ଟେନସନ ଦେଉଛିକି ପିରିଅଡ୍ସ ଯନ୍ତ୍ରଣା, କରିବେ କ’ଣ ?

0

ଓଡ଼ିଆ ନ୍ୟୁଜ (ବ୍ୟୁ୍ରୋ) :  ମାସିକଧର୍ମ ମହିଳାଙ୍କ ଜୀବନରେ ଏକ ଗୁରୁତ୍ୱପୂର୍ଣ୍ଣ ଅଂଶ । ପିରିୟଡ୍ସ ସମୟର ୫ ଦିନ ପ୍ରତ୍ୟେକ ମହିଳାଙ୍କ ପାଇଁ କଷ୍ଟକର ସମୟ ହୋଇଥାଏ। ମାସିକ ଧର୍ମ ବେଳେ ଶରୀରରୁ ବର୍ଜ୍ୟବସ୍ତୁ ନିଷ୍କାସିତ ହୋଇଥାଏ, ଫଳରେ ଗର୍ଭଧାରଣ ବେଳେ ମହିଳାଙ୍କୁ କୌଣସି ସମସ୍ୟାର ସମ୍ମୁଖୀନ ହେବାକୁ ପଡିନଥାଏ। ଏଥିସହ ଶରୀର ମଧ୍ୟ ସୁସ୍ଥ ରହେ। ତେବେ ଏହି ସମୟରେ ଜଣେ ମହିଳା ଯନ୍ତ୍ରଣା, ଥକାପଣ, ପେଟ କଷ୍ଟ ଭଳି ସମସ୍ୟା ଅନୁଭବ କରନ୍ତି । ଏହି ଯନ୍ତ୍ରଣା ଅତ୍ୟନ୍ତ କଷ୍ଟଦାୟକ ହୋଇଥାଏ । ତେଣୁ, ଯଦି ଆପଣ ଋତୁସ୍ରାବର କଷ୍ଟକୁ ହ୍ରାସ କରିବାକୁ ଚାହାଁନ୍ତି, ତେବେ ଏଥିପାଇଁ ଆପଣଙ୍କୁ ଏକ ଉତ୍ତମ ଜୀବନଶୈଳୀ ଏବଂ ଏକ ଭଲ ଡାଏଟ୍ ଅନୁସରଣ କରିବାକୁ ପଡିବ ।

ଯଦି ଆପଣ ଭଲ ଏବଂ ପୁଷ୍ଟିକର ଖାଦ୍ୟ ଖାଉଛନ୍ତି, ତେବେ ଆପଣ ପିରିୟଡସ୍ ସମୟର ଯନ୍ତ୍ରଣାରେ ଆରାମ ପାଇ ପାରିବେ । ତେଣୁ ଏପରି କିଛି ଖାଦ୍ୟ ରହିଛି ଯାହାକି ଆପଣ ନିଜ ଖାଦ୍ୟରେ ସାମିଲ କରିପାରିବେ । ଏହି ଖାଦ୍ୟଗୁଡ଼ିକ ମାସିକ ଋତୁସ୍ରାବର କଷ୍ଟକୁ ହ୍ରାସ କରିବାରେ ସାହାଯ୍ୟ କରିବ ।

ତେବେ ଆପଣ ତ ଜାଣିଛନ୍ତି ଋତୁସ୍ରାବ ବେଳେ ମହିଳାଙ୍କର ଅଣ୍ଟା ବିନ୍ଧିବା, ଗୋଡ଼ ହାତ ପୀଡ଼ା ହେବା, ପେଟ କାଟିବା ଭଳି ସମସ୍ୟା ଦେଖାଯାଏ। ତେବେ ଆଜି ଆମେ ଆପଣଙ୍କୁ ଏକ ଏଭଳି ଡ୍ରିଙ୍କ ବିଷୟରେ କହିବୁ ଯାହା ମାସିକ ଧର୍ମ ବେଳେ ଦେଖାଯାଉଥିବା ସବୁ ସମସ୍ୟାକୁ ଚୁଟକିରେ ସମାଧାନ କରିବ। ଆସନ୍ତୁ ଆଉ ଡେରି ନକରି ଜାଣିବା ତାହା ବିଷୟରେ । ପରିୟଡସ୍ ସମୟରେ ଯନ୍ତ୍ରଣା କମାଇବା ପାଇଁ ଆପଣ ମୌସମୀ ଫଳ ଖାଇପାରିବେ । ଏହି ଫଳଗୁଡ଼ିକ ଯନ୍ତ୍ରଣା ହ୍ରାସ କରିବାରେ ବହୁତ ସହାୟକ ହୋଇଥାଏ । ଆପଣ ଏହାକୁ ସକାଳେ ଜଳଖିଆ ଭାବରେ ଖାଇପାରିବେ । ଏହା ବ୍ୟତୀତ ଶରୀରକୁ ହାଇଡ୍ରେଟ୍ ରଖିବା ପାଇଁ ଆପଣ ତରଭୁଜ ଏବଂ କାକୁଡି ପରି ଫଳ ମଧ୍ୟ ଖାଇପାରିବେ ।

ଚିନି, କ୍ଷୀର କିମ୍ବା ଗ୍ଲୁଟେନ୍ ଖାଇବା ଦ୍ୱାରା ପିରିୟଡସ୍ ଯନ୍ତ୍ରଣା ହୋଇପାରେ । ଏହି ଜିନିଷଗୁଡ଼ିକରେ ଇନଫ୍ଲେମେଟରୀ ଗୁଣ ମିଳିଥାଏ ଯାହା ଶରୀରର ଉତ୍ତାପକୁ ବଢାଇଥାଏ । ଏପରି ପରିସ୍ଥିତିରେ, ଆପଣ ଶରୀରକୁ ଥଣ୍ଡା କରିବା ପାଇଁ ଦହି ଖାଇପାରିବେ । ଏହା ପ୍ରୋବାୟୋଟିକ୍ସରେ ଭରପୁର ଖାଦ୍ୟ ଯାହାକି ଆପଣଙ୍କ ସ୍ୱାସ୍ଥ୍ୟକୁ ଭଲ ଅବସ୍ଥାରେ ରଖେ ଏବଂ ପିରିୟଡସ୍ ସମୟର କଷ୍ଟକୁ କମାଇଥାଏ ।

ସବୁଜ ପତ୍ରଯୁକ୍ତ ପନିପରିବାରେ ଆଇରନ ଭରପୂର ରହିଥାଏ ଯାହା ଆପଣଙ୍କ ପିରିୟଡସ୍ ସମୟରେ ଜରୁରୀ ହୋଇଥାଏ । ଯଦି ଆପଣଙ୍କ ଶରୀରରେ ଆଇରନର ଅଭାବ ଥାଏ, ତେବେ ଆପଣ ଶୀଘ୍ର ଥକି ଯାଇପାରନ୍ତି । ସେଥିପାଇଁ ପାଳଙ୍ଗ, ଫୁଲକୋବି ଏବଂ କୋବି ପରି ପନିପରିବା ଖାଆନ୍ତୁ । ଏହି ପନିପରିବା ଶରୀରରେ ଆଇରନର ସ୍ତରକୁ ବଢାଇବ, ଯାହା ଆପଣଙ୍କୁ ପିରିୟଡସ୍ ଯନ୍ତ୍ରଣାରୁ ମୁକ୍ତି ଦେବ ।

କଫିନ୍ କିମ୍ବା ମଦ୍ୟପାନ କରିବା ଦ୍ୱାରା ଯନ୍ତ୍ରଣା, ମୁଣ୍ଡବିନ୍ଧା ଏବଂ ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି ହୋଇପାରେ । ସେଥିପାଇଁ ପିରିୟଡସ୍ ସମୟରେ ନିଶାଯୁକ୍ତ ପଦାର୍ଥ ଖାଇବା ଠାରୁ ଦୂରେଇ ରୁହନ୍ତୁ । ଆପଣଙ୍କ ଖାଦ୍ୟରେ ରସବେରୀ ଚା’, ପୁଦିନା ଚା’ କିମ୍ବା ହର୍ବାଲ ଚା’ ସାମିଲ କରନ୍ତୁ ଯାହା ଯନ୍ତ୍ରଣାକୁ କମ୍ କରିବାରେ ସହାୟକ ହେବ ।

ଡ୍ରାଏ ଫ୍ରୁଟସ୍ ଏବଂ ବାଦାମ ଯନ୍ତ୍ରଣା ହ୍ରାସ କରିବାରେ ଅତ୍ୟନ୍ତ ପ୍ରଭାବଶାଳୀ ହୋଇଥାଏ । ଏଥିରେ ଓମେଗା -୩, ମ୍ୟାଗ୍ନେସିୟମ୍, ପୋଟାସିୟମ୍, ଆଇରନ୍ ଏବଂ ପ୍ରୋଟିନ୍ ମିଳିଥାଏ । ଏହି ଖାଦ୍ୟ ଭଲ ନିଦରେ ସାହାଯ୍ୟ କରିଥାଏ । ଏହା ବ୍ୟତୀତ ଡ୍ରାଏ ଫ୍ରୁଟସରେ ମ୍ୟାଗ୍ନେସିୟମ୍ ମିଳିଥାଏ ଯାହା ଆମକୁ ସ୍ନାୟୁ ପ୍ରଣାଳୀକୁ ଶାନ୍ତ କରିବାରେ ସାହାଯ୍ୟ କରିଥାଏ ।

 

Leave A Reply

Your email address will not be published.