଗଣିତ କରାଯାଏ । ସେ ଜ୍ଞାନ, ବୁଦ୍ଧି, ବିବେକ, ବିଦ୍ୟାର ଉତ୍ସ ବା ପ୍ରକାଶରୂପ । ପାରମ୍ପରିକ ରୂପରେ ସରସ୍ୱତୀ ଶୁକ୍ଳ ବସ୍ତ୍ର ପରିଧାନ କରି କର୍ଣ୍ଣରେ ରତ୍ନବିଭୂଷିତ କୁଣ୍ଡଳ ଧାରଣ କରି ଗଳାରେ ଗଜମୋତି ଏବଂ ମୁକ୍ତାହାର ପିନ୍ଧିଛନ୍ତି ଓ ହସ୍ତରେ ବୀଣା ଓ ପୁସ୍ତକ ଧାରଣ କରି ପଦ୍ମାସନରେ ଶ୍ୱେତପଦ୍ମ ଉପରେ ଅଧିଷ୍ଠାତ୍ରୀ ହୁଅନ୍ତି । ଓଡ଼ିଆ ଭାଷାରେ ତାଙ୍କୁ ବାଣୀ ବୋଲି ମଧ୍ୟ କୁହାଯାଏ । ତାଙ୍କୁ ବୀଣା ପୁସ୍ତକ ଧାରିଣୀ, ବାଗ୍ଦେବୀ, ବରଦା ନାମରେ ମଧ୍ୟ ଡକାଯାଏ ।
କେବଳ ହିନ୍ଦୁ ଧର୍ମରେ ନୁହେଁ ହିନ୍ଦୁ ଧର୍ମ ବ୍ୟତୀତ ବୌଦ୍ଧ, ଜୈନ ଧର୍ମରେ ମଧ୍ୟ ଦେବୀ ସରସ୍ୱତୀଙ୍କର ଆରାଧନା ରହିଛି । ଭାରତ ବାହାରେ ତିବ୍ବତ, ଚୀନ ଏବଂ ଜାପାନରେ ଦେବୀ ସରସ୍ୱତୀଙ୍କୁ ପୂଜା କରିଥାନ୍ତି । ଶିକ୍ଷା ଏବଂ କଳା ସହିତ ଜଡିତ ଲୋକଙ୍କ ପାଇଁ ଏହି ଦିନଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ । ବିଶ୍ୱାସ କରାଯାଏ ଯେ ବସନ୍ତ ପଞ୍ଚମୀର ରୀତିନୀତି ଅନୁଯାୟୀ ଦେବୀ ସରସ୍ୱତୀଙ୍କୁ ପୂଜା କରି ଜଣେ ବ୍ୟକ୍ତି ସଙ୍ଗୀତ, କଳା ଏବଂ ଶିକ୍ଷା କ୍ଷେତ୍ରରେ ସଫଳତା ହାସଲ କରନ୍ତି । ଆହୁରି ମଧ୍ୟ, ମାତା ସାରଦାଙ୍କ ଆଶୀର୍ବାଦ ସବୁବେଳେ ତାଙ୍କ ଭକ୍ତମାନଙ୍କ ଉପରେ ରହିଥାଏ । ବାସ୍ତୁ ଶାସ୍ତ୍ରରେ ମାତା ସରସ୍ୱତୀଙ୍କ ମୂର୍ତ୍ତି ବିଷୟରେ କିଛି ବିଶେଷ ନିୟମ ଦିଆଯାଇଛି ।
ଶିକ୍ଷା ସମ୍ବନ୍ଧୀୟ କାର୍ଯ୍ୟରେ ସଫଳତା ପାଇବାକୁ, ବସନ୍ତ ପଞ୍ଚମୀ ଦିନ ଘରର ପୂର୍ବ କିମ୍ବା ଉତ୍ତର ଦିଗରେ ମାତା ସରସ୍ୱତୀଙ୍କ ଚିତ୍ର କିମ୍ବା ପ୍ରତିମା ରଖନ୍ତୁ । ଏହା କରିବା ଦ୍ୱାରା ଆପଣଙ୍କର ସମସ୍ତ କାର୍ଯ୍ୟରେ କୌଣସି ବାଧା ବିନା ସମାପ୍ତ ହେବ । ଯଦି ପୂର୍ବ କିମ୍ବା ଉତ୍ତର ଦିଗରେ କୌଣସି ଖାଲି ସ୍ଥାନ ନଥାଏ, ତେବେ ଦେବୀ ସରସ୍ୱତୀଙ୍କ ଆଶୀର୍ବାଦ ପାଇବାକୁ ହେଲେ ବସନ୍ତ ପଞ୍ଚମୀ ଦିନ ଆପଣ ଘରର ଉତ୍ତର-ପୂର୍ବ କୋଣକୁ ସଫା କରି ଦେବୀ ସରସ୍ୱତୀଙ୍କ ମୂର୍ତ୍ତି ସ୍ଥାପନ କରି ଏହାକୁ ପୂଜା କରିପାରିବେ ଘରେ ।